Acts 26
Paulna Agrippagi maangda ngaangba
26 Amasung Agrippana Paulda haay, nang nasagi damak ngaangnaba yaabire. Matam aduda Paulna makhut tingthoktuna mahaakki ngakthokchanaba waa haayba houre:
2 He ningthou Agrippa, eingonda Jews-singna theijinba pumnamak adugi marida numit asida ebungngo-gi maangda eigengakthokchanaba waa haayjagadaba asi eigi yaaiphabani ningjei, 3 maramdi Jews-singgi marakta leiba hounabi amasung waathok pumnamak ebungngona thoidokna khangbiba amani; maram adugi damak khangbiduna eigi waa tabinaba eina ebungngobu nonjari.
4 houjik maadudi ahaanbadagi houna eigi jaatki marakta amasung Jerusalemda leibada nahaa oiringeidagi pallakpa eigi mioi mipal adu Jews-sing pumnamakna khangbi. 5 makhoyna saakhi pibininglabadi, eikhoygi dharmagi thoina kupna chatpa khutpu adugi matung ennaa eina pharisi oinaa panjarakle haayba ahaanbadagi eibu khangbiraklibani. 6 Amasung houjikti eikhoygi epa epu-singda Eesor-na pigani haayna waaleppiba adu khouraangna ningba maramna eibu waayelnaba lepchari;
7 maadu phangna-naba eikhoygi salaai taraanithoina ahing nungthil Eesor-bu thawaay yaaonathougan toujaduna khouraangna ningjari. ningba asigi maramda, he ningthou, eingonda Jews-singna theijil-libani. 8 Eesor-na asiba-singbu hinggatpirabadi, maadu thaajaba ngamdabani haayna nakhoyna karigi khallibano?
9 Nazarethki Jesus-gi mingga onnateinaba ayaamba thabak touba taay haayna eina thaanggei sengna esaana ninglammi. 10 adugaa asi eina Jerusalemda asum toukhi; amasung athoiba purohit singdagi matik phangduna, eina asengba-sing ayaambabu keisum-sangda thamkhi, adugaa makhoybu haatpa matamda eina makhoygi mathakta eigi ayaba khudamsu pikhi. 11 Amasung loisang pumnamakta makhoybu haanna hanna laknaduna, dharma adu usittana touhannaba eina hotnarammi; adugaa makhoygi mathakta thoidokna aangaaobagumna mireibakki sahar sahar phaaobada makhoybu tannarammi.
12 asum touna eina athoiba purohit singdagi matik amasung yaathang laairikka loynanaa Dammesak taanna chatlingeida, 13 Numit yungba matamda, he ningthou, numittagi henna langba swargadagi mangaan amanaa eibusu eigaa loynanaa lam chatminnaribasingbusu ekoy koyna nganba lambida eina ure. 14 adugaa eikhoy pumnakakna leibaakta turabada, Saul, Saul, nangna eibu karigi ot-neiribage? Tingkhangda nakhongna kaoba nanggi damak arubani, haayna eingonda Hebrew lonna haayba khonjen amaa eina taare.
15 maaduda eina haay, ebungngo nahaak kanaano, Eesor? adugaa Eesor aduna haay, eidi nangna ot-neiriba Jesusni. 16 adubu hougattuna nakhongna lepkhatlu; maramdi asigi damak eina nangonda uhanbani, haaybadi, nangna eibu ukhraba amasung eina nangonda uhan-gadaba adugi hiramda thougan toubasu saakhi pibasu nangbu oihannabani.
17 Nanggi jattagi amasung atoppa Jaatsingdagi eina nangbu kanbigani; 18 makhoyna amaambadagi mangaanda amasung seitaan-gi paanggaldagi Eesor-da ollaaktuna, paap kokpiba amasung eibu thaajaba mapaanna sangdokpikhrabasinggi marakta mapham phangnabagi, eina nangbu makhoygi mit panghannanaba makhoyda thabani.
19 maram adugi damak, he ningthou Agrippa, swargadagi uhanbiba adu eina endaba natchade, 20 adubu ahaanbada Dammesakki misingda, tungda Jerusalemgi misingda, Judeagi lam pumnamakta amasung atoppa Jaatsingda makhoyna pukning hongduna, Eesorlomda ollakkadabani, amasung pukning hongbagi matik chaaba thabak tougadabani haayna eina saandoklammi. 21 asigi maramna Jews-singna Eesor ningna sangda eibu phaaduna haatnaba hotnarammi. 22 maram aduna Eesor-dagi oiba tengbang phangjaduna, apikpadasu achoubadasu saakhi piduna numit asi phaaoba eina lepchari, 23 Christana karamna awa apang khanggadaba, amasung ebungngona karamna sibadagi ahaanba hinggatpa oiduna, ebungngo-gi jattasu atoppa Jaatsingdasu mangaan saandok-kadabani haayna Eesor-gi waa taakthokpa singnasu Moses nasu thoklagadaba haaykhiba waa adu nattana kari amata eina haiyaade.
24 Amasung mahaakna ngakthokchanaba waa haayjarakpada, Phestna khonjen laaona haay, Paul, nang ngaore; nanggi yaamna tamba aduna nangbu ngaohalle.
25 touegumsung Paulna haay, he matik chaaoraba Phest, ei ngaoyaade, adubu achumbagi amasung lousing tabagi waahei ngaangthokchabani.
26 maramdi ningthouna waasing asigi maramda khangbiribani, eina ebungngo-gi maphamdasu ening tamna ngaangthokchari; maramdi ebungngo-gi maphamda waaram asi kari amata thupchade haayba eina thaajei, maramdi thabak asi machi mayada toukhiba natte.
27 He ningthou Agrippa, ebungngona Eesor-gi waa taakthokpa singbu thaajabra? ebungngona thaajei haayna ei khngjei.
28 maaduda Agrippana Paulda haay, nangna eibu khajiktang thembana Christan oihannaba hotnari.
29 adugaa Paulna khummi, khajiktana oirabasu ayaambana oirabasu ebungngota nattane, numit asida eigi waa taariba ptunnamaknasu, yotlhingphalang asi nattana, eina oibagumna oiraknanaba eina Eesor-gi maphamda haayjaba paammi.
30 maaduda ningthou adunasu, leibaak ngaakpa adunasu, Barnikinasu, makhoyga phammin-nariba-singnasu hougatle; 31 adugaa makhoyna lengthok-khiduna amaaga amaga ngangnarak-e, mi asina siba nattraga punba matik chaaba maraal karisu toude.
32 Amasung Agrippana Phestda haay, mi asina Caesargi maphamda waayel halhallamdrabadi, mahaakpu thaadokpa ngamlamgadabani.