1 John 2
2 eigi nungsiba angaangsa, nakhoyna paap toudananaba, eina waaramsing asi nakhoyda eribani. Amasung kanaagumbana paap tourabadi, epaagi maangda eikhoygi waa nombiba dharma chenba Jesus Christa lei; 2 adugaa ebungngo masaamak eikhoygi paapkidamak senggatpinaba oibi; eikhoygidamaktada natte, adubu taaibang-paal apumbagi damaksuni.
Saruk phangminnabagi pramandi haayba enbani
3 Amasung eikhoyna ebungngo-gi yaathang makhei ngaklabadi, asina eikhoyna ebungngobu khang-e haayba eikhoyna khang-e. 4 Eina ebungngobu haayba amasung ebungngo-gi yaathang makhei ngaktaba mahaak adu chinthibani, amasung maangonda achumba leite; 5 touegumsung ebungngo-gi waa ngaakpa kanaagumba mi aduda thaanggei sengna Eesor-bu nungsiba adu mapung phaaba oihalle, asina eikhoyna ebungngo-da leiri haayba eikhoyna khang-e 6 ebungngo-da eetat-tattana leiri haayba mahaak aduna ebungngona chatlambagumna mahaak-maknasu chatpa taare.
7 achaanbasa, anouba yaathang nakhoyda eina eba natte, adubu ahoubadagi nakhoyna phangkhraba ariba yaathang aduni ariba yaathang adudi nakhoyna taaraba waa aduni. 8 Amukka, eina nakhoyda anouba yaathang eri. maasi ebungngo-dasu nakhoydasu achumbani; maramdi amaamba adu laanthokli, adugaa houjik achumba mangaan adu ngalli.
9 mahaak mangaanda leiri haayba amasung machin manaaobu tukkachaba mahaak aduna houjik phaaobasu amaambada leiri. 10 Machin manaaobu nungsiba mahaak aduna mangaanda etat tattana leiribani adugaa maangonda khudi thiningaai maram amata leite. 11 touegumsung machin manaaobu tukkachaba mahaak aduna amaambada leiribani, adugaa mahaakna amaamba aduda chat-tuna, mahaak kadaayda chatlibano khangde, maramdi amaamba aduna mahaakki mamit tanghalle.
12 Nungsiba angaangsa, eina nakhoyda eri, maramdi nakhoygi paap makhei ebungngo-gi minggi maramna kokpirabani.
13 epaakhoi, eina nakhoyda ejari maramdi ahoubadagi leiriba ebungngobu nakhoyna khang-e. paakhangsa, eina nakhoyda eri, maramdi nakhoyna phattaba amaa adubu ngamle. angaangsa, eina nakhoyda ere, maramdi nakhoyna napaabu khang-e.
14 epaakhoi, eina nakhoyda ejare, maramdi ahoubadagi leiriba ebungngobu nakhoyna khang-e. paakhangsa, eina nakhoyda ere, maramdi nakhoydi kalli, amasung Eesor-gi waa nakhoyda eetat-tattana leiri, adugaa nakhoyna phattaba amaa adubu ngamle.
15 Taaibang paanbabu amasung taaibang-paangi manungda leiriba potsing adubu nungsiganu. Kangumba mina taaibang paanbabu nungsirabadi, mapaabu nungsibadu maangonda leite. 16 maramdi taaibang-paanda leiriba pumnamak, hakchaangna paamba, mitna paamba, amasung punsigi napal epaadagi natte, adubu taaibang-paandagini. 17 adugaa taaibang-paan amasung masigi apaambasu adu mangsinglakle; adubu Eesor-gi ningba touba mi aduna lomba naaidana eetat-tattana lei.
Anti Christagi maramda mitna singhanba
18 angaangsa, maasi aroiba pungjeni; adugaa antiChrista lak-e haayba nakhoyna taarabagumna houjiksu ayaamba antiChristasing thoklakle; asidagi aroiba pungjeni haayba eikhoyna khang-e 19 Makhoydi eikhoydagi chaathokkhre, adubu makhoydi eikhoygi oiramde; maramdi makhoyna eikhoygi oiramlabadi, eikhoyga tattana leiminnaramgadabani; touegumsung makhoy pumnamak eikhoygi oiramde haayba phongdoknanaba chat-thokkhre.
20 adugaa nakhoydi asengba amaa adudagi thaao heibiba phangle, amasung nakhoy pumnamakna maadu khang-e. 21 nakhoyna achumba adu khangdaba maramna eina eba natte, adubu nakhoyna maadu khngbagi maramna, amasung chinthiba kari amata achumbadagi oidabagi maramna ebani. 22 Jesus-bu Christani haayba yaadaba mahaak adu nattana chin thiba adu kanaano? Mapabasu machaa nupaa adubusu yaadaba antiChrist adu asini. 23 machaa nupaa adubu yaadaba mi khudingna Mapabusu phangde. machaa nupaa adubu yaaba mahaak aduna Mapabusu phang-e. 24 nakhoyna ahoubadagi takhraba adu nakhoyda eetat-tattana leisanu. Ahoubadagi nakhoyna takhraba adu nakhoyda eetat-tattana leirabadi, nakhoynasu machaa nupaa aduda amasung mapaada eetat-tattana leigani 25 Amasung ebungngona eikhoyda waaleppiraba waalep adu asini, haaybadi, lomba naaidaba hingba aduni.
26 nakhoybu seraannana chingthokningbasinggi maramda eina waasing asi nakhoyda ere. 27 adugaa nakhoyna ebungngo-dagi thaao heibiba adu nakhoyda eetat-tattana lei, amasung kanaagumbana nakhoybu tambiba nakhoygi kaannaba leite; adubu waaram pumnamakki marida ebungngo-gi thaao heibiba aduna nakhoybu tambiba achumba oiba, chinthiba leitba adugumna, amasung maaduna nakhoybu tambikhiba gumna, ebungngo-da nakhoyna eetat-tattana leiyu.
28 Amasung houjik, nungsiba angaangsa, ebungngobu phongdokpirabadi, eikhoyna thouna phaaduna , ebungngona langlakpada ebungngo-gi maangda ekaaidananaba nakhoyna ebungngo-da eetat-tattana leiyu. 29 ebungngo mahaak achumbani haayba nakhoyna khanglabadi, achumba touriba mi khudingbusu ebungngo mahaakna pokpire haayba nakhoyna khang-e.