Genesis 1
Taibang malem semba
1 Mapu Ibungona leisemba hourakpa matamda ihan hanna koirou amadi malembu semlammi. 2 Matamduda malemsi maong naidaba achouba iyaida amambana kuptuna leirammi. Changjou naidraba ipakta Mapu Ibungogi akanba nonglei nungsit amana kupsinduna leirammi.
3 Asigumba maongda leiringeida Mapu Ibungona hairammi, "mangal thoksanu." Takpikhiba yathangsigi matung inna mangal thokkhi. 4 Mapu Ibungona mangaldu ningthijare phajare haina ubikhi. Ibungona mangaldu amambadagi khaidokpikhi. 5 Ibungona mangaldubu ayuk nungthin aduga amambadubuna numidang koukhi. Asumna numidang amadi nungthin-gi khongchat thok-hankhi.Masi loikhiba numitsibu ahanba numit koubikhi.
6 Masigi matungda Mapu Ibungona hairammi "nongthak amadi changjou naidraba ipak tongan tongan tasanu."
7 Asumna Mapu Ibungona nongthak thok-hanbikhi. Nongthak amadi nongkha anida leiriba laija ishingbu tonganna khaikokpikhi. 8 Nongthakpu Mapu Ibungona koirou haina chinggoibikhi. Amam angan ani amukka hanna sinnakhi. Masina anisuba numit oikhi.
9 Masigi mathangda Mapu Ibungona haikhi, "koirou nongmadon-gi makhada leiriba laija ishing pumba mapham amada punsinba oisanu. Aduga kangphan thoksanu." Yathangsigi matung inna hairiba asimak oikhi. 10 Mapu Ibungona akangba lamdubu kangphan koukhi. Laija ishinggi ipaktubuna changjouren koukhi. Mapu Ibungona masibu ningthijare haibasi ubikhi.
11 Masigi matungda Mapu Ibungona yathang tourak-i, "malemsida mahei marong amadi mana mashing mapan naidana houba oisanu. Malemsida mahei maronggi pambi housanu. Magi magi jatki matung inna uhei wahei panba oisanu." Matou asumna pumnamaksi oikhi. 12 Malemsi pumshang shangkhi magi magi jatki matung inna mahei marong amadi uhei waheisinggi pambising houkhi. Pumnamaksi ningthijare amadi yaiphare haibasi Mapu Ibungona mityeng tabikhi. 13 Amam angan ani amuk sinnare, Masibu humnisuba numit koukhi.
14 Mapu Ibungona amukka hanna yathang toubikhi, ahing nungthin ani khaidoknaba ihang hangduna leiriba koirou nongmadonda mangal thoksanu. Hairiba mangalsingsina kumja kumon amadi khongchat taksanu. 15 Mangalsingsina ahangba koirou nongmadondagi mangal piduna malemsida mangal phangba oisanu." Hairibasisu toubikhriba yathangdugi matung inna thokkhi. 16 Mapu Ibungona yamna langba mangal ani sembikhi. Khara henna langba amadi achouba mangaldubuna nungthinda thoknaba yathang toubikhi. Khara hanthabadubuna numidangda thok-hanbikhi. Hairiba anisiga loinana Ibungona thawan michaksing thok-hankhi. 17-18 Ahing nungthin ani khaidoktuna amam angan naihanduna koirouthaktagi mangal malemda tananaba pumnamaksibu nongmadonda leihankhi. Pumnamaksibu Mapu Ibungona yaiphare amadi ningthire haibasi khangbikhi.
20 Mapu Ibungona yathang toubikhi, "laija ironnungda lengli palliba jibasing leisanu. Koirou nongmadondana masa panba uchek waya leisanu. " 21 Asumna Mapu Ibungona ironnungda leiriba achouba jibasing, lemlei ngasu mashing wattana aduga cheklachasingsu mashing wattana sembikhi. Pumnamaksi Mapu Ibungona yaipha thouni haibasi ubikhi 22 Maramsina Ibungona pumnamaksibu kubikhi. Ibungona hairak-i, "mahei yanjaro. Mashing lakngamdana hen-gatcharo. Laija ipak thanna leiba oijaro. Malemdasu cheklachasingna mapan naidana leiba oisanu. 23 Asumna amam angan sinnare. Manganisuba numit oikhi.
24 Mapu Ibungona takpikhi, "makhoigi jat matung inna amadi mashing suna malemsida lengli palliba jiba pumnamak leiba oisanu. Yathangsigi matung inna sha-shal, lin-gi kanglup, lamlakta leiba shasingnachingba thok-hankhi. 25 Mapu Ibungona lamsa, sha-shal, mapukna sittuna chatpasing magi magi jatki matung inna sembikhi. Pumnamaksi Mapu Ibungona ningthijare haibasi ubikhi.
26 Masigi matungda Mapu Ibungona khankhi, "mitamlasi, Eikhoigi mi amadi Eikhoi manna mi semduna ironnungda leiriba lemlei ngasing, koirouthakta pairiba cheklasing malemsida leiriba sha-shal, lamsa amadi mapukna sittuna chatliba jiba pumnamakki mathakta mapu oihallage." 27 Matou asumna Mapu Ibungona mioibabu Ibungomakki mitam louduna sembikhi. Mapu Ibungogi mirep mipan-ga mannahankhi. Nupa nupi ani khaibikhi. 28 Mapu Ibungona nupa nupi anibu kubiraduna asumna takpikhi, "mahei yanjaro aduga mapan naidana mashing hen-gatcharo. Malemsi sinbathungna sandokcharo aduga masigi mapudu oijaro. Ironnungda leiriba lemlei ngasing, nongmadonda leiriba cheklasing, amadi malemsida leiriba lengli palliba jiba pumnamakki mathakta ningtamna panjou. 29 Masiga loinana Mapu Ibungona asumnasu takpikhi, "malemsida houriba mahei marong panba malemsi sinbathungna houriba pambising, uhei wahei panba pambi pumba, nakhoi anida pithoklabani. Hairibasingsi nakhoigi nachinjak oigadoubani, 30 Aduga ashangba mana mashing amadi uhei waheisingsi lamsa amadi nongmadonda leiriba uchek wayasing aduga mapukna sittuna chatpa lengli palliba jibasingda machinjak oijanabasu pibirabani. Takpikhiba yathangdugi matung inna pumnamaksi oikhi. 31 Mapu Ibungona sembikhiba khutsemsingsi yengbada yamna ningthijare yaiphare ubikhi. Asumna amam angan ani sinnare, taruknisuba numit oikhi.