Deuteronomy 5
Yaathang taraa
(Khong 20:1-17)
5 Moses-na Israelgi misingbu loina koukhatlaga haayrammi, "he Israel, ngasi kouba numitsida eina takliba pathapsing amadi leengaklonsingsi pukning changna taro. Pathapsing amadi leengaklonsingsi ningthina tamduna ngaakna chatkadabani. 2 eikhoygi epuroi Eesor-na eikhoyga loynanaa Horebta areppa waasak amaa lounakhi. 3 Eesor-na asigumba waarepsi epa epu-singga leinakhide. Ngasi phaaoba taaibang chinjaak chaaduna leiriba eikhoyga changnakhi. 4 Loibi chingjaaoda Eesor-na meiraktagi maiga maiga onsinnaduna waa ngangnakhi. 5 Matamduda Eesor amadi nakhoygi narakta eina leptuna Eesor-na haayrakpa waasingdu nakhoyda khanghankhi. Meidu ubada nakhoy kikhi. maramsina nakhoy chingjaaoduda kakhatpa ngamkhide. Eesor-na matamduda taakpikhi:
6 keisum-sanggi matougumlaba Egypttagi nakhoybu puthorakpa nakhoygi mapu ebungngo Eesor-duni.
7 Eihak nattana atoppa laai amaa nakhoyna ningloidoubani.
8 Nakhoyna laai murti saroidoubani. Nongmadonda leiriba jibaa, maalemsida leiriba potsing, amadi laaija eronnungda leiriba jibaasinggi murti saaduna 9 Khurumloidoubani. nakhoygi napuroi Eesor Eisi kallak chaaoba ebungngoni. Eibu tukkachana touba miduda mapaa mapusingna touramba ayon araansinggi lamandu singnanaba chaaron-suron ahum mari phaaoba kaode.
10 Eibu nungsijaba amadi eigi yaathangsingdu kaidana chatchabasingduna eigi chetnachanna nungsibadu thoina henna utpiba ebungngoni.
11 Arembada nakhoygi mapu ebungngo Eesor-gi minglendu palloidoubani. maramdi arembada Eesor-gi minglen paalliba midugi marandu Eesor-na kokpigadouba leite.
12 Nakhoygi napuroi Eesor-na nakhoyda taakpikhiba gumna potthaaba numittu sengna ngaaknaba hotnou.
13 Numit tarukni nakhoyna thabak sugadabani. 14 adubu nakhoygi napuroi Eesor-gi minglen ningsingnaba taretni subaa numittu potthaaba numitni. Haayriba numitsida nakhoyna, nachaasingna, nupi-singna minaai nupaa amadi nupi-singna, nakhoygi san amadi lola, nattraga atei saasingna, nakhoygi naranyaaida saaidaangduna leiribasingna, thabak suroidoubani. Numitsida nakhoysu nakhoygi minaaisingsu thabak touba yaade. 15 Egyptta nakhoy minaai oirammi haaybasi kaoroidoubani. Maphamdudagi napuroi Eesor-na mapambom amadi mapaanggaltana pubirakkhi. maramsina napuroi Eesor-na potthaaba numitsi ngaakna chatnanaba yaathang pibikhi.
16 Napuroi Eesor-na nakhoyda yaathang pibikhibagumna nakhoyna napaa amadi namabu ekaai-khumnagadabani. Napuroi Eesor-na nakhoyda pibikhiba lamsida nakhoy punsi nungsangna amadi mara tapna paanba ngamnaba ebungngobu ekaai-khumnagadabani.
17 mi haatpharoi.
18 Mitu laanpharoi.
19 Huraanpharoi.
20 Yumlonabasinggi mayokta araanba saakhi piroidoubani.
21 Yumlonnaba kanaagumba nupaa amagi nupibu ngangnage khallunu. Yumlonnaba kanaagumbagi mayum, marou, minaai nupaa amadi nupi, san, lola, nattraga makhoygini haayna leiriba potsingda mitaruganu.
22 Mathakta eribasi Eesor-na chingdonda ngaanthoibiduna meiraktagi, leichinlaktagi amadi asukpa maphamdagi khonjen houna taakpikhribani. maasi nattana thoidokpa maakha taakhide. ebungngona nungpak anida pumnamaksi eraga eigi ekhutta sinnakhi.
Miyaamna kiba pokpaa
(Khong 18:21)
23 Akoybadadi suklaba mamlaba adugaa chingdondadi mei chaklingei matamda nakhoyna khonjendu taabada nakhoygi salaaigi ahansing amadi luchingba-singna eigi enaakta ngamnamak laakkhi. 24 Matamduda nakhoyna haaykhi, ”yeng-u, eikhoyna ningjariba epuroi Eesor-na matik mayaaidu eikhoyda utpire. Meiraktagi eikhoyna ebungngo-gi khonjen taaba phangjare. Ngasidi mapu ebungngo Eesor-na hingliba taaibang mida apannana waa ngaangbadu taajare. asi phaaobada siba naaba amatta thokte. 25 eikhoy siroidra? eikhoygi epuroi Eesor-gi khonjensi Amukka haanna taarabadi chakliba meisina eikhoybu chakthektuna tumna manglagani. 26 Meiraktagi sinaaidba Eesor-gi khonjen taaraba taaibang kanaana eikhoyna taribasigumba taaraga taaibang chinjaak chaakhigadra? 27 Nakna changsinduna eikhoygi epuroi Eesor-na taakpirakkadouriba waadu munna tabiyu. eikhoygi epuroi Eesor-na nangonda haaybirakpa waasingdu eikhoyda mayek sengna taakpiyu. eikhoyna yaathangdu kaidana chatchage. 28 nakhoyna eingonda waasingsi haayba matamda Eesor-na taakhi. maramsina Eesor-na eingonda asumna taakpikhi: misingsina nahaakki naphamda haaykhiba waasingdu eina taare. makhoyna haayribadu thamoi senglabani. 29 Asigumna eibu kina chatchanaba, eigi yaathang ngaakna chatchanaba, thamoisi matam leibada leirabadi, makhoygi matamdagina machaasinggi haktak phaaoba nungaaina leigani. 30 Chatlaga makhoyda haiyu: nakhoygi leiphamda hallo. 31 Nahaakti eigi enaakta leikho. makhoyda tambigadouba yaathangsing, pathapsing amadi leengaklonsingdu Eina nangonda takkani. pumnamaksi Eina makhoyda pigadouriba lamdu youraga paangthokkadabani. 32 nakhoygi napuroi Eesor-na nakhoyda piriba yaathangsingsi kaidana paangthokkadabani. nakhoyna touningbata touroidoubani. 33 nakhoyna phanggadou-riba lamduda punsi nungsangna pannanaba, mara tana leinanaba amadi lomba naaidaba punsidu phangjanaba napuroi Eesor-na nakhoyda taakpikhiba yaathangsingdu hiktoktana chatkadabani.