2 Peter 3
Christa laakpagi numit thouraang toubagi kaannaba
1 Achaanbasa, houjikki asi eina nakhoyda eba anishuba laairikni; aduga laairik ani asida eina naldioibu ningshinghanduna nakhoygi ashengba pukningbu thougatpani,
2 Haaybadi, Eeshorgi waa taakthokpa ashengbashingna mamaangeida haaykhiba waashing adu amasung nakhoygi paakhon-chatpashinggi mapaanna kanbiba mapu, Eeshorgi yaathang adu nakhoyna ningshing-nanabani.
3 Asi haanna khang-u, haaybadi, akonba matamda noknabashingna makhoymakki paambagi matung endana, noknabaga loynanaa laaktuna haaygani,
4 Ebungngona laakpagi waaleppa adu kadaayda leibano? maramdi epa epushingna tumkhiba numittagi pot pumnamak leishemngeidagi leirambagumna adum marei.
5 Maramdi asi makhoyna kaoningna kaobani, haaybadi, thaainangeidagi Eeshorgi waana swarga aduga eeshingdagi amasung eeshinggi mayaaida oihanba prithibi leirammi;
6 Asigi mapaanna leiramba taaibang-paal adu eeshingna thumhattuna maanghalle.
7 Adubu waayen-gi amasung Eeshor ningdaba mishingbu maanghanbagi numit phaaoba waa adumakna houjik leiriba swarga amasung prithibibu khaktuna meigidamak liduna thamle.
8 Touegumsung, achaanbasa, waa amaa asi nakhoyna kaoganu, haaybadi, Eeshorgi maphamda numit amanaa chahi lishing amagumbani, aduga chahi lishing amanaa numit amagumbani.
9 Eeshorgi waaleppagi marida, mi kharana atappa oinaa shingthaanabagumna ebungngodi atappa leite, adubu nakhoygi damak kuina khangbibani; ebungngo mahaakna kanaabusu manghanningde, adubu pumnamakna pukning honglakpa paambani.
10 Touegumsung Eeshorgi numit huraanbagumna laakkani; numit aduda atiyaana yaamna nin khongbaga loynanaa mangkhigani, aduga maru oiba pot akanba meishaana tumkhigani, amasung prithibi aduga madugi manungda leiriba thabak makhei chakthokkhigani.
11 Pot pumnamak asi asumna tumkhigadaba maramna, Eeshorgi numit laakpa adu ngaaiduna amasung thawaay yaaonapamduna, nakhoyna shengna panbada amasung Eeshor ningbada karamba miong oigadabano!
12 Numit adugi maramna atiya meina chaktuna tumkhigani, aduga maru oiba pot akanba meishaana shoudokkani.
13 Touegumsung ebungngo mahaakki waaleppa matung enna, eikhoyna dharma chenbana paanba anouba atiya amasung anouba prithibi ngaijei.
14 Maram adugi damak, achaanbasa, nakhoyna asigi damak ngaaijabagi maramna, ebungngogi mityengda amakpa amasung ashoyba yaaodana, engthana nakhoybu phangnanaba maram ok u.
15 Amasung eikhoygi Eeshorgi kuina khangbiba adu aran khubaamni shingthanou. Eikhoygi achaanba echin-enaao Paulnasu, maangonda pinabiba loushing adugi matung ennaa nakhoyda ekhiba-gumbani. Mahaakki laairik pumnamaktasu waaramshing asigi maramda mahaakna ngaangbagumbani.
16 Madugi manungda waaram kharadi khangba lui; madu heitashingdabashingna amasung areppa leitbashingna atei shaastrasu onnateinahanbagumna makhoymakki amaangba, phaaoba onna teinahalli.
17 Maram aduna, achaanbasa, waaramshing asi haanna khangduna, phattabashinggi araanbana puthokkhiduna, nakhoyna nakhoymakki achetpadagi taadananaba shennajou.
18 Touegumsung thoujaanda amasung eikhoygi Eeshorsu kanbiba mapusu oiba Jesus Christabu khangbada chaaokhatlu. Ebungngoda houjiksu loyba naaidaba phaaobasu matik mangaan oisanu. Amen.