Jeremiah 37
Zedekiahna Jeremiahda haayjaba
37 Babylon-gi ningthou Nebuchadnezzarna Judah-gi leibaak amada Jehoiakimgi machaa-nupaa Jehoiachingi mahutta Josiahgi machaa-nupaa Zedekiahbu ningthou oinaa hapkhi. 2 adubu Zedekiah amadi mahaakki manaaising natraga leibaaktuda leiriba miyaamduna Eesor-gi waa taakthokpa Jeremiahbu thaaduna haayhankhiba waasingdu loukhide.
3 ningthou Zedekiahna Selemiahgi machaa-nupaa Jehucal, Maaseiahgi machaa-nupaa purohit Zephaniah anisibu waa taakthokpa Jeremiahgi manaakta thaaduna haayhankhi, "eikhoigi mapu ebungngo Eesor-gi khuyaakhaada eikhoygidamak punembiyu." 4 Matamduda Jeremiah misinggi marakta koychat chat-tuna leirammi. Mahaakpu keisum-sangda thamlamdri. 5 Matangduda Egyptki Pharaoh ningthougi laanmising laandarakle taabada Jerusalembu laksinge touramliba Chaldeansingdu handokhi.
6 Matamsida waa taakthokpa Jeremiahda Eesor-na waa haayrammi: 7 Israelgi mapu ebungngo Eesor-na asumna taakpiri: Judah-gi ningthouna nakhoybu eigi ephamdagi laaibao lourunaba thaaraklibadugi maphamda asumna haaygadabani, "Yeng-u, Egypt leibaaktagi nahaakpu mateng panggani haayna laakpa laanmisingdu houjikti mayumda hangadoure. 8 Chaldeansingna amuk haanna maphamsida laaktuna leibaaksigi mathakta laandarakkani. makhoyna joy oiduna maasibu mei tharagani. 9 Eesor-na asumna taakpiri: nakhoy nasaana nasaabu minamjaganu. nakhoyna haayri Chaldean-singna eikhoygi ethakta laandarakloi." adubu makhoy mamaay leiroidouri. 10 nakhoyna Chaldeansinggi laanmisingdu loina maaythiba piba ngamlabasu adugaa makhoygi laanmisingdu nakhoyna loina sokhanduna laanbanda taahallabasu makhoyna soydana hougatlaktuna saharsibu mei thaagani.
Jeremiahbu phaaraga keisum-sangda thamba
11 Chaldeansinggi laanmisingduna Pharaohgi laanmi laakle taaraduna ninghannaba matamduda 12 Jeremiahna Jerusalem thaadoktuna Benjamin-gi lamda mahaakki chaakthung yarunaba chatlammi. 13 Jeremiahna Benjamin-gi sannathong kouba maphamdu yourakpa matamda Hananiahgi machaa-nupaa Selemiahna pokpaa erijah kouba nupaaduna Jeremiahbu pharaduna haaira klammi. “nahaak Chaldeansinggi lamda chat-tuna lotkadouriba natra?" 14 maaduda Jeremiahna haayrak-e, "Madu araanbani. eihaak Chaldeansinggi lamda chenba natte." adubu erijahna mahaakna haayba waadu taramde. maramsina mahaakna Jeremiahbu phaaraga ningthou machaasinggi maphamda puduna laaklammi. 15 ningthou machaasingdu Jeremiahbu uraga yaamna saaorammi. maramsina makhoyna mahaakpu phuduna laairik esinba Jonathangi mayum matamduda keisum-sang oinaa sijinnaribaduda thamlammi.
16 Jeremiah leinungda semba komda matam yaamna kuina leiraba matungda 17 ningthou Zedekiahna mahaakpu kouhallammi. adugaa mahaakpu taram taramna oklammi. ningthouna konungda tuminna pusil-laga maangonda hanglammi, "Eesor-na laaibao thaaraktraba?" Jeremiahna haayrammi, "Tharak-e." Matangduda ningthouna maangonda haayrammi, “nahaak Babylon-gi ningthougi makhutta sinnabigani. 18 " Jeremiahna ningthou Zedekiahda haayrammi, "Iningthou ebungngo, ebungngo-gi nanaaising amadi leibaaksida leiriba misinggi mathakta nanaaina kari araanba toukhrabage? Kari maramdagi nanaaibu keisum-sangda thambiribano? 19 Babylon-gi ningthouna nahaakki mayokta amadi leibaaksigi mathakta laandararoi. haayba waa taakthokpa singdu houjik kadaayda leikhrabage? 20 maramsina houjikti nanaaina haayjariba waaphamsi tabiro he eningthou, nanaaina nollukna hanggatcharibasi ebungngo-gi thamoida loubuyu. nanaaibu laairik esinba Jonathangi mayumda thabiganu. Maphamduda nanaaigi aroiba sor honba yaai." 21 asumna ningthou Zedekiahna yaathang amaa thaaduna makhoyna Jeremiahbu loisang pannabasinggi kaduda thambairammi. Tal saaba-singgi lambi kouba maphamdudagi maangonda makhoyna nongmada tal amam-mam pirammi. saharduda chaak tangbana tal amaa paaoba phangdrabasu mahaakpu pijarammi. asumna Jeremiah loisang pannabasinggi kaduda matam sangna leikhi.