Matthew 27
Romegi leibaak ngaakpa mapu Pilatki maangda Jesusbu pukhatpa
( Mark 15.1; Luke 23.1,2; John 18.28-32 )
1 Ayuk oirabada, athoiba purohit pumnamak amasung mishinggi ahallaman-shingna Jesusbu haatna-naba waa taanare;
2 Aduga makhoyna ebungngobu pullaga, puthokkhiduna leibaak ngaakpa Pilatta pikhatkhi.
Judas Iskariyot matomta sijaba
( Acts 1.18-19 )
3 Matam aduda ebungngobu pithokkhiba Judasna ebungngobu araanba taahalle haayba ubada, pukning hongduna, silver shekels kunthra adu athoiba purohit shing amasung ahllaman shingda amuk puraktuna haayrak-e,
4 Eina dharma chenba ee pithokkhiba aduna ei paap chelle, touegumsung makhoyna haay, eikhoygi eethou kari leibage? nang madu khangjou.
5 Aduga Ningnashanggi ashengba maphamda judasna silver shekels shingdu huntharamduna thokkhre; amasung chatkhiduna thouri yaanduna shijakhre
6 Amasung athoiba purohit shingna silver shekels shingdu louduna haay, maasi ashengba lan thamphamda thamjinba waayel kaay, maramdi maasi eegi mamalalni.
7 Amasung makhoyna waa taannaraga, lamlaanbashingbu phumnanaba phusaaloubuk adu maduna leinare.
8 Maram aduna loubuk adu eegi loubuk haayna houjik phaaoba kounare.
9 Amasung Israelgi machaashing kharana mamalal kakkhraba amadugi akakpa mamal silver shekels kunthra adu makhoyna loure;
10 Aduga Eeshorna eingonda yaathang pibagumna, makhoyna phusaaloubuk adugi damak madu pikhre, haayba Eeshorgi waa taakthokpa Jeremiahna haaykhiba adu matam aduda thungle.
Pilatki maangda Jesusbu waayenba
( Mark 15.2-5; Luke 23.3-5; John 18.33-38 )
11 Jesusdi leibaak ngaakpagi mamaangda leple; amasung leibaak ngaakpa aduna ebungngoda hanglak-e, nangdi Jewish-shinggi ningthoura? aduga Jesusna maangonda haay, nahaakna haaybaduni.
12 Athoiba purohit shing amasung ahallaman shingna ebungngoda theijinba matam aduda Ebungngona kari amata khumde.
13 Maduda Pilatna ebungngoda haay, makhoyna nathakta saakhi kayaa piriba adu nang taadabra?
14 Aduga Ebungngona maangonda waahei amatasu khumdrabada, leibaak ngaakpa adu yaamna ngakle.
15 Chaakkhaangbada leibaak ngaakpa aduna miyaamna paamliba keishumshangda thamliba amabu makhoygi damak thaadokpiba mahaakki hounashaani.
16 Aduga makhoygi keishumshangda thamliba Barabbas kouba phaaoraba amaa matam aduda leirammi.
17 Maram aduna makhoybu tinnahallabada, Pilatna makhoyda haayrak-e, eina nakhoygi damak kanaabu nakhoyna thaadokhanningbage, Barabbabura, Christa kouba Jesusbura?
18 Maramdi makhoyna ebungngobu kallakpa maramna, pithokle haayba mahaakna khanglammi. 19 Amasung mahaakna waayenphambeida phamlingeida, mahaakki nupina maangonda thaaraktuna haayrei, dharma chenba mi aduda nangna kari amata touganu, maramdi mahaakki maramda eina ngasi maangda yaamna awaa khaanglammi.
20 Adubu athoiba purohit shing amasung ahallaman shingnadi Barabbabu nijaraga, Jesusbu maanghansanu haayduna miyaam shingbu thoujillammi.
21 Touegumsung leibaak ngaakpa aduna makhoyda khumlak-e, ani adugi maraktagi eina kanaabu nakhoygi damak nakhoyna thaadokhanningbage?
Aduga makhoyna haayrak-e, Barbbabu.
