Exodus 18
Joshuaethrona Mosesbu yengba laakpa
1 Midianshinggi Purohit Mosesgi makubok Jethrona Moses amadi Israelgi mishingda Eeshorna toubikhiba pumnamak taarammi Eeshorna Israel machaashingbu Egypttagi pubirakkhibadugi maramdasu taarammi.
2 Mosesgi nupi Zipporah puduna Makubok Jethro laakkhi.
3 Makubokna mahaakki machaanupa ani Gersom (Arthadi mireibaakta eihaak shaaidaangba amaa oinaa leirakli),
4 Aduga Eliezer haayna maming thonkhi. (maramdi mahaakna haaykhi, epaana ninglamba Eeshorduna eigi eteng oibiri. Ebungngona eibu Pharaohgi thanggi mayadagi kanbikhi.)
5 Mosesgi makubok Jethrona Mosesgi nupi amadi machaanupa ani puduna mahaakna shang shaaduna leiriba Eeshorgi chingduda laaklammi.
6 Kanaagumba amanaa Mosesda haaykhi, "nahaakki nakubok Jethro nahaakki nupi amadi nachaa-nupaa ani puraduna laakle."
7 Mosesna makubok unaba mapaan thoklammi, makubokpu khurumjaraduna chupsu chupirammi, amanaa amagi awaa nungaai hangnaraba matungda makhoyna leiriba sangduda changlammi.
8 Masigi matungda Mosesna makubokta Eeshorna Israelgi mishinggi masumlaanggidamak Pharaoh amadi Egyptta leiriba mishinggi mathakta toubikhiba pumnamak tamlammi. Makhoyna laambelda laakpa matamda takhiba awaaba aduga Eeshorna makhoybu khudongthibashingdagi kanbikhibanachingba thoudokshinggi maramda loina tamjarammi.
9 Eeshorna Israelgi mishinggi damak toubikhiba thabakshinggi marakta Egyptta leiba mishinggi makhuttagi kanbikhibanachingba aphaba thabakshingdugi khudamshingdu uraga thoina henna nungaaijarammi.
10 Jethrona haayrammi, "Egyptta leiriba mishing amadi Pharaohgi makhuttagi kanbikhiba Eeshordu thoina henna chaaoba oisanu.
11 Egyptta leibashingna Israel machaashingbu thina toubirakpa matamda kanbikhiba maramna houjikti Eeshorna laai pumnamaktagi thoina henna chaaoi haayba eihaak khangle.
12 Mosesgi makubok Jethrona meida thaaduna touba puja amadi thou atei atei Eeshorgi khuyaakhaada katcharammi. aron-ga loynanaa Israelgi ahanshingna Eeshorgi maangda Mosesgi makubokka chaak chaaminnarammi.
Bicharpatishing happa
(Waayel 1:9-18)
13 Mathanggi numitta Mosesna mishinggi mathakta waayennaba phamlammi. Mishingna Mosesgi akoybada ayuktagina Numidaang-waairam phaaoba leptuna leirammi.
14 Mishinggi damak Mosesna touribadu Mosesgi makubokna ubaa matamda mahaakna Mosesda haayrammi, "nahaakna mishinggi damak touribasi mawong amaa kaire. Nahaak natomta phamlaga mishingna Numidaang-waairam phaaoba leplibasi karigino?"
15 Mosesna makubokta haayrammi, " mishingna Eeshorgi laaibao taanaba eigi enaakta laaklibani."
16 Makhoygi marakta karigumba khatna-cheinaba leiba matamda makhoyna eigi enaakta waayenbinabagidamak laak-e. Maramsina kanaagumbana atoppa nupaa amaaga khatnaba matamda waayenbiribani. Eina mishingda Eeshorgi niyaam amadi waayendu taahanbi.
17 Mosesgi makubokna maangonda, haayrammi, "nahaakna touribasi chumde.
18 Nahaak amadi nahaakka loynariba mishingsi kemduna toklagani. Maramdi nakhoyna touriba thabaksi yaammalli. Nahaak natontana thabak pumnamaksi loina touba ngamloi.
19 Maramsina eina haayriba waasi taro. Eina nangonda paaoutaak khara pige aduga Eeshorna nahaakka loinabiba oisanu. Nahaakna mishingsi Eeshorgi maangda pukhatlu aduga makhoygi mathakta Ebungngona waayenbisanu.
20 Nahaakna makhoyda niyaam amadi waayen-gi paaoutaaktu pigadabani. Makhoyna tougadouba amadi chatkadaba laambeldu phajanaa khanghallu.
21 Haayribasigi mathakta nahaakna matik chaaba Eeshorbu kina chatchaba, thaajaba yaba, senja thumja louroidouba, mi khara khandottuna makhoybu mi lishinggi makok, chaammagi makok, yaangkheigi makok, aduga taraagi makok oinaa khandok-u.
22 Matam leibada makhoyna mishingsigi mathakta waayenbigadabani. Thoidok hendokna achouba waathok oiragana, makhoyna nahaakki naphamda purakkadabani. Adubu apikpa waathok oirabadi makhoyna waayenhallu. Adu oirabadi mishingsina nahaakka loynanaa awaaba kharadi puba yaaogani.
23 Karigumba Eeshorna haayribasi tounaba yaathang pibirabadi nahaak waathok khuding thengnaba ngamgani. Mishingsisu makhoygi leiphamda engthana leiba ngamgani.
24 Mosesna makubokna haayba waashingdu phei haayna ninglammi. Maramsina mahaakna paaoutaaktugi matung ennaa thabak paaykhatpa hourammi.
25 Israelgi mishinggi maraktagi Mosesna matik chaaba mishing khandoklammi. Mishinggi mathakta makhoybu luchingba oinaa haplammi. Mi lishinggi makok, chaammagi makok, yaangkheigi makok, amadi taraagi makok haayduna mathang manaao naaina khandoklammi.
26 Matam leibada makhoyna mishinggi mathakta waayenbirammi. Aruba waathokshingduna makhoyna Mosesgi maphamda purakrammi. Apikpa waathok oirabadi, makhoy masen waayennarammi.
27 Masigi matungda Mosesna Makubokpu Mareibaakta halhankhi. Asumna Jethro mkhunda hankhi.