Hosea 7
7 Eina eigi misinggi maraibak chumhanbiba matamda, Israelbu eina pungpha phahan-biba matamda, Ephraimgi marandi ephong phonggani. Samariana phattaba thabak toukhibagi matangdasu ekhang khngnarakkani. maramdi makhoy thaajadaba misingni. Makhoy huraanbasingni. migi yum namthektuna chang-e. Makhoy dakuni, migi mapot laambelda phaaoba mulli.
2 Adubu makhoyna touba apikpa thabaktu eina ningsingi haaybasi makhoydi khangde. Makhoygi thabakna makhoybu koisalle, pumnamaksi eigi emangda leire.
Kaonungda Chiron
3 Makhoygi phatta lousingna ningthou phaaoba haraaohanba ngammi. Makhoygi chiron chatpadana ningthou machaasingbu pelhanba ngammi.
4 Makhoy singsisu lamchat mangbagi thabak touba mengaktani, makhoy mei houraba leiranggi matougummi adubu leirang oirabasu tal noibasingna tal noiba loiraga kaamkhattriba phaaoba mei ensanbidaba leiranggumbani.
5 ningthouna chaak-khangba numitta ningthou machaasing yugi meichaakna meigi matougumhalli. aangaaoba misinggi matougummi.
6 Ahing chuppa makhoyna pottharingeida makhoygi asaaobadu nemthei, adubu ayukki matamda meigi matougum chakkhatpa hourak-e.
7 Makhoy leiranggi matou malli, maramsina makhoyna leibaak ngaakpasingbu ot-neibi. Makhoygi ningthou pumnamak leikha taakhre kanaanasu eigi minglenbu ningsingdre.
Israel amadi Jaatsing
8 Ephraim atoppa Jaatsinga totna tinare, Ephraim tangkhay amaa thonglaba tanjagumle.
9 Aatoppasingna maagi mapaanggal louthok-e, adubu mahaakna maadu khangde. mahaakki masam pumngou nouhallaba phaaobada maadu khangde.
10 Israeldi masaagi napanda masaabu manghanjare, adu phaaobada makhoygi mabung-ngo mapu ebungngo Eesor-gi makada mamaay onbadi toude. Nattraga makhoyna toujakhiba paapsing koknaba maabu thijabasu toude.
11 Israel apangba lousing leitba lam khunugummi. Mahaakna Egypt nattraga Assyriabu koudunata lei.
12 Makhoyna asumna tourabadi eina makhoygi mamaangda lang saandokkani, nongthakta paayba uchek phaabagi matougumna eina makhoygu phagani. Makhoygi phattaba thabakkidamak eina makhoybu dandi pigani.
13 Eingondagi thaapna leikhrabasingdugidamak awaabanida, eibu thaadoktuna chatkhiba maramna makhoygi mathakta mangtakpa thoklagani. Eina makhoybu kanbiba yaai adubu makhoy oidaba waa ngaang-e.
14 Thamoi sokna makhoyna eigi ephamda haiyaade, maagi maagi phamphamda hiptuna haay haay laojabadani. Mahei marong amadi anouba yu phangnaba makhoyna mipaijei, asina maram oiduna makhoy eingondagi asum thaptokkhi.
15 Eina makhoybu mapaanggal happirabasu makhoyna eigi mayokta thabak touwi.
16 Makhoyna Baal kouba laida onsalli. maramsina makhoy tenga thongdraba lirunggummi. makhoyna oidaba ngaakta ngaang-e. maramsina makhoygi ningthou machaasing thanggi mayada chatkani.