Psalm 78
Mapu Ibungo amadi Ibungogi mishing
Â
78 Eigi mishing, eina piriba paotaksi taro, eina haiba wa khuding napukning changna taro.
2 Â Eina praman panthei sijinnagani, houkhiba matamgi manungda angakpasingdu karina takkani.
3 Â Eikhoina takhraba amadi khangkhraba, ipa ipuna eikhoida hairamba pumba takpigani.
4 Â Waridu ichasingda haidoktana lottuna thamloi. Ishor-gi matik mayai amadi angakpa thabak pumnamak tungda lakkadouba mironda takpigani.
5 Â Israelgi mishingda Ibungona chatnarol takpikhi, Jacobki charonda yathang pibikhi, Ibungona eikhoigi ipa ipusingda tungda lakkadouba mironda tambinaba hairammi.
6 Â Asumna mathanggi mironduna masibu tamhouraga, makhoina pokpa charonduda amuk takpigani.
7 Â Asumna tourabadi makhoina Mapu Ibungoda thajagani, Ibungona toubikhiba pumnamak kaoroi, matam leibada makhoina Ibungogi yathangdu ingani.
8 Â Lan houganba amadi haiba indaba, Mapu Ibungoda thajaba thamdaba amadi Ibungoda thajarabasu mara chettaba mapa Mapusinggumna makhoidi touroi.
9 Â Lan thengnaba numittuda Ephraimgi mishingna lirung amadi ten paiduna chenkhi.
10 Mapa Mapuga lepnakhiba areppa wasaktu makhoina ngakkhide, makhoina mahakki puyadu inkhide.
11 Ibungona toukhiba angakpasingdu makhoina ngamnamak kaokhre.
12 Egyptki Zoan tampakta, makhoigi mapa Mapusinggi mangda Mapu Ibungogi angakpasingdu pangthokkhi.
13 Ibungona ipaktu khaidoktuna makhoibu chathanbikhi, ishingdu mapei oina phaklanggumna leihankhi.
14 Numit thokpa matamda Ibungona makhoibu leichin oina uhanbiduna lamjingbikhi, ahinggi matamdana meingal oina uhanbiduna pubikhi.
15 Lamhangda Ibungona nungjao hogaiduna phanghanbikhi makhoida laija thaknaba.
16 Nungngailaktagi thok-hanki ishing, chelhankhi turelgumna laija.
17 Adubu makhoina Mapu Ibungogi mayokta aranba chatkhi, wangchaoraba Mapugi mathakta makhoina irang houkhi.
18 Makhoina chaningba chinjak piyu haina laoduna Mapu Ibungoda singnakhi.
19 Makhoina Mapugi mayokta asumna haikhi, "lamhangsida Mapuna chinjak piba ngamgadra?"
20 Ibungona nungjaodagi ishing thok-hanbikhi, amadi turelgumna ishing chelhanbikhibadu achumbani adubu Ibungo mahakna mishingsida tal amadi sha piba ngamgadra?"
21 Makhoina hairiba wasida Lainingthou Ibungo saorammi, maramsina Ibungona mahakki manaisingdubu mei chakhanduna awapham tahanbikhi. Ibungogi asaobadu nongma nongmagi hen-gatlammi.
22 Makhoina Ibungoda thajaramde amadi Ibungona makhoibu kanbiba ngamba Mapuni haibasi thajakhide.
23 Ibungona nongmadonda yathang pibirabada, masigi thong pumnamak hangdokkhi.
24 Ibungona makhoida nongmadondagi mahei marong pibikhi, pinabikhi manna makhoigi chinjak oina.
25 Dutsingna chaba chinjaktu makhoina chakhi, Mapu Ibungona makhoigi apamba pumnamak pibikhi.
26 Nongpokki nungsittu Ibungona sithankhi. Ibungogi panggaltana kharomdagi nungsit lakhankhi.
27 Ibungogi mishingduda mahakna uchek thadabikhi, turel khongbalda tariba leingoigumna mashing yamhankhi.
28 Ucheiksingdu makhoina leiriba shangsingdugi akoibada takhi.
29 Ucheksingdu charaba matamda miyamdu penkhi, makhoina pamjabadu Mapuna pinabikhi.
30 Adubu makhoigi karam chaobadu kokkhide, maramsina makhoina ngamgadouba changdagi henna charammi.
31 Mapu Ibungona saoraktuna makhoigi akanba mishing hatkhi aduga maduda Israelgi pakhang kaya sikhi.
32 Pumnamaksi thoktunasu miyamduna aranba tokpa leite, mahakna touba angakpasingdu udunasu thajabadi leite.
33 Maramsina Ibungona makhoigi Mapunsidu sor thadatpagumna thatkhi khanghoudana manghanbikhi makhoigi punsi.
34 Ibungona makhoi kharabu sihanbiba matamda, leihouribasingduna Ibungogi khuyakhada changlaktuna atatpa leitana khurumjarammi.
35 Matamduda makhoina Mapuna makhoibu ngakpigadoubani khankhi, wangchaoba mapuduna makhoigi thengbangbibaduni ningkhi.
36 Adubu makhoigi machindagi thorakpa wasingdu achumba yaode aduga aranbana thanlammi.
37 Ibungoda makhoina mamai onsinlamde, Ibungoga makhoiga thamnakhiba areppa wasaktu ngakkhide.
38 Adubu Mapu Ibungona mahakki mishingbu nungsibirammi, Ibungona makhoigi maran ngakpikhi. Maramsina makhoibu tumna manghanbikhide. Matam ayambada Ibungogi asaobadu phathaduna makhoibu awaphamda tahanbikhide.
