Job 5
5 Job waahangsigi paaoukhum piba ngamba kana leibage yengsi kouro, maphamsida maasibu khumba ngamba dut kana leibage yengjou?
2 Tukkachabaga loynanaa nasaabu siba yaaba phaaoba waahanjaribadu, waakhal leiba kanaagumba mina tougadouba natte.
3 Aapangba kanaagumba mara chetna paanba eina ure, Mahaakna chetna panbani haayribadugi mathakta eina saap touri.
4 Makhoygi machaasingdu keidoungeidasu soinaidaba yaode, makhoygini haayduna kanaanasu loysangda leppide.
5 Aapangba mina thaaba mahei marongdi charamnaraba mina chaathok-e, chaathokkani makhoyna tingkhang marakta houriba mahei marong phaaoba,khourangliba misingduna mahaakki maraan-mathumdu mihougani.
6 Phattaba haaybasi tharaga houdabani, maalemsidagi hourakpa natte awaaba haaybasisu,
7 Achumbadi asini mioibana masaana lang thaktuna khudong thoba thokhalli, maasidi meidagi meirik thorakpagumna soidrabani.
8 Karigumba eina nahaak oiramba taarabadi epuroida onsinduna eigi waathoksi pukhatlamgani.
9 ebungngona touba achouba thabaksingdu eikhoyna khngba ngamde, ebungngo mahaakna paangthokpa angakpa thabaksingdugi aroiba leite.
10 Malemsida ebungngo mahaakna ning taahanbiri, loubukta pinabiri laaija eesing.
11 Achumbani nollukpa haaybasi epuroina thok-hanbibani, Thengthaaduna leiriba misingda nokhanbasu ebungngona ni.
12-13 Louthiba migi thouraangdu ebungngo mahaakna yeithubi, asingba misu makhoygi thousinda lang oihalli. Matou asumna mina touba thabak khuding arembada taahalli.
14 Numit yungba matamdu phattaba amaambaga pankhakni.
15 Iburoina laairaba-singbu sihandabani, leengakpasingsubusu ot-neiribasinggi makhuttagi kanbibani.
16 Laairaba-singbu anouba asa pinabibani, adugaa phattaba-singbu lakthubibani.
17 Epuroina chumthokpiraba midu nungaaibani, ebungngo mahaakna chumthokpiba matamda tukkachana lougani.
18 ebungngona sokhankhiba maphamdudi ebungngona phahan-bibani, ebungngo-gi khutna sokhanba yaai adubu makhutmakna phahan-bibani.
19 Amang ata thokkadoubadagi mising khangdana ebungngona kanbigani,
20 Chaktangba matamda ebungngona nahaakpu chinjaak pibigani, laangi matamda ebungngona nahaakpu ngaakpigani.
21 Mihatpasinggi makhuttagi epuroina kanbigani, Manggadouraba matamda ebungngo mahaakna taakpigani.
22 Nahaakna tamkhiba amadi Mapuk lambasingbu uraga nokninggani, adubu lamlakki saasing uragadi karisu nachungloi.
23 Nahaakki loubukta nung leiroi, lamlakki saasingna amaang ata thokhalloi.
24 Nayumda nahaak engna paanba ngamgani, nahaakki nayumda leiriba yaaosingdusu asoy angaam leiroi.
25 Sanjabungda houriba sajikki matougumna nahaakki nachaa masing yaamgani.
26 Mapung pharaduna lokpa yaraba gehu chaaronggumna, nahaak napunsi nungsangna paan-gani.
27 Job, maasi mamaangeidagi houna leiraklaba waayelni, maasi nahaakna louroidoubagi maram erei leite