Deuteronomy 22
1 "Kanaagumba Israelgi mi amagi sanbi nattraga yaaonachingba lamangnaduna leiramba thengnarabadi, thousadaba touganu. Madumak nupaadugi maphamda youhankhinaba tou.
2 Adubu karigumba mapuduna yaamna thaapna leikhiba nattraga mapu mashak khangdraabadi, nahaakki nayumda madubu puba yaai. Mapuduna madubu thirakpa matamda hanbikho.
3 Haayribasimak nakhoygi Israelgi narupshinggi maangkhiba lola, phijet amadi leiramba pot khudingmakki oinaa tougadabani.
4 "Kanaagumba Israelgi narup napang amagi lolaa nattraga sannachingba komda taaduna puthaaduna leiramba thoklabadi, madu hendoktuna chatphade. Jibaadubu hougatpiramnaba nupaaduna mateng pangbirammu.
5 Nupaashingna nupishinggi phi shetpa yaade. Nupishingnasu nupaashinggi phi shetpa yaade. Napuroi Eeshorna asigumna touba mishingbu tukkutchei.
6 "Karigumba u amada uchek amanaa makon shaaramba thengnarabadi, nattraga leibaakta mamaa oiriba uchektuna marum konduna leiramba nattraga machaashinga leiramba thengnarabadi, mamaadu phaaba yaade.
7 Machaashingdu nakhoyna phaaba yaai adubu mamadudi thaadokkadoubani. Asumna tourabadi nakhoyna punsi nungshaangna nungaai yaaiphana paanba yagani.
8 "Nakhoyna anouba yum amaa shaaba matamda yumthak akoybada beri amaa koyna khagatkadabani. Asigumna touraba matungda kanaagumba nupaa amaa taaduna shiba thoklabasu nahaakna dai puroi.
9 " nakhoyna thaariba angur engkhonda atei mahei marong thaaba yaaroi. Karigumba thaarabadi angur nattraga atei maheidu chaaba yaaroi.
10 "Sambot khoinabagidamak lolaa amaaga san amaaga pansannaba yaade.
11 "Samtuga atei amonba langa yaanshinnaduna shemba phi shetpa yaade.
12 "Nakhoyna setkadaba phidugi mapaan marimak manaa longadoubani.
Nupa nupi tinnabagi matangda
13 "Kanaagumba nupaa amanaa leishaabi amaa luhongduna louraba matungda nupidubu louraroi ningle.
14 Mahaakna araanba saakhi piduna luhonglaba matungda ashengbi leishaabi oiramdre haayjillabadi
15 Nupidugi mapaa mamaana luhongbada set-pa petikot ee teibadu machaanupidu ashengbini haayba utna-naba puthokkadoubani. Makhoyna saaharduda leiriba ahan laman shingna puriba loysangda utkadabani.
16 Nupidugi mapaana makhoyda asumna haaygani, “eigi echaa nupibu nupaasida luhongbikhi adubu mahaakna nupisi pamdre.
17 Mahaakna echaa nupisibu luhongba matamda leishaabi ashengbi oiramdre haayshinnaduna araanba saakhi amaa pisille. Eigi echaa nupisi leishaabi ashengbini haaybasi praman tounanaba khudamdu asida leire. Luhongbada shetpa ee teiba petikot yenglagasu khang bigani.'
18 Maasi chumlamba thoklabadi saaharduda leiriba luchingbashingduna nupaadubu puthoktuna phugadabani.
19 Makhoyna nupaadubu silver shekels 100 su konghan-gadabani aduga Israel ningol amabu ekaaiba pibagi dandi oinaa loukhiba peishaadu nupidugi mapaada pigadoubani. Adugisu mathakta nupidu nupaaduna khaainabasu yaaroi. Mahaakna sidriba phaaoba nupidubu khaainaba yaaroi.
20 "Adubu karigumba pukhatlakliba waaphamdu chumlamba taaraba aduga nupidugi ashengbadu utpa ngamdrabadi,
21 Makhoyna nupidubu mapaagi thonggal taanna puduna mahaakna leiriba saaharduda leiriba mishingduna mahaakpu nungna thaaduna haatkadabani. Mapaagi mayumda leiringei luhongdringeida nupaa shamnaduna eikhoygi mishinggi marakta ekaaiba purakpagi mahei phangadabani. Asumna touduna phatraba thabaksi thok-handaba ngamgani.
22 "Kanaagumba nupaa amanaa mapuroiba leibi nupi amaaga shamnaramba thoklabadi, animak hattokkadabani. Asumna tourabadi phatraba thoudoksi thok-handaba yagani.
23 "Kanaagumba nupaa amanaa saahar amada leiba waaroipot pukhraba nupi amaaga phidinnaramba thoklabadi,
24 Makhoy animak saahargi mapaanda puthoklaga nungna thaaduna haatkadabani. Mishingna taaba yaaba mapham saaharda thoktunasu tengbangbinaba mahaakna mishingbu koukhide. Waaroipot pukhrabi nupi amaaga tuminnarambagidamak nupaadu sigadabani. Asumna tourabadi nakhoyna phatraba thabaksi thok-handaba ngamgani.
25 "Kanaagumba nupaa amanaa mi tadaba mapham amada waaroipot pukhrabi kanaagumbi amabu phaaduna phidinnakhiba thoklabadi nupaadukhakta haatkadabani.
26 Nupi machaduda karisu toubiroidoubani maramdi mahaakna shiba yaaba araanba thabak toukhide. Haayriba waaphamsi kanaagumba nupaa amanaa atoppa amabu tannaduna haatpagi waathoktugi waayen-ga mannagani.
27 Kanaagumba nupaa amanaa nupi amabu lamhaangda phaaduna phidinnakhiba oirabadi, mahaakna tengbangbinaba laaokhiba oirabasu maphamduda kanaagumba amaa phaaoba mahaakpu mateng pangbinaba leikhide.
28 "Kanaagumba nupaa amanaa waaroipot pukhidriba nupi amabu phaaduna phidinnakhiba thoklabadi,
29 Mahaakna nupidugi mapaada silver shekels 50 piduna keina amagi mamal piraga nupidubu mahaakki nupi oinaa loushingadoubani. Mahaakna nupidubu namduna phidinnakhiba maramna loushingadabani. Nupidubu mahaakna hinglibamakhei khaainaba yaade.
30 "Mapana louba nupiga phidinnaduna kanaanasu mapaagi mamaay khuhalloidoubani.