Hosea 9

Israel awaaba taagani phongdokpa

1 He Israel, chaang henna haraao tayaamganuda, atoppa Jaatshinggumna nungaaithokkanuda, maramdi lamchat manglabi nupi amagumna nakhoyna Eeshorbu thaadokhre. Nakhoyna laai murti latle. Lou yeiphamda mahei marong peisinjari,

2 Lou yeipham amadi yu sungphamna makhoybu thakpa ngamloi. Anouba sungba yuna makhoybu marai chaithahn-gani.

3 Eeshorgi lamda makhoy leiba phangloi, Ephraim amuk haanna Egyptta chatlagani. Nattragasu Assyriada makhoy amaangba chinjaak chaagani.

4 Makhoyna Eeshorda angur mahi katlaroi. Ebungngogi makada athen potsu katlaroi. Makhoygi chinjaakti mikap miraokhon nanglabashinggi tanjagum oigani, madu chaaruba mi khudingmak amaangba mi oigani. Makhoygi areiba chinjaak makhoygi araamba koknabani, madu Ningnashangda purakkadaba leite.

5 Akhannaba haraao kummei numitta nakhoy kari tougani? Eeshorgi makada haraaoba phongdokpa oigani.

Tougadaba usobki numittuna nakhoy kari oigadouri?

6 Yeng-u, numittuda makhoy Assyriada chatkani, Egyptshingna makhoybu punsallagani, Mopki mishingna makhoybu phumgani. Netalgi mishingna makhoygi mamal yaamba sanaa silvershingdu loukhragani, makhoyna leiriba khaangpoksangda tingkhang ngaakta ngaigani.

7 Dandi pigadaba numit shingdu laakle, laman khumgadaba numittusu laakle, Israelna maasi khangadabani. Nakhoygi paap amadi nakhoy nashen tukkachanabaduna waa taakthokpa shingdu apangba mi oire, thaaina chenba mishingsu angaaobagi matougumle.

8 Ephraimna yeknabagi louthupka loynanaa Eeshorgi mishingbu ngaairi, tanjasimaktada waa taakthokpa shingdu manaa manaa toujaba thabakki maheina langoi chankhre. Eeshorgi ningnashangdasu makhoyna laangi matougumle.

9 Gibeahda thokkhiba thoudokkumna makhoy mashaana mashaabu manghanjakhre. Makhoygi paap amadi araanba pumnamak manaa ningshingani.

Israelgi paapki mahei

10 Lamhangda houba angur paambigumna, eina Israelbu phangle. Ahaanba munba theibonggi matougum eina makhoygi mapaa mapubu yenglammi. Adubu makhoyna Baal kouba laaidu khurumle, ekaaibagi mashak oiraba pottuda makhoyna thamoi katthokhre.

11 Ephraimna pamjaruba pottumak maraal leire, uchekki matougumna makhoygi ejat mangkhragani.

12 Maramsina chaaron, naoron tanba nupi nattraga mironnaba kanaasu leiraroi karigumba makhoyna machaa-masu yoklabasu, loina maanghan-duna makhoybu awaaba pigani. Eina hundokpiraba mishingdu awaabagi mashakni,

13 nongshagi machaabu tannaduna phaabagum, Ephraim machaashing emu naimu taananaba yokpani.

14 He Eeshor, nangna makhoyda pibigadabu pibiyu, pibiyu makhoyda chaboktabi aduga khom thoktabi nupi.

Israelgi mathakta waayel

15 Makhoygi phattaba pumnamak eina Gilgalda ukhre, khudaktumaktada eina makhoybu tukkachakhrabani. Makoina phattaba touba maramna eina makhoybu eigi yumdagi taanthokkani. Eina makhoybu nungshiraroi, maramdi makhoygi ningthou machaa pumnamak eigi mayokta leire.

16 Ephraimgi matam loire, mahaakki maru khuithare, aduga maheisu pandre. Karigumba makhoyna machaa-masu poklabasu eina makhoygi mapuktagi thokpa Khwaaidagi nungshijaba machadu hattokkani.

Maaichouduna Israelgi maramda phongdokpa

17 Eigi Eeshorna makhoybu lousallaroi, maramdi makhoyna maagi paaoutaak ende, jaatishinggi marakta makhoy kangaaonaraba mishing oiragani.