Exodus 10
Mangtakpa thoknaba koujeng thaarakpa
10 Matamduda Eesor-na Mosesda haayrammi, "Pharaohgi manaaktachatlu. Pharao amadi mahaakki manaaisinggi thamoidu eina kalhanbani. Eina makhoygi marakta etik eyaai utningduna touribani. 2 Eina Egyptta leiriba misingbu matou karamna thina laknakhiba nachaa nasusingda waarinahounabani. Makhoygi marakta Eina touriba khudam singsidagi nakhoysu Eisi Eesor-duni haayba khanggadabani."
3 maramsina Moses amadi Aaronna Pharaohgi manaakta chatlaga haayrammi, "Hebrewsinggi Eesor-na asumna taakpiri. kayaa kuina nahaak Eibu thousaroidouribage? Eibu khurumjanaba eigi misingbu thaadokkho. 4 Karigumba nahaakna eigi misingbu thaadokloi harabadi, Eina hayengmak nahaakki leibaaksi thungna koujeng tahan-gani. 5 Koujengsingduna maalemsi kupsinkhiduna leibaak masak uhalloi. Len takhraba matungda leihoubasingdu koujengsingna chaathokkani. lamhaangda houriba u-wa phaaoba koujengsingna chaaithokkhigani. 6 Nahaakki konung amadi nanaaisinggi yumsingda haayriba koujengsingsina mapaan naaidaba makhei leihan-gani. Egyptta leiriba misinggi yumda koujengakta leihan-gani. Matousi nakhoygi napaa napusingna phaaoba ukhidriba maongni. makhoyna maalemsida pokpaa numittudagi ngasi phaaobada haayriba thouongsi amukta oikhidribani haayhan-gani." maasi haairamlaga mamaay olladuna makhoy ani chatkhi.
7 Pharaohgi manaaisingduna Pharaohda haayrammi, "kaya kuina nupaasi eikhoyda yetkadouribano? makhoyna ningjariba Eesor haaybadu khurumjanaba makhoybu thaadokpikho. Egypt tumna maangle haayba eningthou khangbidribra?" 8 Moses amadi Aaron Amukka haanna Pharaohgi mamaangda pura klammi. Pharaohna makhoyda haayrammi, "phare, nakhoygi mapu ebungngo Eesor-bu khurumjaruro. Chatkadouribadu kana kanaano haaybadudi khanghallu." 9 mataangsida Moses-na haayrammi, "eigi misingni haayna leiriba ahan naha, echaa-nupaa amadi nupi-sing, eikhoygi saa-san loynaba pugadoubani. maramdi Eesor-gi maphamda athoiba chaak-khangba amaa paangthokkadouribani. 10 Pharaohna makhoyda haayrammi. "nakhoygi nachaa nasusing loina chathalba matamda Eesor-na nakhoyga loinabiba yaai adubu nakhoygi napuknigda karigumba phattaba waakhan kharadi leiri haaybasi ei khang-e. nakhoygi nupaa khudingna Eesor-gi seba phangningbanina chatlo. nakhoyna pamjaribadu masidani." asumna makhoybu pharaohgi mamaangdagi chathankhi.
12 Matamduda Eesor-na Mosesda haayrammi, " Egyptta koujeng pairaknaba nakhut tingthoklo. Egyptta len takhraba matungda leihouba paambi khudingmak maru phangna chaathokkhrasanu." 13 Yaathangsigi matung ennaa Moses-na Egypt thungna mahaakki cheidu haayrammi. Eesor-na leibaaksigi mathakta sitnanaba nongpok haaram paangbadagi akanba nungsit amaa ahing nungthin attatpa leitaana sithankhi. Mathanggi numitta ayukki matamda nungsittuga loynanaa koujeng paira klammi. 14 Koujengsingduna Egyptta sinbaa thungna taarammi. asigumba koujeng pairakpasi keidoungeidasu thokkhidre adugaa amuk hannasu thoklaroi. 15 Koujengsingsina leibaak kupsinkhiduna leibaakni haayba machet amaa phaaoba masak ubaa phangkhide. Koujengsingduna leibaaktuda houriba paambi-sing loina chaathokkhi. Lenna phudekpadai leihouba phaaoba chaathokkhi. U-wa napinachingba asangba haaybadu amatta leikhide. maasi Egypt thungna thokkhi. 16 Khonglei thuna Phraohna Moses amadi Aaron anibu kourammi, adugaa asumna haayrammi, "nakhoygi mapu ebungngo Eesor-gi maphamda eina langjakhre. Eina nakhoygi nathaktasu araanba thabak thoukhre. 17 maramsina eina toukhiba eransi kokpinaba haayjari. nakhoygi mapu ebungngo Eesor-gi maphamda handakki khongphamsidadi eigidamak haayjabiyu. Tamthiraba laichatsi koknanaba haayjabiyu." 18 Moses-na Pharaohdagi hankhraga Eesor-da haayjabikhi. 19 Eesor-na nongchuplomdagi akanba nungsit amaa thabiraktuna Koujengsingdubu humdokhi. Koujengsingdu Suez turenda taahankhi. Egyptta koujeng amaa phaaoba thiba phangkhide. 20 adubu Eesor-na Pharaohgi thamoidu honghankhide. maramsina mahaakna Israel machaasingbu thaadokkhide.
Nungthinda mamhanba
21 Matamduda Eesor-na Mosesda haayrammi, "nakhuttu nongmadonda haaigatlu adu oirabadi amaambana Egypt leibaaksi thungna kupsillakani." asumna Moses-na nongmadon tamna makhut tingthokkhi. Egypt leibaak thungna numit humni amaambana kupsinkhi. 23 Mambadagi makhoy amanaa amabu ubaa phangnakhide. makhoyna phamkhiba maphamsingdagi numit humni leingnakhide. adubu thoudoksi thoklingei manungdasu Israelgi misingna leiruba maphamsingdadi mangaan phangkhi. 24 Matamduda Pharaohna Mosesbu kouraga haaykhi," phaare, Eesor-bu thougan toujaruro. nakhoygi nachaa nasusing loina puba yaare. nakhoygi saa-sandudi maphamsida leihousanu." Masida Moses-na haayrammi, "nahaakna thougi potlam amadi meida thaaduna tougadouba potsingdu pigadabani adu oirabadi eikhoygi mapu ebungngo Eesor-bu eikhoyna khurumjaba yagani. 26 eikhoygi saa-san loina eikhoyna pupham thok-e. eikhoygini haayduna leiriba eikhoygi pot pumnamak machet amaa phaaoba thanamba yaade. maramdi eikhoygi mapu ebungngo Eesor-bu khurumba matamda makhoy singsu yaogadabani. eikhoyna chatke haayba maphamdu youdriba phaaoba karina potlum oiduna Eesor-bu khurumjagadouribano haaybadu eikhoy khangdri. 27 maasi pumnamak haaynaraba matungdasu Eesor-na Pharaohgi thamoidu kalhallammi. maramsina mahaakna Israelgi misingbu thaadokkhide. 28 Matamduda Pharaohna maangonda haayrammi, "eigi emangdagi thaapna handokho. nahaak nasaana nasaabu waarakchou. eigi ephamda amuk haanna lakkanu. Nahaakna Eibu unaba laakpa numittuda nahaakki aroibani haaybasi nahaak khangu. 29 Moses-na Pharaohda haayrammi," nahaakna haaykhiba gumna eihaak nahaakki naphamda amuk haanna laklaroi.