22 Adu oiragadi, Christa kouba Jesusbu eina kari tougadage, haayduna Pilatna makhoyda haay.
23 Makhoy pumnamakna haay, maabu crossta haatpa oisanu,
Aduga mahaakna haay, karigino, mahaakna kari phattaba toukhrabage? touegumsung, maabu crossta haatpa oisanu, haayduna makhoyna hennadum laaorammi.
24 Asum touna Pilatna karigumba thabak amata mahaakna paangdre, adubu madugi mahutta maraang hourak-e haayba ubada, mahaakna eeshing louduna miyaamgi mamaangda makhut haamdoktuna haayrak-e, dharma chenba mi asigi eegi maramda eigi eeraal leite nakhoygi nashaarukni.
25 Amasung mi pumnamakna khumlak-e, maagi ee eikhoygi amasung echaashinggi thakta taasanu.
26 Matung aduda mahaakna Barabbabu makhoygi damak thaadokpire; touegumsung Jesusbu thina yeiraga, crossta haatnaba pithokle.
Jesusbu Crossta Paang-tingba. Jesusna shiba. Jesusbu phumba
( Mark 15.16-21; John 19.2,3 )
27 Matam aduda leibaak ngaakpagi laanmi shingna Jesusbu Praetoriumgi manungda pusinkhiduna laanmi kaanglup apumbaa ebungngogi maphamda tinnare.
28 Aduga makhoyna ebungngogi phi louthok-piduna phingaang eenbire.
29 Amasung makhoyna tingkhanggi luhup amaa lollaga ebungngogi kokta uppiduna, ebungngogi khut yetta shingnaang amaa paayhalle; aduga makhoyna ebungngogi maangda khuru khudak kunduna, ebungngobu noknaduna haay, he Jewish-shinggi ningthou, khurumjari!
30 Amasung makhoyna ebungngoda tin-sitchinbiduna, shingnaang adu louraga ebungngogi kokta phure.
31 Amasung makhoyna ebungngobu noknaraga, ebungngodagi phingaang adu louthok-piduna, ebungngogi phi setpiraga crossta haatnaba puthokkhre.
32 Amasung makhoyna asum thoklakpada, Simon kouba Cyrenegi nupaa amabu phangle, makhoyna mahaak asibu namduna ebungngogi cross puhalle.
33 Amasung makhoyna Golgotha kouba mapham, (haaynabadi lukanggi mapham aduda laaklabada),
34 Makhoyna ebungngoda mashingkhaga totnaba angur mahi thaaknaba pire; aduga Ebungngona madu tanglabada thakningde.
35 Amasung ebungngobu crossta yotpi thaaduna pangting-khrabada, makhoyna laaibak yengnaraga ebungngogi phi yennei;
36 Aduga makhoyna maduda phamduna, ebungngobu sangduna leirammi.
37 Amasung ebungngogi kokthollomda ebungngoda theijinba waa ekhraba adu yaankhatle, haaybadi maasi Jesus, Jewish-shinggi ningthou aduni.
38 Matam aduda ebungngoga loynanaa daaku anibu, amanaa yetta, amanaa oyda, crossta yotpi thaaduna pang ting-e.
39 Amasung manaakta chatthok chatshin touriba makhoy aduda makok haairaduna, khonthina ekaaiba piduna haay,
40 Ningnashang maanghanba amasung numit humnida shaaba nang, nathantabu kanjou; nang Eeshorgi machaanupa oirabadi, Crosstagi kumtharak-u.
41 Adugumduna athoiba purohit shingna shaastragi ojaashingga ahallaman shingga yaaona ebungngobu noknaduna haay,
42 Atei-shingbudi manaa kanbi; mathantabudi kanjaba ngamde. Madi Israelgi ningthouni; houjik manaa Crosstagi kumthasanu aduda eikhoyna maangonda thaajagani.
43 Manaa Eeshorda thaajei; ebungngo mahaakna maabu paamurabadi, houjik kanbisanu; maramdi manaa haay, eidi Eeshorgi machaanupani.
