Luke 4
Jesusbu Themba
( Matthew 4.1-11; Mark 1.12,13 )
1 Amasung Jesus thawaay ashengbana thalladuna, Jordan-dagi hallaklaga, numit niphuni phaaoba lamjaaoda diyaabolgi themba adu khanglingeida thawaayna ebungngobu chingbirammi. 2 Amasung numit shing aduda ebungngodi kari amata chaaramde, aduga numit adu loirabada, Ebungngona chaak laamle.
3 Maduda diyaabolna ebungngoda haayrei, nangna Eeshorgi machaanupa oirabadi, tal ollu haayna nung asibu yaathang piyu.
4 Amasung Jesusna maangonda khummi, taltana mina hingloi; haayna eduna lei.
5 Maduda mahaakna ebungngobu chingkhat-khiduna, taaibang-paangi ningthou leibaak pumnamak mikup amada ebungngoda uhalle.
6 Amasung diyaabolna ebungngoda haay, pumnamak asigi mapu oiba amasung makhoygi matik mangaan eina nangonda pibigani; maramdi maasi eingoinda shinnakhre, aduga eina paamba kanaagumba aduda maasi pibi.
7 Maram aduna emangda nangna khurumjaragadi, pumnamak nanggi oigani.
8 Maduda Jesusna maangonda khumlak-e, nangna nanggi Eeshorbu khurum-jagadabani, amasung ebungngo mahaaktabu ninggadabani, haayba asi eduna lei.
9 Amasung mahaakna ebungngobu Jersusalemda chingkhiduna, Ningnashanggi matol tollenda lephallaga ebungngoda haay, nangna Eeshorgi machaanupa oirabadi, nang asidagi chongthajou.
10 Maramdi eduna lei, Nangbu ngaakpinanaba, ebungngo mahaakna nanggi maramda maagi dutshingda yaathang pibigani,
11 Amasung nanggi nakhong adu nungda thenggaaydana-naba makhoyna nangbu makhutna pamkhat-pigani.
12 Maduda Jesusna maangonda khumlak-e, nangna nanggi Eeshorbu chaang yengpharoi, haayna haaykhrabani.
13 Asumna themba pumnamak loiraga, khudong chaaba matam phangdriba phaaoba diyaabolna ebungngodagi chatthokkhre.
Nazarethta Jesusna tambiba
( Matthew 4.12-17; Mark 1.14,15 )
14 Matung aduda Jesusna thawaaygi panganna Galileeda hallakle, amasung akoybada leiba lam apumbada ebungngogi maramda mingchat shaandokkhre.
15 Amasung Ebungngona makhoygi loysang loysangda tambibada pumnamakna ebungngobu thaagatlammi.
16 Amasung ebungngobu yokkhatkhiba Nazareth taanna ebungngo laakle; amasung potthaaba numitta ebungngogi hounabi-gumna loysangda changshinduna, Ebungngona laairik pananaba lepkhatle.
17 Amasung Eeshorgi waa taakthokpa Isaiahgi laairik ebungngoda katsille, aduga Ebungngona laairik adu haangdoktuna, waa asi eba mapham phangle,
18 Eeshorgi thawaay ethakta leiri, maram adugi damak ebungngo mahaakna laairabashingda aphaba waapaao shaandokna-naba eingonda thaao heibire; aphaba shingda thaadokpiba amasung mittaangba shingda amuk ubaa laaothokna-naba, ashokpa mishingbu maning tamhan-binanaba,
19 Aduga Eeshorgi ayaba chahi adu laaothokna-naba, eibu thabirakle.
20 Matung aduda Ebungngona laairik adu konsillaga, thouganba mida amuk piduna phamthare; amasung loysangda leiba pumnamakna ebungngoda mitpham amatta oinaa yengle.
21 Maduda Jesusna makhoyda haayba houre, nakhoyna taabada ngasi shaastragi waa asi thungle.
22 Amasung makhoy pumnamakna ebungngogi maramda aphaba ngaangna-rammi, aduga ebungngogi chindagi thokpa thoujaalgi waa aduda engak ngakladuna haayrak-e, asi Josephki machaanupa nattra?
23 Maduda Jesusna makhoyda haay,
shoydana nakhoyna eingonda paaorou asi haaygani, maaiba, nashaabu phahanjou; Capernaumda toukhi toukhiba eikhoyna taaba adu nahaak-makki khun asidasu tou.
