Jeremiah 41
41 Taretsuba thaada Elisamana pokpaa Nethaniahgi machaa-nupaa Ismael kouba ningthou konda chaaoba ningthougi phamnaaiba makoksinggi manungdagi amanaa mi taraa puraduna Ahikamgi machaa-nupaa Mizpahda leiriba Gedaliahgi manaakta laaklammi. makhoyna punna phaminnaduna tal chaaringei matamda, 2 Nethaniahgi machaa-nupaa Ismael amadi nupaa taaraduna hougatlaktuna Saphan-gi machaa-nupaa Ahikamgi machaa-nupaa Gedaliahbu thaangsaangna kaktuna haatlammi. Mahaakpu Babylon-gi ningthouna leibaaktu ngaaknabagidamak leibaak ngaakpa oinaa khankhibni. 3 Ismaelna Gedaliahga leiminaramliba Jews-singduga loynanaa maphamduda leiramliba Chaldeansinggi laanmisingdusu haatlammi. 4 Gedaliahna siba numittuda kanaagumba mi amaa phaaobana khangdringei matamda 5 nupaa 80-khak makoi kokthokladuna Sechem Siloh, amadi Samariadagi laaklammi. Makhoy phi segaayba setlammi. masaada asokpa mapham kayaamarum leirammi. makhoyna Eesor-gi ningna sangda katnnaba mahei marong amadi dhupnachingba puduna laaklammi. 6 Nethaniahgi machaa-nupaa Ismaelna makhoybu oknanaba Mizpahdagi thora klammi. Mahaakna makhoybu oknaba laakpada tengthaaraduna laaklammi. Mahaakna makoiga unaraba matangduda haayrak-e, "Ahikamgi machaa-nupaa Gedaliahna touribasi yengnanaba lengsinbirak-u." 7 makhoyna sahargi manung changlakpa matamda Nethaniahgi machaa-nupaa Ismael amadi mahaakka loynariba misingduna misingdubu haatlaga surung amada thadakhirammi. 8 adubu makhoygi marakta nupaa tarana Ismaelda "Eikhoibu hatpiganu." haayjarammi. makhoyna haayrammi, "Eikhoina gehu peisinduna thammi. Yab, thao, khoihinachingba yaamna loubukta lotladuna thamli." asumna mahaakna haayriba misinggi marup mapaangsingdu haatkhide.
9 Ismaelna misingdu haatlaga thadakhiba surungdu ningthou Asahodna Israelgi ningthou Baasagi mayokta laan thengnaba matamda toukhiba Khwaaidagi chaaoba eesing thumba mapham oirammi. adubu Nethaniahgi machaa-nupaa Ismaelna haayriba surungsi asibaa masa thathaaduna thal-hankhi. 10 Masigi matungda Ismaelna loisang pannabasinggi makok Nebu-zaradanna Ahikamgi machaa-nupaa Gedaliahda sinnaduna thamlamba Mizpahda leihouba ningthougi maja ebemmasinga loynanaa maaduda leiriba misingdu loi oinaa puduna chatkhi. Nethaniahgi machaa-nupaa Ismaelna makhoybu loi oinaa puraga Ammonnisinggi lamda chathalkhi.
11 adubu matamduda Kereahgi Johanan amadi mahaakka loynariba laanmisingduna haayriba Nethaniahgi machaa-nupaa Ismaelna toukhriba phattaba-singsi taaraga, 12 makhoyna laanmising puduna Nethaniahgi machaa-nupaa Ismaelgi mathakta laandaba chatlammi. makhoyna Gibeongi achouba pukhri amaa leibadugi mapaan taanna laaklammi. 13 Ismaelga loynanaa leiramliba misingduna Kareahgi machaa-nupaa Johananga loynanaa laanmigi makoksinga laakpaduda nungaairammi. 14 maramsina Ismaelna loi oinaa puduna chatlambasingduna makhoybu ubada Ismaelbu thaadoktuna Kareahgi machaa-nupaa Johanangi manaakta chensillammi.
15 adubu Nethaniahgi machaa-nupaa Ismael mi nipaanga loynanaa johanangi makhuttagi naanthoktuna Ammonnisinggi lamda chenkhi. 16 Matamduda Kareahgi machaa-nupaa Johanan amadi mahaakka loynanaa chatliba laanmigi makoksingduga Nethaniahgi machaa-nupaa Ismaelna loi oinaa puduna chatlamba misingdu puduna hallakkhi. Haayriba mising si Mizpahda Ahikamgi machaa-nupaa Gedaliahbu haatlaga pukhiba laanmising, nupi-sing, angaang-sing, napungsaksingnachingbadu Johananna Gibeandagi purakhi. 17 Makhoy Bethlehemgi manaakta leiba Geruth Chimham kouba maphamdudagi Egyptta 18 Chaldeansingbu kiba maramdagi chatlage haayna ninglammi. makhoyna Chaldean-singbu yaamna kirammi maramdi Babylon-gi ningthouna makhoygi leibaak ngaaknanaba thamnaba Ahikamgi machaa-nupaa Gedaliahbu Nethaniahgi machaa-nupaa Ismaelna haatkhibaduda toupham khanglamde.