Matthew 2
Jesus angaang oiringeigi waari, mahei heibasingna yenglaba
2 Herod ningthougi haaktakta Judeagi Bethlehemda Jesus asi poklabagi matungda, 2 Yeng-u, Nongpok-lomdagi mahei heiba misingna Jews-singgi ningthou pokiba adu kadaayda leibage haayduna Jerusalemda laaklammi. maramdi eikhoyna Nongpok-lomda ebungngo mahaakki thawaan-michak adu ui, amasung ebungngobu khuramjage lakcharibani. 3 Herod ningthouna waaram adu taaraga mahaak amasung Jerusalemgi mi pumnamak khoiraangle. 4 Amasung mahaakna athoiba purohit singne saas-tragi ojaa-singne khomjillaga, makhoyda Christa kadaayda pokkadage haayna hanglak-e. 5 Amasung makhoyna maangonda haayrak-e, Judeagi Bethlehemdani; maramdi Eesor-gi waa taakthokpa mina asumna ekhrabani.
6 Amasung he Judas leibaakki Bethlehem, nangdi Jewsgi ningthou machaasinggi marakta Khwaaidagi pikpa natte; maramdi eigi mi Israelbu senbinaba waayel thoudaaba mapu amaa nangondagi thoklakani.
7 Matam adumaktada Herodna mahei heribasingbu lonna kouraga karamba matamda thawaan-michak adu thok-khibage haayba adu makhoydagi ningthina khangle. 8 Amasung mahaakna makhoybu Bethlehemda thaakhiduna nakhoyna chat-tuna angaang adugi maramda munna thiraga phanglaba matamda eihaaksu laaktuna khurumjaba yaan-naba eigonda paao khanghanbiro haaykhi. 9 makhoyna ningthougi yaathang adu taaraga chatkhre; amasung yeng-u, Nongpok-lomda uramba thawaan-michak aduna angaang machaa adugi leiphamgi mathakta laaktuna leptriba phaaoba makhoygi mamaang thaakhre. 10 Amasung makhoyna thawaan-michak adu ubada, ngamkhei leitaana haraaojakhi. 11 Amasung makhoyna yum adugi manungda changlaga angaang machaa aduna mamaa Maryga loynanaa leiramba ubada, leitaana ebungngobu khurumjaduna makhoygi pukkei haangdoklaga khudon-gi masak oinaa sanaa, kunduru amasung gondhaaraas katchaare. 12 Matung aduda Eesor-na makhoybu Herodta halluraganu haaybasi makhoygi mamangda khanghanbirabada, makhoyna atoppa lambida mareibaak taanna chatkhre.
Egypt leibaakta chenba
13 Amasung makhoyna chatkhrabagi matungda, yeng-u Eesor-gi dutna Josephki mamaangda uhanbiduna haaykhi, hougattuna angaang machaa asiga mamaagabu puduna Egyptda chellaga, eina haaydriba phaaoba mapham aduda leiyu maramdi Herodna angaang asibu manghan-gadabagi thirakkadouri. 14 Mahaakna hogatladuna angaang machaaga mamaagabu ahingda puduna Egypt leibaakta chatkhre. 15 Amasung Eesor-na waa taakthokpa misingda haayhankhiba, eina eigi echaa-nupaabu Egyptdagi koukhi, haaybasi thungna-nabagi damak Herodna sidriba phaaoba mapham aduda leirammi.
Herodna Bethlehemgi angaang-singbu haatpa
16 adudagi Herodna mahei heibasingna mahaakpu namthaak tourammi haayba khanglabada, yaamna saaoraduna, mahei heibasingdagi munna khanglaba matam adugi matung ennaa Bethlehem amasung maadugi akoybada leiba chahi ani subaa amasung maadugi makhaagi nupaa machaa makheibu, mi thaaduna haat-hn-khre. 17 maaduda Eesor-gi waa taakthokpa Jeremiana haaykhiba adu thungkhre,
18 maadudi hikna kappa amasung yaamna tengthaa-naaoibagi khonjen amaa Ramada taarammi. Rehelna machaasinggi damak kapi makhoy leitbana mapukning nungaaihanba yaade.
Egyptdagi Hallakpa
19 touegumsung Herodna sikhrabada, yeng-u, Egyptda Eesor-gi dutna Josephki mamaangda uhanbiduna haayrare, 20 Hougattuna angaang machaa asiga mamaagabu puduna Israel leibaakta hallak-u; maramdi angaang machaagi Mathawaai louge thiramba makhoy adu sikhre. 21 Amasung mahaakna hougatladuna, angaang machaa adugaa mamaagabu puduna Israel leibaakta laakle. 22 touegumsung Arkhaleyasna Judeada maagi mapaa Herodki khubamda paalli haaybasi taaraduna, mapham aduda chatpa kirammi, amasung Eesor-na mamangda taakpibagi maramna manaa Galilee leibaakki lam amada theikhre. 23 Amasung Eesor-gi waa taakthokpa misingnahaaikhiba, ebungngobu Nazarethki mi kougani haayba adu thungna-nabagidamak mahaakna Nazareth kouba sahar aduda laaktuna leirare.