24 Amasung Ebungngona haay, eina nakhoyda thaanggei shengna haayribani, Eeshorgi waa taakthokpa kanaa amatabu mahaakmakki mareibaakta yaaba leite.
25 Touegumsung achumbamak eina nakhoyda haayribani, Elijahgi haaktakta chahi ahum thaa taruk swarga thing-khiduna, leibaak pumnamakta yaamna chaak-tangba thokpa matamda Israelda ayaamba lukhraabi leirammi;
26 Amasung makhoygi marakta kanaa amatada Elijahbu thabirakte, adubu Sidon-gi Sareptada lukhra oirabi nupi adutada thabirak-e.
27 Aduga Eeshorgi waa taakthokpa Elisaigi matamda Israelda kusti thungba yaamna leirammi; amasung makhoygi marakta kanaa amatabu shenghande, adubu Syriagi Naamanbutani.
28 Maduda loysangda leiba pumnamakna waaram khibik asi taabada shaaobana meihou-rammi; 29 Aduga makhoyna hougattuna, ebungngobu saahardagi enthoklaga, angambada hunthana-naba, makhoygi saahar sariba ching adugi chingdonda chingkhre.
30 Touegumsung ebungngodi makhoygi maraktagi phaodoktuna chatkhirammi.
Bhut changba amabu phahanbiba
( Mark 1.21-28 )
31 Amasung Ebungngona Galileegi saahar Capernaumda kumtharakle. Amasung potthaaba numitta Ebungngona makhoybu tambirammi.
32 Aduga ebungngogi tambiba aduda makhoyna engak ngaklammi, maramdi ebungngogi waagi matik leirammi.
33 Amasung loysangda shengdaba bhutki thawaay changba mi amaa leirammi; aduga manaa khonjen waangna laaorak-e,
34 Ha! Nazarethki Jesus, nangga eikhoyga kari thoknaba leibage? eikhoybu manghannanaba laakpra? Eina nang kanaano haayba khang-e, Eeshorgi ashengba aduni.
35 Maduda Jesusna maabu khaamjin-duna haay, tuminna leiyu, aduga maangondagi thokkhro. Amasung bhut aduna maabu mayaaida huntharaga, maabu karisu shoktana maangondagi thokkhre.
36 Maduda pumnamakta angakpa thokladuna, makhoy amaga-amaga haaynarak-e, waa asi karino? maramdi matikka paanggalga yaaona Ebungngona shengdaba thawaay shingda yaathang piraga makhoyna chatthok-e.
37 Amasung akoybada leiba lamgi mapham khudingda ebungngogi maramda enin ninnakhre.
Simon-gi manem-bokpu amasung ateishingbu anaaba phahanbiba
( Matthew 8.14-17; Mark 1.29-34 )
38 Amasung Ebungngona loysangdagi chatkhiduna Simon-gi yumda changle. Amasung Simon-gi manembok ningtham kanna hourammi; aduga makhoyna mahaakki damak ebungngoda nonjare.
39 Maduda Ebungngona manaakta leplaga yengthaduna ningtham chanba adubu khamle, aduga maagi ningtham chanbadu phakhare; amasung mahaakna khudak aduda hougattuna makhoybu thougan toujarak-e.
40 Amasung numit taabada, makhoy pumnamakkida leiba makhal makha ayaamba laainana naaba makhei adubu ebungngogi maphamda purakle; aduga Ebungngona mathang mathang amam-mamda khut thambiduna makhoybu phahanbire.
41 Amasung bhut shingnasu, ebungngogi Eeshorgi machaanupani, haayna laao laaoduna ayaambada gi thokkhre. Aduga Ebungngona makhoybu khaamjin-duna nganghan-dre, maramdi ebungngobu Christani haayba makhoyna khanglammi.
42 Amasung nonggallabada Ebungngona chatthokkhiduna, achikpa maphamda lengkhre. Amasung miyaam-shingna ebungngobu thira thiraduna ebungngogi maphamda laaklaga, makhoydagi chattaananaba ebungngobu khamba hotnarammi.
43 Jesusna khumlak-e, eidi Eeshorgi leibaakki aphaba waapaao adu atei atei saahardasu shaandokpa taare; maramdi, maram asigi damak eibu thaarakpani.
44 Asum touna Ebungngona Judeagi loysang loysangda paao shaandoklammi.