Proverbs 24
1 Phattabashingdubu kallakuganu. Makhoyga marupsu sannaruganu.
2 Makhoyna matam leibada khalliba waakhandi khudongthiba thokpa yaaba waaphamdutani. Makhoyna waa hek ngangthorakpa matamda shoydana amaang ata thoklabani.
3 Yum haaybasidi loushing amadi laaishu khangbana yumpham oiduna shaaragata phabani.
4 Loushingbu leirabadi yumgi kashingdu mamal naaidraba potshing thambagumbani.
5 Paanggal kanbabudi loushing leibana henna phei. ashengbani paanggaldagi loushingna henna phei.
6 Laanphamda changdringeida nakhoyna phajanaa shem shaaba taay. Aphaba paaoutaak tasillibamakhei maay henna pakkani.
7 Aruba paaoroudi apangbashingna khangba ngamde. Yaamna luba waapham khannarakpa matamda mahaak karisu pangba ngamde.
8 Matam leibada phattabata tounanaba shem shaaduna leirabadi yaamna khudongthiba mini haayna naming chatkani.
9 Apangbana touge khalliba thabaktu khudongthiba amadi araanbana thangadabani. Mi ateibu cheidunata leiriba midu mina tukkachanabani.
10 Khudongthiba taaraba matamda napukning hanthaarabadi ashengbamak nahaak asonba mini.
11 Laanna maraal sibiraba mi amabu kanba matamda matam thinthaba touganu.
12 Nakhoyna nathou natte haayna leithokpa yaai adubu Eeshorna nakhoyna khalliba waakhandu khangbi ubi. Ebungngona nakhoyna touribadu yengduna leibi aduga khangbi. Nakhoyna toukhibadugi matung ennaa Ebungngona nakhoyda manaa pinabigani.
13 Echaasha, Khoihi chaao hakchaang phabani. Aduga khoiradagi loklakpa khoihina nareida thengba matamda thumbagum
14 Thawaaygidi loushing leibana henna phabani haaybasi khangjinlu. Loushingbu phangnaba hotnou adu oirabadi tungda laakkadouba punsidu mangaanna thallakkani.
15 Mapukchel shengba kanaagumba amadagi huranbige hotnariba nattraga mayumdu munduna louge hotnariba nupaashinggi matoudu tamuganu.
16 Mapukchel shengba nupaa kanaagumba amanaa kayarak maaythiba yaai adubu matam leibada mahaak maaythibadi touroi aduga mameithangda phattabadu mangkhigani.
17 Nakhoygi yeknabashingna khudongthiba taaba matamda haraaoganu aduga makhoyna awaaba taaraba matamda nungaai haayganu.
18 Karigumba nakhoyna maasida haraaorabadi Eeshorna bor piroi. Adubu Ebungngona mahaakpu dandi pibidaba yaai.
19 Phattabashinggi khayatta tadanaba houtnou. Makhoybu kallakunu.
20 Phattaba midugi tunggi aphaba karisu leite.
21 Echaasha, Eeshorbu kina chatlu. Ningthou oiriba nupaadubu ekaai khumnou. Eeshor amadi ningthoubu kina chattabashingga tinnatotnaruganu.
22 Asigumba midu mikup amagi manungda tumna manggadouribani. Epuroi amadi ningthouna kari amaangba thok-hanba ngammi haaybasi nakhoy khanglabra?
Makha taaba paaorou
23 Ashingbashingna makhaada eribashingsisu taakpirammi:
waayenliba amanaa michang mikhaai naaiba hounade.
24 Karigumba mahaakna maraal leiba mi amabu maraal leite haayrabadi mipum khudingna mahaakpu tukkachagani.
25 Maraal leiba midu dandi piriba waayenba nupaadu mipum tingna thaagatnagani.
26 Ashengba marupki maphamdadi pukchel shengna paaoukhum pibaduni.
27 Loubuk amadi hingnanabagidamak pambei leitringeida nayum sarunu.
28 Maram chadana nattraga araanba waa haayjinduna kanaagumba mi amagi maramda nattaba saakhi pibiganu.
29 "Mahaakna toukhibagumna laman shingge nattraga mahaakpu loisillaga loire." haayba pukchel chen-ganu.
30 Atanba amadi apangba nupaa amagi angur engkhonada eina nongma phaaoduna chatlammi. 31 Loubuktuda tin-khang amadi huidruna thallammi. Nungna khagatliba chekpandu tukhirammi. 32 Maasibu uraga eina waakhal tourammi amasung para amaa tamlammi.
33 Tumduna mikup tanduna leithokpa yaai.
34 Nakhut karang lonshinduna leithokpa yaai adubu khanggadabadi tumlingeida laairabana khutlai paayba huraanbana toubagumna mahaakpu laakshin-gani.