1 Timothy 3
Shinglupki phamnaaibashing
1 Haayriba asi thaajaba yabani, kanaagumbana Luchintbagi pham thirabadi, mahaakna aphaba thabak paambani.
2 Maram aduna luchingba aduna mingda thiba leitba, nupi amagi mapuroiba, thaktaba, pukning phajinba, changnaiba, pija pithak phaba, tambiheiba;
3 Yu ngaaodaba, yeina cheinagandaba; adubu pukning thotpa ningai kandaba, shel pamgandaba asigumba mi oiba taare.
4 Mahaakna machat phajanaa machaashingbu laaktuna, mahaakmakki emungbu ningthina ngakkadabani;
5 Kanaagumbana mahaakmakki emungbu karamna ngakkadage khangdraabadi, mahaakna Eeshorgi shingluppu karamna ngaksen gadage?
6 Nouna ollakpa mina oidasanu, mahaakna nawaanglaaktuna diyaabolgi waayenda taaba yaai.
7 Amukka mahaakna mingda thibada aniastmg diyaabolgi langda taadananaba mapaanda leibashingna sonnaba mi oiba taare.
8 Adugumduna shinglupki dikanshingna chinglemba mi, machin ani longdaba, angur mahida thoina pukning chaangdaba, sendong karamdaba mi oiba taare;
9 Ashengba achum-araan khangnaba pukningna makhoyna thaajabagi athuppa adu paigadabani.
10 Aduga makhoy asibu hannana chaang yengsanu, maduda makhoyna paaothokpa leitrabadi, dikanshing oinaa thougan tousanu.
11 Adugumduna nupishingna chinglembi, mi hungandabi, yu thaktabi, thabak pumnamakta thaajaba yabi oiba taare.
12 Dikanshingna machaashingbu amasung makhoymakki emungbu phajanaa ngaktuna nupi amagi mapuroiba oisanu.
13 Maramdi dikangi thougan phajanaa touraba makhoy aduna masha mashaagi damak aphaba pham amasung Christa Jesusda leiriba thaajaba aduda yaamna thouna phaba phangjabani.
14 Eina nangonda thuna laaknaba khouraangna ningi;
15 Adubu eina thillaklabadi; Eeshorgi emungda karamba machat chatkadaba nahaakna khangnanaba, eina nangonda waashing asi ebani; emung adudi hingliba Eeshorgi shinglup, achumbagi yumbi amasung ngaklou oibani.
16 Amasung Eeshor ningbagi athuppa adu arubani haayna pumnamakna yabani: ebungngobu hakchaang oinaa phongdokpire, ebungngogi thawaayda dharma chenba oihalle, Swargadut shingna ure, Jaatshinggi marakta shaandokle,Taaibang-paanda thaajare, Matik mangaan-ga loynanaa lou khatpire.