1 Samuel 11

Saulna Amonsingbu maaythiba piba

11 thaa amarom leiraga Amongi ningthou nahasna Gileadta leiba sahar Jabesta laandaraktuna lousinkhi. Jabesta leiriba misingna haaykhi, "eikhoiga yaanaba amaa thamsi. eikhoyna nahaakpu eikhoygi ningthouni haayna khanjage."

         2 adubu Amongi Nahasna makhoyda haayrammi, "nakhoygi namit yet-thangbadu kothoktuna Israelbu ekaaiba piba yaarabadi eina nakhoyna haayjaribadu yabiba ngamgani,"

         3 Jabeski luchingba-singna maangonda haayrammi, "adu oirabadi numit taretnigi matam eikhoyda piyu. Numit taretnisigi manungda eikhoyna Israel thungna paao thajage. Karigumba eikhoybu tengbangbinaba kanaasu leitrabadi nahaakki naphamda eikhoy esaana yaana nakha pongaje."

         4 paao puba nupaasingduna Saulna leiriba Gibeahda laakpa matamda paaodu misingda tamduna taahankhi amasung paaosi hek phangbada misingna awaaba maaythong langsinduna kapkhi 5 Matam-sida Saulna sanlaabasing  hoiraduna loubuktagi hallaaklammi. Mahaakna hanglammi. "Kari thoudok thokkhrabage? Karigidamak misingna kaplibano?" misingna Jabeski nupaasingna purakpa paaodu maangonda tamkhi. 6 Waasingsi hek taabada Saulda Eesor-gi thawaayna ethin amaa pikhi. maramsina mahaak yaamna saaorammi. 7 Mahaakna sanlaba ani haatlaga machet machet semdoktuna paao chatpa mising Israel thungna chathalduna haayhankhi, "Saul amadi Samuelgi tung enduna laan chattabasingdugi sansingdu matou asigumna haatkani."

         Israelgi misingna Eesor-na makhoygi mathakta dandi pirakkani haayna kiba poklammi maramsina chitthaba leitaana amatta oinaa tinkhi. 8 Saulna makhoybu Bezekta pulhallammi. Masida tinkhiba misingdi 300,000 surammi. Judah khaktaginasu 300,000 surammi. 9 makhoyna Jabestagi laakpa paaochatpasingduda haayrammi, "nakhoygi misingda haay-u hayeng numit yungdringeigi mamaangda makhoybu eikhoyna kanbigani." paaochatpasingduna Jabesta laaklaga paaosi tamlammi amasung makhoyna maasi taabada thoidokna haraaorammi. 10 maramsina Jabesta leiriba misingduna paaosi Nahesta haayrammi, "hayeng eikhoy nango-nda changjagani. Nahaakna apaamba matung ennaa chatthabiba yagani."

         11 ayuk yaamna nganna Saulna laanmisingdu ahum thokna khaaidoklammi. Nongallakpa matamda makhoyna yeknaba-singgi laanbanda haijinkhiduna Amon-singbu haatkhi. Numit yungba matamda haatpa yaaba makhei haatlammi. Hinghouba misingdu kaayduna maagi maagi thokpa chennakhi.

         12 misingna Samuelda haayrammi, " Saulna eikhoygi ningthou oiba matik chaade haaykhiba misingdu kadaayda leikhrabage? Makhoydu eikhoygi ekhutta sinnabiyu adugaa eikhoyna makhoybu angaang olhange."

         13 adubu masida Saulna haaykhi, "ngasidi mi haatpa yaade. maramdi ngasi Eesor-na Israelbu kanbiba numitni." 14 Samuelna miyaamda haaykhi, "eikhoi Gilgalda chatlaga nouna leibaak amaa semgatsi." 15 maramsina misingduna Gilgalda chatlammi. Gilgalda Eesor-gi maangda Saul bu ningthou oinaa hapkhi. Maphamduda makhoyna Eesor-gi maphamda lamdaai sumdaaigi thounachingba katcharammi. Saul amadi Israelgi mising numitsida thoidokna haraao tayaamjakhi.