39 Nungsitkumna sitlamlaga paikhiba, areppa amadi sinaidaba natte haibadu makhoina ningsingkhi.
40 Lamhangda leiringeida makhoina Ibungogi mayokta kayagi matik lan houkhiba, thilhou kaya makhoina Ibungobu wahanbikhiba.
41 Mashing thingamdana makhoina Mapu Ibungobu changyengkhi, Israelgi senglaba Mapu Ibungobu makhoina yetkhi.
42 Makhoina Ibungogi matiktu kaothokkhi. Makhoibu yeknabasinggi khuttagi kanbikhiba numittu kaokhi.
43 Egyptki Zoan-gi tampakta Ibungona pangthokkhiba angakpasingdubu makhoina ngamnamak kaokhi.
44 Ibungona turelgi ishingdu ee oina chelhanbikhi, matamduda Egyptki mishingdu thaknaba ishing phangkhide.
45 Ibungona Egyptki mishingda haying thajinbikhi, amasung maduna makhoibu neikhi, makhoigi leibak manghannaba haiduna hangoi thajinkhi.
46 Makhoigi mahei marong chathokkhinaba haiduna koujeng tharakkhi, maduna makhoigi mahei marong manghanbikhi.
47 Makhoigi drakha pambi len tahanduna manghanbi, makhoigi theibong pambida un tahanbikhi.
48 Makhoigi sha-shal loina lenna thaduna hatkhi, makhoigi yaosingdu nongthangna chakthektuna manghankhi.
49 Ibungogi asaobadu ngamkhei leitana uhanbiduna, makhoibu awabada tahanbikhi. Masimakna asiba kouba laidugi paothang oina tharakkhibani.
50 Makhoibu neiduna mapunsi phaoba Ibungona manghanbikhi. Laichat thok-hanbiduna makhoibu sihanbikhi.
51 Ibungona Egyptki imung khudingdagi ahanba pokpa machanupadu sihanbikhi.
52 Masi pumnamaksigi matungda Ibungona yao sennabagi matougumna Ibungogi mishingdu leikang oiraba lamdamda pubirakkhi.
53 Ibungona makhoibu asoi angam yaodana pubirakkhi maramsina makhoi akiba leikhide. Ipak achoubana makhoigi yeknabasingbu taohankhi
54 Ibungona khandoklaba asengba leibaktuda makhoibu pubirakkhi, Ibungo makhutmakna lousinbikhiba chingdonduda makhoibu leihanbikhi.
55 Ibungogi mishingna changsillakpa matamda, taramba mishingdu tanthokpikhi. Israelgi jatsingda lamdu yenthokpikhi, Ibungogi mishingda yum pibikhi.
56 Adubu Makhoina panggallaba Mapu Ibungogi mathakta lan houduna Ibungobu chang toudunata leirammi. Makhoina Ibungogi yathangsingdu inkhide.
57 Makhoigi mapa Mapusinggumna makhoisu mangak kallammi, akhoiba tenjeigumna makhoigi thamoi chumlamde.
58 Makhoina laimang khurumduna Ibungobu saohankhi, makhoina lai murti lattuna Ibungobu saohankhi.
59 Mapu Ibungona masibu ubada saoraduna Ibungogi mishingdubu thapna thambikhi.
60 Ibungona Silohda shang thudekkhi, adugumba yumduda nganthoibiduna Ibungona eikhoiga leikhi.
61 Ibungogi matik mayai oiriba areppa wasakki urongdu yeknabasinggi khutta tahankhi.
62 Ibungogi mishingbu saoba maramna makhoigi makhutta mathawai lalhankhi.
63 Pakhang kaya landa mathawai thakhi maramsina leisabising mayum pannaba nupa leiramde.
64 Purohitsing lallakta sikhi, makhoigi lukhrabisingdu tengthahankhide.
65 Mameithangda Lainingthou Ibungona tumlambadagi hougatlakpagum hougatlakkhi, mapanggal kallaba yu thakpa nupa amagumna hougatlakle.
66 Ibungona yeknabasingdubu matam kuinagi oina tanthokpikhi.
67 Adubu Josephki charondu Ibungona inthokpikhi, Ibungona Ephraim sageibusu mityeng tabikhide.
68 Judahgi sageidubu Ibungona khandokpikhi, khanbikhi Ibungona nungsijaraba Zion chingdu.
69 Maphamduda Ibungona ningnashang sabikhi. Koirouthakta sariba ningnashangduga mannahankhi. Matam leibada ningnashangdu malemgumna lengdana leihanbikhi.
70 Ibungona manai Davidpu khandokpikhi, sansenbungdagi mahakpu Ibungona koubikhi.
71 Matamduda David yao senduna leirammi, adubu Ibungona mahakpu Israelgi ningthou oihankhi. Mapu Ibungogi mishingbu amata oihanbikhi. 72 Davidna thawai hakchang animak amatta oina makhoigi seba toukhi, heisingna mahakna makhoibu chingbikhi.