Romans 2

Jews-singnasu ayol aranda taba

2 maram aduna, he waayelliba mi khuding, nangbu kaibipham leite; maramdi nangna mi ateibu waayelba aduda nang nathantabu laalhalli, maramdi waayelliba nangna madumak mahousana touwi. 2 adugaa asigumba thabak mahousana toubasinggi mathakta Eesor-gi waayeldi achumbagi matung enbani haayba eikhoyna khang-e. 3 Amasung asigumba thabak mahousana toubasingbu waayelliba amasung adumak touriba, he mioiba, nangna Eesor-gi waayeldagi hingani haayba asi ninglibra? 4 Nattraga, Eesor-gi aphaba matouna nangbu pukning hongnabada lamjingbi haayba khangdaduna ebungngo mahaakki aphaba matou adugi, ngaibiheibagi, amasung khangheibagi ayaamba adubu nangna usittaba toubra? 

5 adubu nanggi pukning kanba amasung hongningdaba adugi matung ennaa Eesor-gi asaaobagi amasung achumba waayel phongdokpagi numitta asaaoba nasa nathantagi damak peisinjei. 6 ebungngo mahaakna mi khudingda maagi maagi thabak matung ennaa hanbigani: 7 aphaba toubada khaangduna, matik mangaan, ekaai-khumnaba, amasung mangba yaadaba thiribasing aduda lomba naaidaba hingba pibigani; 8 adubu marannai tanba amasung achumbabu endaduna, dharma nattababu enba makhoy aduda, haaybadi, ahaanbada Jewsda, adugaa Greektasu, 9 Phattaba touba mi khudinggi thawaaygi mathakta asaaoba amasung meihouna saaoba, awaaba amasung anangba oigani. 10 adubu ahaanbada Jewsda adugaa Greektasu aphaba thabak touba mi khudingda matik mangaan, ekaai-khumnaba amasung engthaba oigani. 11 maramdi Eesor-na misak mimaay yengde. 

12 maramdi waayel yaathang adu yaaodana paap touba mi makhei waayel yaathang adu yaaodana maanggani, adugaa waayel yaathang adugi maakha ponna paap touba mi makheibu waayel yaathang aduna waayelgani. 13 maramdi waayel yaathang adu tabasing aduna Eesor-gi maangda dharma chenba natte, adubu waayel yaathang adu toubasing adubu chumhanbigani. 

14 (maramdi waayel yaathang leitba atoppa Jaatsingna waayel yaathang adugi thabak adu mahousana tourabada, makhoy asigi waayel yaathang leitrabasu, makhoy masaada waayel yaathang leiri; 15 maramdi makhoyna makhoygi thamoinungda esinkhraba waayel yaathang adugi thabak adu utli, adugaa makhoygi achum aran khangnaba pukningna maaduga loynanaa saakhi pi, amasung makhoygi waakhal amaaga amaga yetnaduna makhoyda maraaltheijil-li, nattraga makhoybu kaibi); 16 Waayelba numit aduda Eesor-na, eina saandokpa aphaba waapaaogi matung enna, Jesus Christagi mapaanna, misinggi arotpa adu waayelgani. 

17 touegumsung nangna Jews haayba ming purabadi, waayel yaathangda ngajarabadi, Eesor-da chaaothok chaarabadi, 18 ebungngo mahaakki ningba khanglabadi, waayel yaathang adudagi tamba phangbana thoihenna phaaba thabakni khallabadi; 19 adugaa khngbagi amasung achumbagi maong adu waayel yaathang adugi manungda phangduna, nang nasaana mittaangbasinggi lamjingbibani, amaambada leibasinggi mangaanni, 20 apangbasinggi chumhanbibani, amasung angaang machaasinggi tambibani, haayduna nangna thajarabadi; 

21 adunadi, mi ateibu tambiba nang, nasa nathantabu tambidra? huraanpharoi saandokpa nang, huranbra? 22 nupi laannapharoi haayba nang, nupi laannabra? laai murtibu tukkachaba nang, laisangdagi huranbra? 23 Waayel yaathangda chaaothokchaba nang, waayel yaathang adu laanbana Eesor-bu ekaai-khumnadaba toubra? 24 maramdi ekhibagumna, nakhoygi maramna atoppa Jaatsinggi marakta Eesor-gi mingbu thina ngaang-e. 

25 maramdi nangna waayel yaathang enba mi oirabadi, un kakpa tongjabamakni; adubu nangna waayel yaathang adu lanba mi oirabadi, nanggi unkakpa adu un kaktaba oirakpani. 26 maramaduna un kaktaba mina waayel yaathang adugi haayba adu ngaklabadi, mahaakki un kaktaba adu un kakpada singthaanaroidra? 27 adugaa mahousana un kaktaba mina waayel yaathang adu thunghallabadi, laairikta ekhraba waayel yaathang amasung un kakpa nanggi leirabasu, waayel yaathang adu lanba nangbu mahaakna waayel touroidra? 

28 maramdi mapaanthongda Jews oiba adu Jews natte, adugaa hakchaangda mapaanthonggi un kakpa adu un kakpa natte. 29 touegumsung manung thangbada Jews oiba aduna Jewsni, adugaa aibana nattana thawaayna thamoigi un kakpa adu un kakpani. mahaakpu thaagatpa adu misingdagi natte, Eesor-dagini.