Jeremiah 13
1 Eingonda Eeshorna taakpikhiba waashingdu asini: khwaangjet oinaba kabranggi phi amaa chattuna leiro. Adu nahaakki nakhwangda kisillu. Haayriba phisi eeshingda luppa yaade.
2 Eeshorna taakpiba matung ennaa eina khwaangjet oinaa phi amaa leirammi. Aduga madu eigi khwangda kidung thammi,
3 Mathangda Eeshorna eingonda Amukka haanna waa haaybirammi,
4 "Nahaakna leirakpa nakhwangda laakliba khwaangjettu paayduna Euphrate taanna chattuna maasibu maphamduda lokchap amada lotlu."
5 Eeshorna eingonda taakpiba matung ennaa eina Euphrate taanna chattuna khwaangjettu lotlammi.
6 Matam yaamna kuina leiraba matungda Eeshorna eingonda amuk haanna waa haayraklammi, "hougatlo, Euphrateta chatlo. Aduga eina maphamduda lotlunaba yaathang pikhiba phidu purak-u."
7 Masigi matungda Euphrate taanna chattuna maphamduda eina lottuna thamlamba phidu touraga louthoktuna purakrammi. Yeng-u khwaangjettu shegaairamle. madu karisu kannaadre.
8 Matangduda Eeshorna eingonda laaktuna haayrammi, " Eeshorna asumna taakpiri: Matou asigumna eina Judah amadi Jerusalemgi napandu thudekkani.
10 Eigi ewaa taningdraba phattaba mishingsina makhoygi thamoina khoidaba thabaktuda touduna, atoppa laaishinggi matung enduna makhoybu khurumliba aduga seba touribashingsi, thabak amaa phaaobada, shijinnaba yaadraba khwaangjetsigumna tumna maanghan-gani.
11 Kanaagumba nupaa amagi makhwaangda khwaangjet laakpagumna Israel amadi Judahgi mishingsu eigi ekaada nakna leijanaba yaathang pikhibani. Eigidamak makhoysina jaat amaa, michang, thaagatnaba urong, matik mayaaigi yum-phamnachingba oinanaba khankhi. Adubu makhoyna pumnamaksi arembada tahankhi. Masimak Eeshorna Ebungngona taakpiri.
Yu kharung
12 Nahaakna makhoygi maphamda haayriba waashingsi phongdokkadabani: Israelgi Eeshorna asumna taakpiri, "Kharung khuding yu thanna yaao-gani. " makhoyna nangonda haayrakkani, " Kharung khuding yu thanna yaaogani haaybasi eikhoy khangde haayna ningbra?
13 Matamduda nahaakna makhoyda haaygani, "Eeshorna asumna taakpiri, "yeng-u, leibaaksida leiriba mi pumnamak yu ngaaohn-gani. Davidki shinghasanda ningthou oinaa phamliba ningthoushing, waa taakthokpa shing, amadi Jerusalemda leiriba mi pumnamak loina ngaohn-gani.
14 Amanaa amagi mathakta khudi thihn-gani. Mapaana machada khudi thihn-gani. Masimak Eeshorona taakpiriba waaphamni. Eina makhoybu thoujaan natraba minungsi, natraga thotnounadi toubiraroi. Adubu makhoybu tumna maanghanbadi touroi.
15 Napan touganu, nathawaay yaaona paaoutaaksi taao, maramdi Eeshorna waa haaybiri,
Napan thaadoknaba Jeremiahna phongdokpa
16 Puraktringeida mahaakna amaamba nakhoygi nathakta, thaagatlo nakhoygi Eeshorbu, masen maraang uriba chingduda thidringei khudi nakhoyna mangaan thiduna leijaringeida, mamhanbiragani mahaakna shukna mamba ahinggum,
17 Karigumba nakhoyna eigi ewaasi taabidrabadi, achikpa maphamda changduna eigi thamoisi tengtha naoigani, ningshingduna napan nakhoygi, taarakkani emitsidagi atatpa leitana piraangdu, maramdi Eeshorgi yaao shanggudu pukhragani ngamnamak loi oina
18 Ningthou amadi mamaa ebemma maharanida haayyu: Leikha taaba taare. Waangna phamba yararoi, nakhoygi chaaothokchapham oiriba luhuptu kellagani.
19 Negevki saaharshingdu thong thingle, maasibu haangdoknaba kanaasu leiraroi, Judah pumbasu loi oinaa pukhragani, kanaasu lemhouraroi.
20 Namit paangthoktuna yeng-u, laakliba awaang haaram paangbadagi, nakhoyda shinnakhiba yaao shanggudu kadaayda leikhre? nakhoyna yaamna napan toujaramba yaao shanggudu kadaayda thamkhre?
21 Nakhoy awaaba taaraba matamda kari haaygani? nakhoygi luchingbashingdu mapham keida phangba ngamdrabada kari haaygani? nakhoyna makhoybu luchingba oinanaba tambikhiba natra? Chaboksangda leiribi nupina awaa meichaak khangbagu, khangloidra nakhoy awaaba?
22 Nakhoygi thamoida karigino asigumbasi eikhoyda thokliba haayna chingnaba leirabadi nakhoyna khanggadabani nakhoyna mapaan naaidana paap touba maramna nakhoygi shetliba phidu haidoklabani. Maramsina nakhoy awaaba nanglibani.
23 Kwaakna erujaraga ngoubara? Keina mayek mangbra? nakhoydi? nakhoynabu aphaba touningbra? nakhoy phattaba touge haayna poklaklaba natra?
24 Maramsina eina nakhoybu phouhamgumna humdokkani, sitliba nungshitna humbagum marubhumidagi,
25 Eeshorna taakpiri, nakhoygi damak naraibakta tambikhibadu asini. Nakhoyna eibu kaaothoktuna araanba laaishingduda thajari,
26 Ei eshamakna nakhoygi phidu haigatkani, adu oirabadi nakhoy ekaaiba nanggani,
27 Eina nakhoyna touba phattaba thabakshingdu ure, nakhoyna araanba lamchat chatliba, shagol amomgum touriba, nakhoygi penba naaidraba shadonggi apaambashingdu eingonda tukkachanabagi mashakni. Loibi ching amadi lamhaangshingda nakhoyna touba araanba thabakshingdu eina ure, onthokpani Jerusalem, nahaak maangledo, kayaa kuina nahaak asumna ningaidana leikhigadage? akibagi mashak oiraba ekang