Hebrew 9
Ariba asengba mapham adudi anouba asengba maphamgi khudamni
9 Amasung ahaanba waalepnaba adumakki Eesor-gi thougangi hounabi amasung taaibang-paangi oiba asengba mapham leirammi. 2 maramdi phijang amaa laangkhre; maadugi ahaanba ka adugi manungda thaaoumei makhong, mej amasung aauttal leirammi; mapham adudu asengba mapham kou-e.
3 Amasung anisuba maaykhanphigi maningda asengba pumnamaktagi asengba kouba phijang leirammi; 4 maaduda sanaagi dhup thaanapung, amasung mathakta sanaana pumyom yomba waalepnabagi upu leirammi; upu manung aduda maanna haappa sanaagi chaphu, mayol chongba Hawngi chei, amasung waalepnabagi nunggi korbak leirammi; 5 Amasung maadugi mathakta matik mangaangi kharub anima nungsibibaphal adu lumsillammi; pot pumnamak asigi maramda eikhoyna houjik makup tana ngaangba ngamde. 6 Amasung pumnamak asi asumna laangle haayraga, purohit singna Eesor-da thougan tounaba ahan-ba phijang manungda tattana chang-e; 7 adubu anisubagi manungdadi purohitlen mathanta chahigi amukte chang-e; mahaak masaamakki damak amasung misinggi araanbagi damak katchaba ee adu yaaodana changde.
8 thawaay asengbana asi uhanbiri, haaybadi, ahan-ba phijang adu khanduna leiringeida, asengba pumnamaktagi asengba maphamda changnaba lambi adu houjik phongdokpidri. 9 Phijang asi houjikki matamgi damak paandam oiri; paandam asigi matung ennaa khudonsu eeratpotsu katlibani, madusingna latliba migi achum aran khangnaba pukning ch-ngkhonhanba ngamde; 10 maramdi madusing adu acha athakkita, tongaan-tongaanba luthokchabagita, haaybadi phana-naaba hongbagi matam oidriba phaaoba ngakpham thokpa hakchaanggi oiba hounabita oibanani.
Sengdokpagi matik leiba amasung chaangdamningai kitaba Christagi
11 touegumsung Christana henna chaaoba amasung henna ch-ngkhonaba phijang khutna saadaba, haaybadi leisemgi pot asi nattaba, adugi mapaanna oikhraba aphaba maram pumnamakki purohitlen oinaa laaktuna, 12 haameng amasung sangi eegi mapaanna nattana, ebungngomakki eegi mapaanna lomba naaidaba handokpiba phangladuna amukta asengba maphamda changle,
13 maramdi haameng amasung sanlabagi ena, adugaa sengdabasinggi mathakta sanhatamgi ut chaaiduna hakchaang sengnaba sengdoklabadi, 14 lomba naaidaba thawaaygi mapaanna Eesor-gi maphamda amakpa leitaana masaamak kat chaaraba Christa adugi ee aduna, hingliba Eesor-bu thougan toujananaba, asibaa thabaktagi eikhoygi achum-aran khangnaba pukningbu kayaamuk henna sengdokpigaba
15 Amasung maram asigi damak, ahaanba waalepnabagi makhaada leiramba ayol arandagi handokpibagi damak amanaa sibagi maramna koubirabasingna lomba naaidaba phangpham thokpagi waaleppa adu phangna-naba, ebungngodi anouba waalepnabagi tainabibani. 16 maramdi sinanaba leiba aduda, maadu semkhraba mi aduna siba thokpa taare. 17 maramdi siba thoklabada sinanaba chetli, maramdi asemba mi adu hinglingeida maadu keidoungeidasu paanggal thokte.
18 maram adugi damak ahaanba waalepnaba adu ee yaaodana lingkhatkhide. 19 maramdi waayel yaathang matung ennaa Moses-na yaathang khuding mi pumnamakta ngangkhiba matamda, mahaakna san amasung haamenggi ee adu, eesingga, angaangba saa matuga hisopka louraga laairik adudasu mising pumnamaktasu khikpiduna haay, 20 asi Eesor-na nakhoyromda yaathang piraba waalepnabagi ee aduni. 21 adugaa phijang adusu thougangi phu pumnamak adusu mahaakna matou adugumna ee aduna khikle. 22 Amasung waayel yaathang matung ennaa pot pumnamak ennaa sengdok-e haayba mayaai, adugaa ee taaba nattana kokpipham leite.
23 maram aduna swargada leiba potki paandam oibasingbu asisingna sengdokpa taarammi, adubu swargada leiba pot adumakti asisingdagi henna phaaba eeratpot chang-e. 24 maramdi achumbagi maong oiba, khutna saaba asengba maphamda Christana changde; adubu swargamakta eikhoygidamak Eesor-gi maangda uhanjaba ebungngona changbani.
25 adugaa purohitlenna asengba maphamda chahi khuding tnasamaldci nattaba ee yaaonachangbagumna, ebungngonadi masa mathantabu toyna katchaana-naba changba natte; 26 Aduoirabadi, ebungngona taaibang-paal houngeidagi toyna awa khanglamgadabani. touegumsung houjikti jugki aroibada ebungngona masaamakpu eratthokpagi mapaanna paap langthoknanaba amuktang phongbire.
27 Amasung taaibangmina amuk siba, adugaa asigi matungda waayelba thokkadaba areppani, 28 Adugumduna Christanasu ayaamba migi paap pubinaba amuktang masaamakpu katcharaga aran khubaamgi damak ebungngobu ngaijaribasingda paap yaaodana anisuba matamda uhanbigani.