Mark 9

1 Amasung Jesusna makhoyda haayrak-e, eina nakhoyda thaanggei shengna haayribani, asida lepliba makhoy kharidi Eeshorgi leibaak matik yaaona laakkhraba adu udriba phaaoba shibagi mahaao khak tangloi.

Jesusgi shaklon hongba

( Matthew 17.1-13; Luke 9.28-36 )

 2 Amasung numit taruknigi matungda Jesusna mahaakka loynanaa Peter, James amasung Johnbu puduna, awaangba chingda makhoytabu tongaanna pukhatle; amasung Ebungngona makhoygi mamaangda shaklon hongle;

3 Aduga ebungngogi phirol tagup tarengduna asup ngourak-e, madudi taaibang-paanda phi shubaa kanaa amatana adup ngouhanba ngamde.

4 Amasung Mosesga loynanaa Elijahna makhoyda phaaorakle, aduga makhoyna Jesusga waa ngaangnei.

5 Maduda Peterna Jesusda hanggat-charak-e, Rabbi, eikhoyna mapham asida leijaba phei, aduga eikhoyna khaangpok ahum, ebungngogi damak amaa,  Mosesgi damak amaa, amasung Elijahgi damak amaa shaasi.

6 Maramdi mahaakna kari khumgadage khanglamde, maramdi makhoyna thoidokna kirammi.

7 Amasung makhoybu khanjinba leichin amaa laaklaga, leichin adudagi, maasi eigi nungshiraba echaa-nupaani, nakhoy mahaakna haayba taao, haayba khonjen amaa thoklakle.

8 Aduga khanghoudana koyeng yengbada, makhoyga loynanaa Jesus matomta nattana kanaa amatabu amuk ukhidre.

9 Amasung makhoyna chingdagi asum kumthaarakpada, migi machaanupa aduna ashibashinggi maraktagi hinggatlaba matam nattana, mi kanaadasu nakhoyna ukhiba adu tamthokkanu haayduna Ebungngona makhoyda yaathang pirammi.

10 Amasung ashibashinggi maraktagi hinggatpa asi karino haayba makhoy masen-gi marakta hangnaduna, haayriba adu makhoyna ngakle.

11 Aduda makhoyna ebungngoda hangjarak-e, Elijahna haanna laakpa taay haayna shaastragi ojaashingna karamna haaybano?

12 Aduga Jesusna makhoyda haayrak-e, Elijahna laaktuna pot pumnamak hanjinbani, chummi; amasung migi machaanupa adu ayaamba awaa-anaa khanggani, amasung karisu nattaba oihan-gani haayba mahaakki maramsi karamna ekhibage?

13 Touegumsung eina nakhoyda haayribani, Elijahdi laakkhre, amasung mahaakki maramda ekhiba aduga mannana, makhoyna paamba adu maangonda toukhre.

Bhutna changba nupaa machaa amabu phahanbiba

( Matthew 17.14-20; Luke 9.37-43 )

14 Amasung makhoyna sebokshing taanna laaklabada, makhoygi akoybada miyaamshingdu leiba amasung shaastragi ojaashingna makhoyga waa hangdok hangjin tounaba makhoyna ure. 

15 Aduga miyaam pumnamakna ebungngobu hek ubada, engak ngakle amasung ebungngo taanna chellaaktuna khurumjare.

16 Maduda Ebungngona makhoyda hanglak-e, nakhoyna makhoyga kari waahang tounaribage? 

17 Amasung miyaamgi maraktagi amanaa ebungngogi maphamda khumlak-e, oja, lol thoktaba thawaay changba eigi echaa-nupaabu ebungngoda eina pujarakle;

18 Aduga maabu puba mapham khudingda maabu chingthui; amasung ma konggol thokna maya kraakkraak chiktuna tukthare; aduga maasi taanthokpiyu haayduna eina ebungngogi sebokshingda haayjabada makhoy ngamde.

19 Maduda Ebungngona makhoyda khumlak-e, he thaajadaba miron, eina nakhoyga kayaa kuina leimin-nagadage? Eina nakhoybu kayaa kuina khang-gadage? maabu eingonda purak-u.

20 Amasung makhoyna maabu ebungngogi maphamda purakle; aduga Ebungngona maabu ubada, thawaay aduna maabu waana noihatle; maduda manaa leibaakta tuduna konggon thokna tharo tharo olle.

21 Amasung Ebungngona maagi mapaabu hang-i, maangonda thokpa asi kayaa kuirabage? aduga mahaakna haayrak-e, angaang oiringeidagini.

22 Amasung masina maabu maangnanaba, meidasu eeshingdasu toyna toyna hunjilli; touegumsung Ebungngona karigumba toubiba ngamlabdi, eikhoybu thoujaan-biduna paangbiyu. 

