Revelation 9
9 Amasung mangasuba swarga-dut aduna khongle, adugaa atiyaadagi thawaan-michak amaa prithibida takhiba eina ure, amasung maakha naaidaba kom adugi machingi so maangonda pire. 2 Amasung mahaakna maakha naaidaba kom adugi machin adu haangdokle; adugaa meipham achoubagi meikhugumna machin adudagi meikhu thoklakle; amasung numitsu atiyasu machin adugi meikhuna maanghalle. 3 adugaa meikhu adudagi prithibida koujeng mayaam thoklakle; amasung Prithibigi brischikki paanggal leibagumna, makhoydasu paanggal adu pibire. 4 Amasung maraibakta Eesor-gi chum leitba misingbuta nattana, Prithibigi napibusu, karigumba asangba potpusu, karigumba upaambibusu makhoyna sokpharoi haayduna makhoyda haay. 5 adugaa makhoyna makhoybu hattana thaa mangaa waahannanaba makhoyda pire; amasung makhoygi waahanba adu brischikkna mibu mamuna thinbada waahanbagum oire.
6 adugaa numit sing aduda misingna siba thiragasu khak phangloi; amasung makhoyna siba yaamna pamgani, adugaa sibana makhoydagi chen-thok-e.
7 Amasung koujeng mayaam adugi maongdi laangi thouraang laanglaba sagonsingga mannabani; adugaa madusinggi makokthakta sanaa maanba luhup uppagumbani; amasung madusinggi mamaidi misinggi maigumbani.
8 adugaa nupi-singgi samgumba madusinggi sam leirammi, amasung madusinggi mayadi nongsasinggi mayagumlammi. 9 adugaa yotki Thabaakkhanggumba madusinggi thabakhang leirammi; amasung madusinggi masaagi makhondi kang mayaamgi makhongum, sagol mayaamna laanda hotchinkhibagum oirammi.
10 adugaa brischikka mannaba madusinggi mameisu lei, mamusu lei; amasung madusinggi mameida misingbu thaa mangaa nahannaba paanggal lei. 11 Madusinggi mathakta maakha naaidaba kom adugi dut aduna ningthougumna lei; maagi mamingdi Hebrew londa Abaddon, adugaa Greek londa Applluyon kouwi.
12 ahaanba awaaba adu laanthokkhre; yeng-u, asigi matungda amuk awaaba ani lak-e.
13 Amasung taruksuba swarga-dut aduna khongle, adugaa Eesor-gi maangda leiriba sanaagi laatnapung adugi machidagi khonjen amana, 14 Peresingga leiba taruksuba swarga-dut aduda haayba eina taare, achouba turenda Iyuphreitista pulliba dut mari adu thaadok-u. 15 Amasung pung, numit, thaa amasung chahi adugi damak thouraang laanglaba dut mari adubu, misinggi saruk ahumgi saruk amaa haatna-naba, thaadokle.
16 adugaa sagol tongba laanmising adugi masingdi 200,000,000 oire; eina makhoygi masing adu taare. 17 Amasung auba aduda sagonsingbu, adugaa madusinggi mathakta tonglibasingbu eina matou asumna ure: makhoygi Thabaakkhang meigi, kombirei gi, amasung gandhupki machugumbani, adugaa sagonsing adugi makok nongsasinggi makok kumbani; amasung madu-singgi macindagi mei, meikhu amasung gandhup thoklak-e. 18 Cheinakhon ahum asina misinggi saruk ahumgi saruk amabu madusinggi machindagi thoklakpa mei, meikhu amasung gandhup aduna haatle. 19 maramdi sagonsing adugi paanggaldi machin machinda amasung mamei mameida lei; maramdi mamei mamei adu linsing malli, amasung makok palli, adugaa madusingna misingbu sokhalli.
20 Amasung cheinakhon asisingna haatkhidaba leihouriba misingna bhut singbu adugaa sanaagi, silver-gi, pithraaigi, nunggi amasung ugi laimurti, ubasu, tabasu, chatpasu ngamdaba adusingbu khurumdananaba, makhoygi khutki thabak, adudagi pukning hongde; 21 adugaa makhoygi mihatpadagi, hidam-yaaidambadagi, marumbi thambadagi, nattraga huraanbadagi makhoyna pukning hongde.