Hebrew 8

Christagi purohit phamdi Jewish-shinggi purohit phamdagi henna chaaobani

1 Amasung haayriba waa asina athoiba maram asini; swargada matik mangaan chaaobagi phambaalgi yetta phamba,

2 Ashengba maphamgi amasung, mina nattana, Eeshorna khan-gatpa achumba phijang adugi thougan touba, asigumba purohitlen eikhoyna phangjare. 

3 Maramdi purohitlen khudingbu khudonsu eeratpotsu katnanaba pham happani; maram asina purohitlen asigisu karigumba katnaba leiba taare.

4 Ebungngona aoibamk prithibida leiramlabadi, waayel yaathanggi matung ennaa khudon katpashing leibanina, Ebungngona purohit oiramloidabani.

5 Makhoy asidi swargada leiba potki paandam amasung mami oiba adu khanjabani; maasi Mosesna phijang adu shaaramdaida Eeshorna maangonda taakpikhibagumbani; maramdi ebungngo mahaakna haay, nangonda chingda utpikhiba mawong adugi matung ennaa pot pumnamak sananaba nahaakna yeng-u.

6 Adubu houjikti Ebungngona henna phaba ayaamba waaleppagi mathakta waayel oihallaba henna phaba waalepnabagi tainabibasu oiba adupki makhei, Ebungngona thoina henna phaba thougan phangjare. 

7 Maramdi ahaanba waalepnaba aduna lallamdrabadi, anishubagi damak mapham thiramloidabani.

8 Maramdi makhoygi araanba puthoktuna, ebungngo mahaakna haay, Eeshorna haay, yeng-u matam laakli, matam aduda Israelgi emungga amasung Judasgi emungga loynanaa anouba waalepnaba eina shemgani.

9 Eina makhoybu Egypt leibaaktagi makhut paayduna chingthoklakpa nutnit aduda eina makhoygi mapaa mapushingga loynanaa shemkhiba waalepnaba adugi mattung ennaa oiroi; maramdi makhoyna eigi waalepnabada tattana leiramde, aduna eina makhoybu ningbidre, Eeshorna haay,

10 Maramdi matam adugi matungda, eina Israelgi emungga loynanaa shemgadaba waalepnaba adu asini, Eeshorna haay, eina eigi waayel makhei makhoygi pukningda thambigani, aduga makhoygi thamoidasu eina madu esinbigani; amasung eina makhoygi Eeshor oigani, aduga makhoyna eigi mi oigani.

11 Amasung, Eeshorbu khangu, haayduna makhoy mi khudingna maagi maagi machin manaaobu suptam tambiroi, maramdi makhoy pumnamakna apikpadagi achouba phaaobana eibu ekhang khanggani.

12 Marmdi eina makhoygi ayol aranda thoujaanbigani, amasung makhoygi paap eina amuk haanna ningshingbiroi.

13 Ebungngo mahaakna, anouba Waalepnaba, haaybada ahaanba adu ariba oihalle. Adubu lirakpa amasung henna manthaarakpa aduna mangkhigadaba nak-e.