Psalm 76

Eeshordi angambaduni

1 Judahna Eeshorbu khang-e, Israelgi manungda Eeshorbu ekaai-khumnaribani.

2 Ebungngona ngaanthoibiba maphamdi Jerusalemni, Ebungngona yatabiba maphamna Zion chingdani.

3 Maphamshingsidagi Ebungngona yeknabashinggi tendu thudek-e, makhoyna paairiba chunggoi, thang amadi khutlai khuding mahaakna thudekpi.

4 He Eeshor, nahaak kayagi matik magun leiba, ebungngogi yeknabashingbu maaythiba piruraga loibi chingjaaodagi lenglakpa matamda kayagi matik phajaba.

5 Makhoygi mathouna leire haayriba laanmishingduna pairamba khutlai pumbaa louthokpire, makhoy houjik ashibagumna tumduna leire, amasung makhoygi mapaanggal amadi heishingbadu karisu kannakhidre.

6 He Jacobki Eeshor, Ebungngona makhoybu kihanba matamda, shagol amadi shagol tongliba pumbaa siduna taaba ngaktani.

7 He Eeshor, ebungngobu kidaba mi leite, Ebungngona shaaoba matamda ebungngogi maangda kanaasu leppa ngamde.

8 Koirouthaktagi ebungngogi waayendu khanghanbi, taaibangsi kiraduna tuminna leinakhi.

9 Ebungngona waayendu laaothoknaba hougatlakpa matamda, taaibangsida leiriba ot-neibirabashingsibu kanbinaba hougatlakpa matamda taaibang pumbaa kiba ngaktani.

10 Taaibangmina shaaojabadudi ebungngogi gundu hen-gathanbani, laanda sihoudabashingduna ebungngogi thoudang paangthokkani.

11 Nahaakki Eeshorda katchagani waashakkhibadu katchou, manaak nakpada leiriba Jaatshing, khudon pot ebungngoda katchou. Eeshorna mioibada akibaa phaohanba ngammi.

12 Napan touraba ningthou machaashingsu Ebungngona nollukhalli, athoiba ningthoushingsu Ebungngona kihalli.