Ezekiel 48
Lam yenthokpa
1 Jaatshinggi mamingdi: Awaanglomdagi ngamkheidudagi houraga samudradagi louraga Hethlon phaaoduna Hamathki changpham youre madudagi Hajarenon haaybadi Hamathki mayokta leiriba Damascuski awaanglomda leiba lamdudagi louraga nongpok thangba maaykeida Dan yourammi.
2 Danga tainaba maphamdugi Nongpoklomdagi nongchup youna louraga Asherna amaa oirammi.
3 Ashergi lamduga tainaba maphamdudagi louraga nongpok amadi nongchup punsillaga Naphtalina sharuk amaa oirammi.
4 Naphtaliga tainaba maphamdudagi houraga nongpok nongchup louraga Manassehna sharuk amaa oirammi.
5 Manassehgi tainariba lamdudagi louraga nongpok nongchup laaklaga Ephraimna sharuk amaa oirammi.
6 Ephraimgi lamdudagi louraga nongpok nongchup laaklaga Reubenna sharuk amaa oirammi.
7 Reubenga tainariba lamdudagi houraga nongpok nongchup ellaga Judahna sharuk amaa oirammi.
Lamgi mayaaida khaaidoknaba lam
8 Judahga tainariba lamdudagi houraga nongpok nongchup laaklaga mile 7.1 paakpa amadi sangba amaa nongpok nongchup yatlaga Jaatshinggi thungba chaakthung adugumba amaa mayaaida ningnashang sananaba sharuk amaa khakkadabani.
9 Eeshorgi maphamda katkadaba lamdu asangbana mile 7.1 Aduga marakta mile 5.68 pakkadabani.
10 Ashengba khubhamgi oinaa nakhoyna khaaydokkadaba lamdu asini: Purohit shingna awaang thangba nakanda mile 7.1 Sangba amaa, aduga nongchuplomdana mile 2.84 pakpa amaa, Nongpoklomda mile 2.84 pakpa amaa, khaa thangba maaykeida mile 7.1 Sangba amaa, khaaidoklaga masigi mayaaida ningnashang shaagadabani.
11 Eigi seba changba, Levishingna toubagumna Israelgi mishingna kangaaonakhraba matamda kangaaonakhidaba Zadokki dhaaraagi shenglaba purohit shingdugi oigadabani.
12 Khwaaidagi henna shenglaba mapham asigi sharuk Levishinggi chaakthungga tainaribadu makhoygi oigani.
13 Purohit shinggi chaakthungdugi tainaribaduda Levishinggi chaakthung oinaa mile 7.1 Sangba amaa pigani. Masigi marakti mile 2.84 oigani. Punna mayungda mile 2.84 Aduga maraktana mile 2.84 oigadabani.
14 Makhoyna haayriba chaakthungsi yonba nattraga onnaba yaaroi. Makhoyna khan dokkhraba lamsigi chaakthungdu thaadokpa yaaroi. Maramdi haayriba lamsi Eeshorgi khuyaakhaada ashengba lamni.
15 Marakta mile 1.42, mayungda mile 7.1 Sangba lemhouriba lamdu saaharduda leiriba mishingna amadi kanaagumbana yum shaaduna tannaba nattraga lamhaang oinaa thamnanaba khakkadabani. Masigi mayaaimaktada saahardu shemgatkadabani.
16 Masigi mawong matoudu asumna tougadabani: Awaang thangbada mile 1.28, khaada mile 1.28 , nongpok thangbada mile 1.28, nongchup thangbada mile 1.28
17 saaharsigi ahaangba mapham amaa leigadabani. Awaanglomda feet 375, kharomda feet 375, Nongpoklomda feet 375, nongchuplomda feet 375.
18 Ashengba maphamni haayna khaaidokliba mahaamdugi Nongpoklomda mile 2.84 Thamgadabani. Nongchuplomda mile 2.84 Thamgadabani. Haayribasi ashengba maphamdugi akoybada thamgadabani. maasida thokpa potshingdu saaharduda leiriba mishingna chanagani. 19 Israelgi jaat pumnamakki marakta saaharsida leiriba thabak pubashingduna maasibu khoyduna chaagani.
20 Makhoyna khaaidokkadouriba lamdugi apunba mile marka 7.1, mayung mile 7.1 oigadabani. Haayribasi ashengba maphamduda yaaoraba saahardugi leiriba mishinggi chaakthung oigadabani.
21 Ashengba mapham amadi saaharduda leiriba mishinggi sharuk khaaidokkhraga leihouriba shaaruktuna ningthou machaashinggi oigadabani. Jaatshinggi sharuk ashengba maphamdudagi Nongpoklomda mile 7.1 Aduga nongchuplolmda mile 7.1 Amaa khaaidokkhraga ningthou machaashingda pigadabani. Masigi mayaaida leiriba ashengba maphamduga loynanaa ningnashang amadi
22 Saaharduda leiriba mishinggi chaakthungduga ningthou machaashinggi chaakthungdu Judah amadi Benjamingi chaakthunggi mayaaida tahan-gadabani.
Aatoppa jaatki lam
23 Leihouriba Jaatshinggi matangda Nongpoklomdagina nongchupphaobada Benjamingi chaakthung amaa
24 Benjamingi lamga tainariba maphamdudagi nongpok nongchup laaklaga Semiongi chaakthung oihangadabani
25 Semiongi lamga tainaribadudagi louraga nongpok nongchup laaklaga Issachargi chaakthung amaa
26 Issachargi lamduga tainaribadudagi louraga nongpok nongchup ennaa laaklaga Zebulun-gi sharuk amaa
27 Zebulun-gi lamduga tainaribadudagi louraga nongpok nongchup ennaa laaklaga Gadki sharuk amaa
28 Gadki lamga khaa maaykeida tainaribadudagi louraga Tamar amadi Mericades youraga Egyptki eephut phaaoduna achouba samudra youkhi.
29 Haayriba chaakthungshingsi nakhoyna Israelgi Jaatshinggi marakta sharuk oinaa thungbigadabani Eeshorna taakpiri haayribashingsi makhoygi chaakthungni.
Israelgi Thonggalshing
30 Saahardugi thokphamgi mawongdi asini Haayriba sannathongsihingsi Israelgi jaatki maming louduna thon-gadabani. Awaang thangba lam mile 1.28 sangbadugi thonggal ahum phatkani.
31 Reubengi sannathong, Judahgi sannatho-ng, amadi Levigi sannathong haayna kounagani. saahardugi sannathongduna Israelgi maming louduna thon-gadabani.
32 Nongpoklomda mile 1.28 sangbadugisu sannathong ahum phatkadabani: Josephki sannathong, Benjamingi sannathong, amadi Dangi sannathong kounagani.
33 Khaa thangba maaykeida mile 1.28 sangbadudasu sannathong ahum phatkadabani: Simeongi sannatho-ng, Issachargi sannathong, amadi Zebulun-gi sannathong haayna kounagani.
34 Nongchuploda mile 1.28 shaangna leikhriba lamdudasu sannathong ahum paan-gani: Gadki sannathong, Ashergi sannathong, Naphtaligi sannathong kounagani.
35 Saahardugi maraak mayung mile 53.1 oigani. Haayriba saaharsigi mamingdi ngasi kouba nongsidagi houradua "maphamsida Eeshor ngaanthoibiri " haayna khanggani.