Nehemiah 13
Mitopshingdagi tongaanba
1 Mosesna eramba puyadu laaonaparaduna miyaamda taahanba matamda Amon amadi Moabshingbu Eeshorgi erat thounida yaaohanba yaade haayna thengnakhi. Makhoy Eeshorgi mishingga amatta oide haaybadu khangkhi.
2 Masigi thoidokpa maramdi Israelgi mishingna Egypt thaadoktuna laakpa matamda Amon amadi Moabshingna eeshing pikhide. Makhoyna Balamda peisa piduna Israelgi mishingbu mangtaknaba toukhi. Adubu eikhoygi epuroina shaaptu bor oihanbikhi.
3 Israelgi mishingna haayriba puyasi paraduna maram pumbaa khanglaba matamda makhoygi lamduda leiriba mitopshingdu tongaanna taahankhi.
Nehemiahna ahongba purakpa
4 Ningnashanggi pukei pannariba purohit Eliasib Tobiahga yaamna lunaa tinnarammi.
5 Ningnashanggi manungda leiriba mahei marong, manam nungshiba potshing, ningnashangda shijinnariba potshing, purhitshinggidamak akatpot, pipham thokpa mahei marong, yu amadi chorphaongi thaonachingba Levishing, ningnashanggi eshei shakpashing, amadi atei thabak touduna leiriba mishinggi thamnaba ka oinaa leiriba maphamduda mahaakna Tobiahbu leihankhi. 6 Matamsida eihaak Jerusalemda leiramde maramdi Babylongi ningthou Artaxerxesna paanba kunthraanithoi shubaa chahida ningthougi manaakta chatlammi. Matam khara leiraga yaathang phangladuna
7 Eihaak Jerusalemda hallakkhi. Eliasibna Tobiahda ningnashanggi ka amaa pithoklambaduda eihaak ngakkhi.
8 Eihaak shaaomankhiduna Tobiahgi potshingdu mapaanda langthokkhi.
9 Kadu shengdoknaba eihaak yaathang amaa tourammi aduga maphamduda ningnashanggi potshing, mahei marong, amadi manam nungshiba potshingdu thamlamnaba yaathang toukhi.
10 Ningnashanggi eshei shakpashing amadi Levishingdu makhoy masha mashaagi loubukshingda hankhre haaybasu taarammi. Masigi thoidokpa maramdi miyaamna makhjoigi chaanaba matik chaana pibiramde.
11 Ningnashangbu thousadana touramba adugi damak luchingbashingdubu eina cheirammi. Eina Levishing amadi eshei shakpashingdu amuk haanna puraktuna thabak houhankhi.
12 Masigi matungda Israelgi mishingna makhoyna pipham thokpa mahei marong, yu amadi Chorphongi thaodu ningnashanggi pukkeida purakkhi.
13 Pukei pannabgidamak makhaada paalliba mishingsi eina sindokkhi: Purohit oiriba Selemiah, puya heiba Zadok Levishinggi maraktagi Pedaiah. Mattaniahgi machaanupa Zakkurgi machaanupa Hananna makhoygi tengbangba oinaa khankhi. Haayriba mishingsina makhoy masen pot yenthokpa matamda mapuk shengba mishingni haaybadu eina khanglammi.
14 He epuroi, nanaaina ebungngogi ningnashang amadi masigi manungda erat thounigidamak toujariba pumnamaksi ningshingbiyu.
15 Matamsida Judahda leiriba mishingduna potthaaba numitta angur mahi sumbadu urammi atoppa kanaagumba makhoygi lolada mahei marong, yu, angur, theibo-ng, amadi atei potshing haaptuna Jerusalemda chatlibadu urammi. Potthaaba numitta eina pot yonba yaade haayna thingkhi.
16 Tyredagi mi kharasu Jerusalemda leirammi aduga makhoyna potthaaba numitta eikhoygi mishingda nga amadi atei potshing yonnanabagidamak purakkhi.
17 Eina Jewdagi luchingbashingdubu cheiraduna haaykhi: "nakhoyna touriba phatraba thabaksi yeng-u. Potthaaba numitsi nakhoyna amaangba numit amaa oihalle.
18 Maramsidagini nakhoygi napaa napuna saaharsida leiringei matamda epuroina makhoybu awaapham taahanbikhibadu. Adubu phothaba numitsi mangthoktuna Israelgi mathakta epuroigi ashaaobadu henna pok-hannaba thouraangli."
19 Maramsina numidaang hek oirakpa ganumit khuding saahargi thonggalgi pouron lonnaba yaathang amaa toukhi. Maasi potthaaba numit loidriba phaaoba londuna thamkhi. Potthaaba numitta mapaandagi karigumba amatta pusillaktanaba mi kharasu maphamduda thamkhi.
20 saahargi mapaanda amurak anirakti pot che yonba laakpa lalonbashingdu yaarekkhi. Maasi erai numitki numidaangdani.
21 Eina haayrammi: "ayuk phaaoba maphamduda makhoyna ngaaiduna leiribadu thoina kannaroi karigumba nakhoyna amuk haanna asumna tourabadi nakhoygi nathakta eina cheirak pigani." Haayribasidagi nakhoyna potthaaba numitta amuk haanna laakkhide.
22 Levishingbu masha shengdoknaba yaathang toukhi. Makhoyna thonggalda potthaaba numit shengna ngaaknaba shennakhi. He epuroi, nanaaina paangthokchariba thabaksi ningshingbiyu aduga nanaaibu punsi nungshaanghanbiyu.
23 Matamsida Jewishshingna Asdod, Amon amadi Moabtagi nupishing loure haayba taakhi.
24 Makhoyna pokpaa machaashinggi tangkhay amadi Asdodki maron lollammi nattraga atei lon lonkhi. Makhoy eikhoygi lon lonba ngamkhide.
25 Eina mishingdu cheirammi aduga tumna mangba oiro haayduna shaap tourammi amasung makhoygi masham paayduna chinglammi. Masigi matungda eina epuroigi ming palhanduna matungda amuk haanna atoppa Jaatshingga makhoy amadi makhoyna pokpaa machaashingna luhongba touraroi haayna waashakhankhi.
26 Eina haayrammi, "ningthou Solomonbu araanba touhankhibadu lamlaanba nupina ni. Atei Jaatshinggi ningthoudagi matik mayaai henna leiba ningthou amaa mahaak oirammi. Epuroina mahaakpu nungshiba maramna Israel pumnamakki ningthou oihanbikhi adubu mahaak araanba toukhi.
27 Eikhoysu nakhoygumna lamlaanba nupishing louduna eikhoygi epuroigi yaathangdu elloisira?
28 Purohitlen oiriba Eliasibki machaanupa Joiadana pokpaa machaanupa amakhakna Beth-Horongi Sanballatki machaanupi loukhi maramsina Joiadabu Jerusalem thaadokhankhi
29 He epuroi, haayriba mishingsina purohit amadi Levishinga loynanaa shaknakhiba waashaktu thugaayribasi yengbiyu.
30 Lamlaanbani haayna leiriba potshingdu thaadokhanduna mishingdubu eina shengdokpikhi. Purohit amadi Levishinggi mathoudu eina mayek shengna taakpikhi maramdi makhoyna mathou mashak khangna touba taarammi.
31 Thou touba matamda shijinnagadoubashing matam chaana puraknaba thouraang toukhi. Ahaanba munba mahei marongdu matam chaana puraknaba yaathangsu pikhi.
He epuroi, nanaaina toujakhiba pumnamaksi ningshingbiduna mahei pinabiyu.