Job 15
Anishuba marei
(15:14,21:34)
Eliphazna haayrammi:
1-2 Job, nahaakna ngaangliba waashingdu artha yaaode,
3 Ashingba kanaana nahaakna ngaangliba adugumna ngaanggadouba natte, mashaabu ngaakthokchanaba ngamba oirabasu aduk artha yaaodana ngaanggadouba natte.
4 Eeshorbu kina chatpagi ethindu nangonda leite, mapugi mamaangda nahaak narai nonyaade.
5 Nahaakna toujaba araanbaduna nakhouri youre, nahaakna ngaangliba waashingdugi mapaanna naran thupchinnaba hotnei.
6 Eina nahaakpu manghalluduna kaannaba leite maramdi nahaakki waangaangshingduna adum nashaabu manghanjarabani.
7 Taaibangsida misi nahaakna mahallabani ningbra? Loibi chingshing epuroina shembiba matamda nahaak uhoubra?
8 Epuroina shinkhiba thouramshingdu nahaak tahoubra? taaibang mina phangjariba loushinggi meirisi nangkhaktada leibra?
9 Eikhoina khangdabadu nahaakna khangba hounade,
10 Eikhoina khanglibasi ahanshingdagi tamhouribani, nahaakpu pokpaa epadubu haanba mishingdagi tahouribani.
11 Epuroina nahaakpu themjinbiri adubu madu nahaakna louningde, eikhoyna thotna louna ngaangdunasu nahaakna taningde.
12 Nahaak khoiraang khoisaoduna eikhoyda munna yengli.
13 Epuroibu nahaakna shaaori aduga nahaakna ebungngobu khonggaaonari.
14 Ashengba mi leiba hounabra? epuroigi maangda ashengba kanaa leibage?
15 Epuroidi dut phaaoba thaajadabani, ebungngogi mityengda dutshingdusu shengba youdabani.
16 Laaija eeshing thakpagi matougumna mina phattabadu touwi, maramsina mi haaybasi shengde aduga magun leitba jibaa amani.
17 Job, eina khangbadu haayge nahaak munna taro,
18 Ipa epudagi ahouba loushinggi meiridu eina tamjahouwi, makhoyna aronba amatta leitana taakpiramlabani.
19 Makhoyna leiramba leibaaktu mitop amatta leikhide, epuroigi yaathangdu enba nattana makhoybu laanna chingbinaba kanaasu leikhide.
20 Ateibu neiduna chariba phattaba nupaaduna mahaakna hinglingeida awaaba khaangba haaybasi mahousani.
21 Manada matam leibada akibaa khongjen taagani, Mahaakna yaaiphare khanjaba matamduda huraanba changgani.
22 Takhrabada amaambada amuk hallakkani haaybasi mashaana thaajade, maramdi khangdaba matam amada thangna kakkadabagi ngaairi mahaakpu.
23 Mahaakki ashibaa mashaadu langjana chagadoubagi ngaairi, mahaakna khang-e laakkadouba matamdu awaabani.
24 Paanggal leiraba ningthou amanaa laandanaba shem saabagumna khudongthibana ngaaiduna lei haaybasi mahaakna khang-e.
25 Epuroida khudonbi utpa midugu maraibaktu masini, paanggallaba Mapubu Khonggaonaba midu asumna oigani
26-27 Adubu adugumba midu napan touwi, maramsina mahaakna chunggoi amaa pairaga epuroigi mathakta laandaru-i.
28 Asumna kanaagumbana saaharshingdu lousilli, Mapu chenkhraba yumshingduda leinaba hotnei, adubu lan laaktuna adugumba saaharshing amadi yumshingdu manghankhigani.
29 Adugumba nupaadu kuina enaak khunba yaade, mahaakki haayna leiramba pumbaa tumna mangkhigani. Mahaakki mami phaaoba mangkhigani.
30 Amaambadagi mahaak chenthokpa ngamloi, meirina chaktuna masigi chonglakpa mayondu kangkhigani, aduga mahaakki ashaatpa leirangdu nonglei nungshitna humduna pukhigani.
31 Phattabada thajarabadi, phattabadu mahaakki nomjamangi mahei oigani.
32 Matam youdringeida mahaak patthakhibani, patthaaraba mashagumna khuithakhibani aduga amuk mayol chongloi.
33 Mundringeida angur mahei kanglaba maridugumna mahaak kangduna maanggani, mapaan shaatlakpa matamda kemduna mangba chorphon paambigum oigani.
34 Phattaba midi chaaron-shuron taaba hounade, namduna louba peishaana shaaba yumdu kemduna maanggani.
35 Asumna mishingna mashaana lang thakche aduga phattaba touwi, makhoygi thamoida minamba thalli.