Psalm 49
Lan-thumda thaajabada kannadaba
1 Taaibangsa, waaphamsi taro, maalemsida leiriba mishing taro waaphamsi,
2 Achou apik animak, lairaenaak khunba pumnamak taro
3 Waakhandu eigi ngamkhei thengna khallabani, Loushinggi meiri oiriba waaduta eina ngaanggani,
4 Paaoroushingdu hundokloi eina, sargit khongba matamda madugi artha khangba ngamgani.
5 Khudong thiba thokpa matamda akibaa pokte, yeknabashingna koisillabasu eihaak kirude.
6 Phattaba mishing lan-thumda thajaribashing, mapaan naaidraba langei yengduna chaaothokcharibashingdusu kirude.
7 Mashaana mashaabu kanjaba ngamba mi leite, mapunsi phangjaribadugi mamaldu Eeshorda shingba ngamde.
8 Taaibang punsi amagi mamal mapaan naaidabani. Mahaakna shingba ngamgani khalliba khajiktani
9 Shidanaba mamal karina matik chaagani? shinaaidaba punshi phangnanaba karina mamal oigani?
10 Ashingba mishing shiba leite mipum tingna khang-e, shiba haaybasidi apangashing chap maannei. Makhoygi leijariba lanshingdu machaashingna phanghouba ngaktani.
11 Makhoygi mongphamduna makhoygi lengdraba yumbini. Matam leibada makhoy maduda lei, matam amada makhoygini haayna lam leijaramlabasu masina aroibani.
12 Nupa amagi matik mayaaiduna shibabu ngaakthokpa ngamde, shiba matamdadi sagumbani makhoysu.
13 Mashada thajariba mishingdu kari thokkhi, makhoygi laanda pukning lupkhibashingdu kari oikhi,
14 Yaaogi matougumna makhoy shikhi, ashibaa koubaduna makhoygi yaaoshenba oikhi. Achumbadi pumnamaksi Joy touba ngammi. Mayumdagi thaapna leiraba ashibagi marakta pumthakhibaga loynanaa makhoygi shadongna.
15 Adubu Eeshorna eibu kanbigani. ashibaa koubadugi mapaanggaldu Ebungngona namthabigani.
16 Kanaagumba nupaa amanaa enaak khullaaktuna, mapaan naaidana maran leirabasu waruganu,
17 Pumnamaksi mahaakna shiba matamda puroi, mongphamda yataba matamda marandu puroi.
18 Nupa amagi punsidu shingthaaningai oirabasu, mahei yaanba punshini haayna mina thaagatnarabasu,
19 Shirabada mapaa mapugi khudung liba shoidrabani, maphamdudadi amaambana matam leibada kupshinduna leiribani.
20 Nupa amagi matik mayaaina ashibaa thingba ngamde, sagumna mahaaksu shiba taay.