Psalm 104
Leishemba Mapubu thaagatpa
1 He thawaay, Eeshorbu thaagatlasi, he Eeshor, epuroi, nahaakki natik angakpani. Ebungngodi chinglemba amadi nangal leibani.
2 Mangaanna yomshinduna ebungngogi natik hen-gathalli, phijang khanbagumna Ebungngona nongmadon pakthokhalli.
3 Ebungngona leichinlakta kaidongbiri. Leichinbu dollai oinaa tongbiri, nonglei nungshitpu shadong oihanbiri.
4 Nungshitpu phaaduna paaojel oinei, nongthaangsu kuphanbiduna nanaai oinei.
5 Malemsu lengdana thambiri, maasi mapham hongba leiraroi.
6 Masigi akoybada epaak leihanbi, loibi ching phaaoba laaija thok-hanbi.
7 Ebungngona laaijada cheiba matamda thaapna chenthokkhi, ebungngogi yaathangdu taabada choijaainakhi.
8 Masina loibi amadi tampaak kayaa phaodung chelli, Ebungngona makhoygi damak khandokpikhraba maphamdu chenthari.
9 Makhoyna laanduna chatpa ngamloidouba ngamkhei amaa thambi,
10 Tampakta Ebungngona eephut thok-hanbi loibi chinglakta turenda kayaa chelhanbi.
11 Lamlakta leiba shaashing phaaoba laaija phanghanbi, lamda leiba lolana khouraangba kokpa ngammi.
12 Manak nakpada houriba upaalshingda, sajari cheklaashingna makon.
13 Nongmadondagi Ebungngona chingda nong taahanbi, maalemsi ebungngogi kubibaduna khudon oiri.
14 Sashingna chaananaba haayduna houhanbi napi, mahei marong kayaa amaa taaibang migidamak houhanbire. Asumna taaibang mina chaanaba thaaba ngammi.
15 Harao tayaamnaba yu thok-hanbi, pukning nungaainaba Chorphongi thaao thok-hanbi,
16 Lebananda houriba deodarshingdu nong maraang kaina phanghanbi, haayriba upaanshingsi Eeshormakna thabikhibani.
17 Maphamduda cheklaashingna makon sajari, uritshingna heibi paambida mahum sajari.
18 Awaangba loibida lamgi haamengna mayum oinaa leiri, lokchapshingna shaaomnachingba shaashinggi leiphamni.
19 Thashing thinanabagidamak Ebungngona thaa shemkhi, numit khongchat kaidana takhri.
20 Ebungngona ahing shembire aduga amaambada lamda leiba shaashingna koyna chatli.
21 Cheigallaba nongshashingna machinjaak thiba matamda khongli, thiri makhoyna Eeshorna pibikhiba machinjaak
23 Mina mangaan laaklaba matamda thabak shunnaba thorak-e, numidaang oidriba phaaoba makhoyna thabak shui.
24 He Eeshor, Ebungngona mashing naaidaba khutshem thok-hanbire, pumnamaksi Ebungngona kayagi matik heina shembikhiba Ebungngona shembikhiba jibaashingna maalemsi thalli.
25 Achouba amadi apikpa, mashing thingamdraba lengli paalliba jibaa kayaana leiri achouba epaakta.
26 Holli jahaj kayaa epaaktuda aduga eronnungda sannari Leviathan kouba hingchabaduna.
27 Pumnamaksi ebungngogi nakhutta leiribani maramsina makhoyna chaanaba machinjaaktu Ebungngona pinabi.
28 Ebungngona makhoyda machinjaak pinabi aduga makhoyna madubu chaay, Ebungngona makhoygi damak tamkhraba machinjaaktu phangjaraga apenba oiri.
29 Ebungngona makhoybu thaadokpirabdi akibaa pok-e, Ebungngona taaibang chengjel loihanbiba numitta makhoy khamnung sawaatalli, mapunsi loirabada maalemda amuk tinkhi.
30 Adubu Ebungngona thawaay happirabada, makhoy nouna amuk pok-e, uphuldagi punsi thok-hanba ngammi.
31 Eeshorgi matik mayaaidu loyba naaidasanu, Eeshorgi khutshemsi ubada nungaaiba oisanu.
32 Ebungngona maalemda yengthabirakpa matamda maalemsi thak thak nik-e, nahaakna chingshingdu shokpada meikhu thok-e.
33 Ipunsisina leiribamakhei Eeshorbu sonjage, taaibang chengjen loidribamakhei epuroigi matik sakchage.
34 Eina sakchariba esheisi taabada Ebungngona penbiba oisanu, eigi nungaaibasu ebungngodagi laakpani.
35 Malemsidagi phattaba thabak toubashingdu manghanbikhroi, phattabashingdu amuk leihanganu. He thawaay, Eeshorgi mingkhei sollasi, Eeshorgi matik shaklasi.