23 Maduda Jesusna maangonda haayrak-e, ngamlabdi, haaybadu! thaajaba maangonda pumnamak engam ngambani.

24 Khudak adumaktada angaang adugi mapaana laaona haayjarak-e, ei thaajei; eigi thaajadaba koknaba paangbiyu.

25 Maduda miyaamna chensillakpa adu Jesusna ubada shengdaba thawaay adubu cheihatle, lol thoktaba amasungna naapangba thawaay nang, maangondagi chatthokkho, aduga maangonda nang amuk haanna changlagaanu haayna eina nangbu yaathang piri.

26 Amasung laaokhongduna maabu yaamna noihatlamlaga thokkhre; aduga angaang adu ashibaa amagum oirakle, aduna ayaambana mahaak sikhre haayduna haaynei.

27 Touegumsung Jesusna maagi makhut paayduna maabu hougat-halle, aduga manaa lepkhatle.

28 Amasung Ebungngona emungda changlakpada; sebokshingna ebungngobu lonna hanggatchei, eikhoyna maasibu taanthokpa ngamdaba kari maramnano?

29 Aduga Jesusna makhoyda haayrak-e, asigumba asi haayjaba nattana karigumbana thok-hanba ngamde.

Ebungngogi shibagi waaram maangjounana tambiba anirak-shuba

( Matthew 17.22,23; Luke 9.43-45 )

30 Matungda makhoyna mapham adudagi chaathoklaktuna, Galileegi mayaaida laanthokle; aduga kanaagumba mina maasibu khangba Ebungngona pamlamde.

31 Maramdi Ebungngona sebokshingbu tambi tambiduna makhoyda haayrammi, migi machaanupa adubu mishinggi makhutta pithoklaga, makhoyna mahaakpu haatkani; amasung mahaakpu hatkhraga, numit humni suraga mahaakna hinggatkani.

32 Adubu haayriba adu makhoyna khanglamde, amasung ebungngoda hangjabasu kirammi.

Nollukpagi khangbibagi amasung mibu khudi thihan-danabagi maram tambiba

( Matthew 18.1-9; Luke 9.46-50; 17.1,2 )

33 Amasung makhoyna Capernaumda laakle, aduga emungda changlabada, Ebungngona makhoyda hanglak-e, lambida nakhoyna kari waa yetnabano?

34 Touegumsung makhoyna tuminna leirammi, maramdi lambida kanaana Khwaaidagi henna chaaobage haayduna makhoyna amaga-amaga chinda paaoda-narammi.

35 Maduda Ebungngona phamthaaduna taraanithoi adubu kouraga makhoyda haay, kanaagumbana ahaanba oiba pamlabadi, mahaakna pumnamakki akonba amasung pumnamakki manaai oigani.

36 Amasung Ebungngona apikpa angaang amabu paayduna, makhoygi mayaaida thamle; aduga maabu konduna makhoyda haayrak-e,

37 Kanaagumbana asigumba apikpa angaangshinggi maraktagi amabu eigi emingda loushin-jarabadi, eibu loushin-jabani; aduga kanaagumbana eibu loushin-jarabadi, eibu loushin-jaba natte, touegumsung eibu thaarakpa ebungngo mahaakpuni.

38 Johnna ebungngoda hanggatchei, oja, kanaagumba amanaa ebungngogi mingda bhut shingbu taanthokpa eikhoyna uraduna, mahaakpu khamjillammi, maramdi mahaakna eikhoygi tung ellamde.

39 Touegumsung Jesusna haay, mahaakpu khaamganu, maramdi eigi emingda toungamdaba thabak touraga, eigi maramda phattaba ngaangba thuna ngamgadaba kanaasu leite.

40 Maramdi eikhoybu yeknadaba mahaak adu eikhoygidamakni.

41 Maramdi nakhoy Christagini haayduna maming aduda kanaagumbana nakhoyda thaknaba eeshing tenggot amaa pibirabadi, eina nakhoyda thaanggei shengna haayribani, mahaakki manaa adu khak maangloi.

42 Amasung kanaagumbana thaajaba apikpashing asigi amabu khudi thihanbabudi, maagi mangaakta achouba chakri nung thaangduna samudrada langthabana magidamak henna phabani.

43 Aduga nanggi nakhutna nangbu khudi thiba thokhallabadi, madu kakthatkho; nanggi nakhut ani paanna norokta mutpa ngamdaba meinungda changbagi shaarukpudi, khut shoyna hingba aduda changbana nanggi henna phei.

45 Amasung nanggi nakhongna nangbu khudi thiba thokhallabadi, madu kakthatkho; nanggi nakhong ani paanna norokta langsinbagi shaarukpudi khong tekna hingba aduda changbana nanggi henna phei.

47 Aduga nanggi namitna nangbu khudi thiba thokhallabadi, langthokkho, nanggi namit ani paanna norokta langsinbagi shaarukpudi, namit taangna Eeshorgi leibaakta changbana nanggi henna phei.

48 Norok aduda makhoygi han side, aduga meisu mutte.

49 Maramdi mi khudingmakpu meina thum nambagum oihan-gani.

50 Thum aphabani; touegumsung thum adugi mahaao manglabadi, nakhoyna karamna madu haohan-gadage? nakhoy nashen-gi manungda thum leihallu, aduga nakhoy amaga-amaga engthanou.