2 Samuel 2
Davidpu Judah-gi ningthou oinaa happa
2 Masigi matungda Davidna Eesor-da laaibao hangjarammi, "Judahda leiriba saharsinggi manungda amada chatlaga paanba yagadra?'
Eesor-na haayrammi, "hoi, nahaakna ninglibadu thungjou."
Davidna hanglammi, karamba saharda chatkadage?"
Eesor-na haayrammi, "heybronda chatlo. 2 asumna Davidna haayriba saharsida chatkhi. Maphamduda mahaakna chatpa matamda Jezreelgi Ahinoam amadi Carmelgi Nabalgi nupi oirambi Abigailsu yaaonalakkhi. Davidna mahaakka loinakhiba misingdusu makhoygi emung manung loina purak-handuna maphamduda laak-hankhi. makhoyna asumna Hebronda leikhi. 4 Davidna maphamduda leiba matamda Judah-gi misingna laaklaga makhoygi ningthou oibinabagidamak thaao noikhi.
Gileadta leiba Jabeski misingna Saul bu pumkhi haaybasi Davidna khnglaklabada, 5 mi khara tharaduna asumna paao pihankhi: Eesor-na nakhoybu kubiba oisanu. nakhoyna ningthou Saul bu ekaai-khumnaba uttuna phumbikhi 6 maramsina Eesor-na chetna channa nungsiba amadi thaajabadu utpiba oisanu. nakhoyna asigumba aphaba thabaksi toukhibagidamak einasu nakhoybu sak khangbigani. 7 maramsina nakhoy nathouna leiyu. nakhoygi ningthou oiramba Saul sire adubu Judahda leiriba misingna eibu makhoygi ningthou oinaa thaao noire."
Isboseth Israelgi ningthou happa
8 Saulgi laanmisinggi luchinglen Nergi machaa-nupaa Abnerna Saulgi machaa-nupaa Isbosethpu Israelgi ningthou oinaa hapkhi, 9 Mahaakna Gilead, Asuri, Jezreel, Ephraim, amadi Benjaminnachingba leibaaksingsigi mathakta paallammi. 10 Israelgi ningthou oiba matamda Saulgi machaa-nupaa Isboseth masaagi chahi niphu surammi. Chahi ani ningthou oinaa pankhi.
Judah-gi misingdu Davidki matung enkhi. 11 Davidna Judah-gi ningthou oinaa Hebronda leiduna chahi taret makhaay pankhi.
Israel amadi Judah-gi marakta lan thokpa
12 Nergi machaa-nupaa Abner amadi Isbosethki laanmi singna Mahanaimdagi laaklaga Gibeon taanna chatkhi. 13 Zeruiahna pokpaa Joab amadi Davidki laanmi singna pukhri amaa leiribadu tana chatlaga makhoyga oknakhi. Maphamduda mamaay mamai onsinnaraduna pukhridugi waangma waangmada phamduna leirammi. 14 Abnerna Joabta haayrammi, "naha khara khandoklaga khutlai painahallaga lanba tounahansi." Joabna haayrammi, "phare, thengnahansi."
15 Isbosethki oinaa Benjamin saagei-dagi nupaa taraanithoi khandoklaga Davidki nupaa taraanithoiga lanba tounahankhi. 16 mapaa mapaa onsinnaduna masam painaraga thangna thinjinnarammi. Masida matam amattada haayriba nupaa taraanithoisi siminnakhi. maramsina Gibeonda leiriba maphamsibu "thanggi loubuk" kounakhi.
17 Numitsida akanba laanpham amaa soknakhi. Abner amadi Israelgi misingdu Davidki laanmina maaythiba pikhi. 18 Zeruiahna pokpaa machaa-nupaa ahum Joab, Abisai, amadi Asahel numitsigi laanphamsida yaorammi. Asaheldi lamlakta leiba sangaigumna yaangna chenba ngamba nupaa amaa oirammi. 19 Asahelna Abnerbu tannarammi. Mahaakna mamit manaa choidana Abnerbu tannakhi. 20 Abnerna tunghanna yenglaga haayrammi, "tannaraklibasi Asahel nahaak oire?" Asahelna haayrammi, "mani, eini."
21 Abnerna haayrammi, "eibu tannarakkanu. Chelliba laanmi amagi tung ennaduna mahaakki masaada yaaoriba potsingdu loukho." adubu Asahelna leppa leitaana tansinkhi. 22 Amukka haanna Abnerna Asahelda haayrammi, "eibu tannaganu. Karigidamak nangbu haatna-naba haayduna eigi etung ellibano? Nahaakpu haatlaga karamna nayaamba Joabka maayoknaba ngamgani? 23 maasi haayraba phaaobada Asahelna tannaba tokkhide. maramsina Abnerna pairiba tadu tunghanna thinkhiba matamda mabukta pankhi adugaa manamganda phaodokhi. mahaak maphamduda tukhi amasung Asahelna turiba maphamduda laakpa misingna waa amatta ngangdana leptuna leikhi.
24 Joab amadi Abisaina Abnerbu tannarammi. Numit taarakpa matamda Gibeongi lamhaangda leiriba Giahgi nongpokta leiriba Ammah kouba chingdu phaaoba tannarammi. 25 Abnergi liching makhaada Benjamin-gi misingdu kaanglup amaa oinaa leirammi. 26 Abnerna Joabta kouraduna haayrak-e, " Benjamin saageigi misingna Abnergi tung enduna ching amagi matonda laanthengnanaba amuk punsinkhi." 26 Abnerna Joabta kouraduna haayrammi, "numit thaana leiribamakhei eikhoy laanthengnabagumna leiragadra? Aroiba matamda tung koyna nungaainadaba nattana karisu leiroi haaybasi nahaak khangdraa? eikhoy nakhoygi nachin nanaao nattra? nakhoyna nachin nanaao oiriba eikhoybu tannaduna haatpasi keidoungei tokkadage?"
27 Joabna haayrammi, "sinaidaba Eesor-bu yengduna eina waasaklibasini, karigumba mahaakna waaphamsimak haayjaramdrabadi eigaa loynariba laanmisingsina hayeng ayuk phaaobadi tannaramgadabani." 28 Masigi matungda Joabna mahaakka loynariba misingbu khamba oinaa pere khongkhi amasung laanthengnarambadu tokkhi.
29 ahingchuppa Abner amadi mahaakka loynariba laanmisingduna makhongna Jordan tampaak laanthokkhi. makhoyna Jordan turenda lalthoklaga ayuk amagi matam chatlaba matungda Mahanaimda thungkhi.
30 Joab tannabadu toklaba matamda mi masing thiduna yengbada Asahel tharaga mi taramaapal waatlammi. 31 Benjamin-gi saagei-dagi Abnergi tung enkhiba laanmi 360 Davidki laanmi singna haatkhi. 32 Joab amadi mahaakka loynanaa laakliba misingduna Asahelgi asibaa masaadu pukhiduna emung manunggi oinaa semduna Bethlehemda thamliba mongphamduda phumkhi. makhoyna masigi matungda ahingchuppa khongna laaktuna nonganba matamda Hebronda thungkhi.