2 Corinthians 2

1 Maramdi eina pukning waabaga loynanaa nakhoyda amuk laaktanaba asi ethakta epukning leple.

2 Maramdi eina nakhoybu pukning waahallabadi, eina waahankhiba mahaak adu nattana kanaana eibu haraaohangadage?

3 Amasung eigi haraaoba aduna nakhoy pumnamakki haraaoba oiri haayduna nakhoy pumnamakta chetna thaajaduna, eibu haraaohangadaba makhoydagi eina pukning awaaba phangdananaba, waaram asimak eina ere.

4 Maramdi thoidokna awaa-anaangba amasung thamoi chakpadagi eina nakhoyda pi yaanma tana ejare; nakhoybu pukning waahannanaba natte, adubu eigi nungshiba nakhoygi nathakta thoidok hendokna leiba adu nakhoyna khangnanabani.

Aranba touba mina pukning hongbada maabu loushinbinanaba wa

5 Touegumsung kanaagumbana pukning waahanba leirabadi, mahaakna eibuta waahanba natte, adubu machetta (Eina waahei ayakpana namadananaba) nakhoy pumnamakpu waahalle.

6 Mi ayaambana waarakpa asi adugumba migi damak okle; 

7 Aduna amaromdadi karigumba maram amanaa adugumba mibu mahaakki thoidok hendokna pukning waaba aduna yotsin-gadabadagi, nakhoyna mahaakpu ngaakpiduna themjinbiba phei.

8 Maram adugi damak nakhoyna mahaakpu phongna amuk nungshibinaba eina haayjabani. 

9 Maramdi nakhoyna maram pumnamakta haayba elli ende nakhoygi aoiba eina khangnanaba, asigi maramnasu eina ere.

10 Touegumsung nakhoyna karigumba kokpiba mahaak adubu einasu kokpi; maramdi Satanna eikhoygi ethakta tongjaba karisu phangdananaba, eina karigumba kokpikhrabadi, eina kokpikhiba adu nakhoygi maramgi damak Christagi maangda kokpikhibani;

11 Maramdi Satan-gi thouraang adugi maramda eikhoyna khangdaba natte.

Aphaba waapaaogi maramda changyeng phangba amasung ngambagi maram

12 Aduga eina Christagi aphaba waapaaogi damak Troasda laaklabada amasung Eeshorgi maramda thong amaa haangdokpirabada,

13 Eina echin-enaao Titusbu phangnadaba maramna, eina ethawaayda potthaaba phangyaade; adubu makhoydagi khaainaraktuna, eina Macedoniada chatthoklakle.

14 Touegumsung matam leiba khibikta Christagi mapaanna eikhoybu maay paakna chingbiduna mapham khudingda ebungngo mahaakpu khangbagi manam adu eikhoygi epanna phonghanbiba ebungngo Eeshorbu thaagatchari. 

15 Maramdi Eeshorna kanbiribashinggi amasung manglibashinggi marakta eikhoydi Eeshorgi maphamda Christagi nungshiba manam oijari,

16 Manglibashing dadi shibadagi shiba thok-hanba manam oiri, kanbiribashingdadi hingbadagi hingba thok-hanba manam oiri. Amasung thabakshing asigi damak matik chaaba kanaano?

17 Maramdi eikhoydi Eeshorgi waa mothalliba ayaambagumba natte, adubu pukchel tinbagum, Eeshordagigum, Eeshorgi mityengda, Christagi oinaa eikhoyna ngaangbani.