John 10
Aphaba yaaoshenba
1 Eina nakhoyda thaanggei shengnamak haayribani, thongda chaangdaduna, atoppa lambida kakhattuna yaaokonda changba mi adudi huraanbani amasung dakuni.
2 Touegumsung thongda changba mi adudi yaaoshinggi yaaoshenbani.
3 Mahaakki damak thong sangbana thong haangbi, aduga mahaakki yaaoshingna mahaakki khonjen taay, mahaakna mahaakki yaaoshinggi maming panduna kouwi, aduga makhoybu mapaanda puthokpi.
4 Mahaakna mahaakki yaaoshingbu puba matamda, makhoygi mamaang thaaduna chatli, aduga yaaoshingna aduna mahaakki matung elli, maramdi makhoyna mahaakki khongjel khang-e.
5 Aduga makhoyna atoppa migi tung khak elloi, touegumsung maangondagi chen-gani, maramdi makhoyna atoppa shinggi khonjen khangde.
6 Paandam asi Jesusna makhoyda haaybibani, adubu Ebungngona makhoyda ngangkhiba adu karino makhoyna khangde.
7 Maram aduna Jesusna makhoyda amuk haay, eina nakhoyda thaanggei shengnamak haayribani, eidi yaaoshing adugi thong aduni.
8 Eigi maangda laakkhiba pumnamak adu huraanbaga dakuga ngaktani, touegumsung yaaoshing aduna makhoygi khol tade.
9 Eidi thong aduni, eingonda kanaagumba mi changlabadi, mahaakpu kanbigani, aduga mahaakna chatthok chatshin touduna, shajik chapham phangjagani.
10 Huraanba aduna hurannanaba, haatna-naba amasung manghannanaba nattana laakte, eidi makhoyna hingba phangnanaba amasung madu maraang kaina phangnanaba laakle.
11 Eidi aphaba yaaoshenba aduni, aphaba yaaoshenba aduna yaaoshinggi damak mathawaay thabi,
12 Anakpa mahaak adudi yaaoshenba adu natte, aduga yaaoshing adu maranaigi natte, keisaal laakpa uraga yaaoshing adu thaadoklamlaga chengi, aduga keisaal aduna yaaoshing adu laaktuna yaao amasung makhoybu chaai-khaay.
13 Mi adu anakpa oiba maramna mahaakna chenkhi amasung yaaoshing adugi maramda khanbide.
14 Eidi aphaba yaaoshenba aduni, Eina eigi yaaoshingbu khang-e amasung eigi oibashingna eibu khang-e.
15 Aduga epaana eibu khanbagumna, einasu epaabu khang-e, amasung yaaoshinggi damak eina eigi thawaay thabi.
16 Aduga yaaokol asida yaaodaba eigi atei yaaoshing lei, makhoy adubusu eina purakpa taay, amasung makhoyna eigi khonjen taagani, aduga makhoyna yaao shanggu amaa oirakkani, amasung yaaoshenba amaa leigani.
17 Maram asigi damak epaana eibu nungshi, maramdi eina eigi thawaay amuk loushinnaba eina thawaay thaay.
18 Kanaanasu eingondagi thawaay loude, adubu ei esha ethanta thaadokchabani, eina madu thaadoknaba etik lei, aduga eina madu amuk loushinnaba etik lei, yaathang asi eina epaadagi phangjare.
19 Waashing asigi maramna Jewish-shinggi marakta amuk tokhaai taanarammi.
20 Amasung makhoy ayaambana haayrak-e, mahaak bhut puduna ngaaobani, nakhoyna mahaakki waa karigi taabage?
21 Atei-shingna haayrak-e, asi bhut puba migi waahei natte, bhutna mittaangbagi mamit phahanba ngambra?
Jerusalemda Ningnashang shengdokpagi chaakkhaangbada, Jesusna tambiba, Jewish-shingna yengthiba
22 Matung aduda Ningnashang shengdokpagi chaakkhaangba adu Jerusalemda thokle, aduga madu ningthamtha matam oirammi,
23 Aduga Jesusna Solomon-gi manggonda Ningnashang manungda koirammi.
24 Maram aduna Jewish-shingna ebungngobu koisilladuna haayrak-e, nahaakna eikhoybu kayaa kuina chingnahangadabage? Nahaakna Christa adu oirabadi, eikhoyda shengna tammu.
25 Jesusna makhoyda khumle,
Eina nakhoyda tamkhre, aduga nakhoyna thaajade, Eina epaagi mingda toujariba thabakshing asina eigi maramda saakhi pi,
26 Adubu nakhoyna thaajade, maramdi nakhoy eigi yaaoshinggi marakta yaaode.
27 Eigi yaaoshingna eigi khonjen taay, eina makhoybu khang-e, aduga makhoyna etung elli.
28 Amasung eina makhoyda shinaaidaba punshi pibi, makhoy keidoungeidasu maanglaroi, aduga kanaanasu ekhuttagi makhoybu pak mallaroi.
29 Eingonda makhoybu pibikhiba eigi epaana pumnamaktagi athoibani, amasung kanaanasu epaagi khuttagi makhoybu pak munba ngamde.
30 Eigaa epaga eikhoy amatani.
31 Maram aduna Jewish-shingna ebungngobu thaana-naba amuk nungdum paaykhatle.
32 Jesusna makhoyda khumle, epaadagi ayaamba aphaba thabak nakhoyda eina uhalle, thabak adugi maraktagi karambagi damak nakhoyna eibu nungdumna thagadouribano?
33 Jewish-shingna ebungngoda khumle, aphaba thabakkidamak eikhoyna nangonda nungdumna hunba natte, adubu Eeshorbu thina ngaangbagi damakni, aduga nangna mi oiraga nashaa nathantabu Eeshor shemjei.
34 Jesusna makhoyda khumle,
nakhoygi waayel yaathang aduda, eina haayre, nakhoy Eeshorshingni, haayduna ekhiba nattra?
35 Eeshorgi waa thunglaba makhoybu ebungngo mahaakna Eeshorshing kourabadi (Aduga shaastrabu kaiba ngamde),
36 'Eidi Eeshorgi machaanupani' haaybagi maramna, mapaana khaaidoklaba amasung taaibang-paanda thabirakpa mahaakpu, 'nangdi Eeshorbu thina ngangi' haayna mahaakki maramda nakhoyda haayribra?
37 Eina epaagi thabak toudrabadi, eibu thaajaganu.
38 Adubu eina tourabadi, eibu thaajadrabasu epaana eingonda lei amasung eina epaada lei haayba nakhoyna khangduna leinaba, thabak adu thajabiyu.
39 Makhoyna ebungngobu phanaba amuk thirammi aduga Ebungngona makhoygi khuttagi naanthokkhre.
40 Amasung Ebungngona Jordan waangmada Johnna ahaanbada buptized toubiduna leiramba, mapham aduda amuk haanna lengthoktuna, maduda leirammi.
41 Aduga mi ayaambana ebungngogi maphamda laaktuna haayrak-e, Johndi khudam karisu toude, touegumsung mi asigi maramda Johnna haaykhi haaykhiba pumnamak adu eshoy shoyramde.
42 Amasung mi ayaambana mapham aduda ebungngobu thaajare.