44 Amasung ebungngoga loynanaa crossta yotpi thaaduna pangtingminnriba daakushing adunasu adugumba achoppa waa adu ebungngobu haayrammi.
45 Amasung numit yungbadagi, nungthin-gi pung 3:00 phaaoba leibaak pumnamakta mamle.
46 Aduga nungthin-gi pung 3:00 Aduwaaida Jesusna awaangba khonjenna laaorak-e, “eli, eli, lama sabachathani? Adudi, eigi Eeshor, eigi Eeshor, Ebungngona eibu karigi hundok-pibage?
47 Aduga maduda leplamba makhoy kharana madu taarabada haayrak-e, mi asina Elijahbu kou-e.
48 Amasung khudak aduda makhoygi maraktagi amanaa chenkhiduna sponge amaa louraga, madu asinba mahida luptuna, shingnaang amada madu lengshinduna ebungngobu thaaknaba pire.
49 Aduga areiba mishingna haayrak-e, leisanu, Elijahna maabu kanbinanaba laakkadra eikhoyna yengsi.
50 Matung aduda Jesusna Amukka awaangba khonjenna laaoramlaga, mathawaay thaakhre.
51 Amasung yeng-u, Ningnashanggi ashengba maphamgi maaykhanphi adu mathaktagi makha phaaoba ani thokna shegaaire; leipaksu nikle, nungjaaosu pokkhaayre;
52 Mongphamsu haangdokle, aduga tumkhraba ashengba mishinggi hakchaang ayaambabu hinggathalle,
53 Amasung Ebungngona hinggatpa matungda mongphamdagi makhoyna thoklaklaga ashengba saaharda changduna ayaambada uhalle.
54 Amasung laanmi chaammagi mapuga, Jesusbu sangba mahaakka loynaba makhoygana yuharaba amasung thokliba adu ubada, thoidokna kiduna haayrak-e, aoibamk mi asi Eeshorgi machaanupani.
55 Aduga ayaamba nupishingna athaappadagi yengduna maduda leirammi; makhoydi ebungngobu thougan touduna Galileedagi Jesusgi tung ellaakpani;
56 Makhoygi marakta Magdalene Mary, James amasung Josephki mamaa Mary amasung Zebedeegi machaanupashinggi mamaa yaaorammi.
57 Numidaang-waai oirakpada Arimatheajdagi Joseph kouba, mashaana Jesusgi sebok oiba, enaakkhunba nupaa amaa laakle;
58 Nupaa asina Pilatki maphamda chatkhiduna Jesusgi hakchaang nijare, Matam aduda Pilatna madu pithoknaba yaathang pire.
59 Amasung Josephna hakchaang adu louduna, anaanba ashengba leemon phina yomlaga,
60 Mahaakna nungjaaoda huttoktuna shaaba mahaakmakki anouba mongphamda madu thamle; aduga mahaakna mongpham adugi thongda nung achouba amaa onsillamlaga chatthokkhre.
61 Amasung Magdalene Mary amasung atoppa Mary aduna mongpham aduga maayoknana phamduna maduda leirammi.
62 Hayeng, haaybadi thouraang laangbagi matung nongma aduda, athoiba purohit shingga pharisi shinggana Pilatki maphamda tilladuna haayrak-e,
63 Ebungngo, minamba nupaa aduna hinglingeida numit humnigi matungda eina hinggatkani, haayna haatkhiba adu eikhoyna ningshingi.
64 Maram aduna numit hummi phaaoba mongpham adu ningthina ngaaknaba yaathang pibiyu, nattrabadi maagi sebokshingna laaktuna maabu hukhraga, maabu ashibashinggi maraktagi hinggatpikhre, haayduna mishingda haayba yaai; aduga ahaanba minambadagi akonba minambana henna phattaba oigani.
65 Pilatna makhoyda haayrak-e, asangba mi lou; chatlu, nakhoyna khangjaba makhei madu ningthijana ngaak-u.
66 Maduda makhoyna chatkhiduna asangba mi yaaona nung adu mohor namlaga mongpham adu ningthijana ngaakhalle.