1 Chronicles 22
22 maramsina Davidna haayrammi, "maphamsida epuroi Eesor-gi ningna sang oiragani. Israelgi misingna meida thaaduna touba thoudu paangthoknaba phaankhongdu maphamsida leiribasini. "
Ningna sang sannaba thouraang touba
2 Davidna Israelda leiriba lamlaanbasingdubu koukhatlaga thabak suhanlammi. Makhoygi marakta kharana ningna sangdu sanaba nungpaknachingba sahallammi. 3 Thonggalgi thong saabada sijinnaba yotpi amadi phannaba mapot semnnaba yot Davidna pirammi. Masiga loynanaa pithraai mapaan naaidana pirammi. 4 Deodardagi semba pheirendi masing nairamde. maramdi Sidon amadi Tyregi ningthou-singna Davidta deodar oktribamakhei pirammi. 5 Davidna haayrammi, “eigi echaa-nupaa Solomon pikli. mahaak karisu khangdri. Eesor-gidamak sagadouriba ningna sangsidi angakpa phangna phajagadouribani. maramsina eina masigidamak sem-saaribani.
Matou asumna Davidna sidringeida ningna sang sannaba machak yaamna peirammi.
6 Matungda mahaakna machaa-nupaa Solomon kouraduna Israelgi Mapu ebungngo Eesor-gi ningna sang amaa sagadoubani haayna yaathang pirammi.
7 Davidna Solomonda haayrammi, "ebungngo, epaana epuroi Eesor-gidamak ningna sang amaa sage haayna ninglakpa matam kuire. 8 adubu Eesor-na taakpikhi: David, nahaakna ee kayaa taahankhi adugaa lan kayaa soknakhi. taaibang maalemsida nahaakna eigi emangmaktada ee taahankhiba maramna nahaakna eigi ningna sangdu saaba yaaroi. 9 Yeng-u, nahaakna nachaa-nupaa amaa pokkani. Adugu-mba nachaa-nupaadu pukchel Tappa amaa oigani. maramsina mahaakpu akoybada leiriba yeknaba-singgi makhuttagi eina kanbigani. adugaa mahaakki maming Solo-monmon kougani. Mahaakna pallingeida Israelgi manungda nungaai yaaiphaba oihan-gani. 10 Mahaakna eigi emingsigi matik yengduna ningna sang amaa sagani. mahaak eigi echaa oigani adugaa eihaak mahaakki mapaa oigani. mahaakki chaaron-suronduna Israelbu mathang mathang waayelduna paan-gani."
11 Davidna maakha tatharaduna haayrak-e, "houjikti, ebungngo, napuroi, Eesor-na nahaakka matam leibada loinaduna leigani ebungngo mahaakna taakpikhiba matung ennaa napuroigi ningna sangdu saaba ngamhanbiba oisanu. 12 Eesor-na nahaakpu lousing singhanbisanu. Israelgi mathakta nahaakpu ningthou oinaa palhanbiba maramda napuroi Eesor-gi yaathangdu ngaakna chatpa ngamnaba napangandu ebungngo mahaakna pinabiba oisanu. 13 Israelgidamak Mosesgi matamda Eesor-na taakpikhiba chatnaron amadi lichatlonsingdu ngaakna chatlabadi nahaak chaaokhatpa oigani. Napuk-ning lep-pu adugaa nathouna leigadabani. Kiroidoubani. adugaa lamuknadanaba matam leibada khu sensagadabani. 14 Eina hotnajaman-gi mahei oinaa sanaa kilo 4,000,000 silver kilo 40,000,000 piduna tha-namlibasini. Masigisu mathakta yot amadi pitraidi awaatpa leitaana leiribasini. Eina nung amadi unachingba loina yaribamakhei piduna thamlibasini adubu nahaakna khara amaaga khomjinba taay 15 thabak Sunanaba misi thoidokpa awaatpa leiroi. Nung khaaiphamda thabak Sunaba matik chaana lei. maadu thoidokpa waatpa leiroi yum saaba amadi u subaa adugaa makhal makhaagi leiteng hakpa ngamba thabak subasing ngamnamak adugaa 16 sanaa, silver, pithraai amadi yotnachingba phajanaa subaa ngamba mi kayaamarum leire. maramsina houjikti nahaak thabaksi houba yaare adugaa Eesor-na nahaakpu loinabiba oisanu.
17 Davidna machaa-nupaa Solomonbu pang-binaba Israelgi ahansingda haayjarammi. 18 Mahaakna makhoyda haayrammi, "nakhoygi napuroi Eesor-na nakhoyga loynariba nattra? ebungngo mahaakna nakhoyda nungaai yaaiphaba pibikhiba nattra? ebungngona maalemsida leiriba misingbu eigi ekha polhanbikhi. maalemsi Eesor amadi mahaakki manaai oiriba eikhoygi emangda marai lukkhibani. 19 maramsina houjikti thawaay hakchaang animak amatta oinaa Eesor-bu thijou. Hougatlo, adugaa Eesor-gi ningna sangsi saaba houro. adu oirabadi Eesor-gi phambaal amadi ebungngo-gi asengba potsingdu Eesor-gi minglenda sariba ningna sangduda thamba yagani. "