2 Corinthians 12
Paulda Prabhuna whanbiba amasung masagi asonbada nollukchaba
12 Kannaba leitrabasu, eina chaothokchaba tare; Touigumsung Prabhugi uhanbiba amasung phongdokpiba ayamba eina haijage. 2 Chahi taramari sure eina Christada leiba mi amabu khangi (Hakchang yaobra yaodabra ei khangde, Ishorna khangi), asigumba mi asibu ahumsuba sarga phaoba pak pukhatpire. 3 Aduga asigumba mi adubu eina khangi (Hakchang yaobra yaodabra ei khangde, Ishorna khangi), 4 Haibadi, mahakpu Paradaista pak pukhatle, aduga mioibana haidokpa hounadaba, ngangba yadaba wa mahakna tare. 5 Asigumba migi maramda eina chaothokchagani, adubu ei isagi maramdi eigi sonjabada nattana, eina chaothokcharoi. 6 Maramdi eina chaothokchaba pamlagadi, ei apangba oiroi, maramdi eina achumba nganggani; adubu kanagumba mina eibu uba oirabasu, eingondagi taba oirabasu, hen-gatna eigi maramda ninggani haiduna, eina hanthajei. 7 Amasung phongdokpiba ayamba thoina chaobagi maramna eina nawangkhigani haiduna, eigi isada tingkhang ama pibire, masi eina nawangdannabagi, eibu khudumna sunanaba seitan-gi dut oire. 8 Asigi marida eingondagi masi theidokpinanaba eina Prabhuda ahumlak nijare: 9 Amastmg Ibungona eingonda haire, nanggi damak eigi thoujal aokpani, maramdi eigi panggnna asonbada chang khonhanbi. Maram aduna Christagi panggal ithakta leibinanabagi, henna eina eigi ason asonbada harao haraona chaothokchagani. 10 Maram adugi damak eina Christagi maramgi damak ason asonbada, mingchat athi athibada, anang anangbada, thina thina otpada, achin achinbada apenba oijei; maramdi eina sonba matam aduda ipanggal kalli.
Paulna mahakki chaothokchaba maram adu amuk hanna puthokpa
11 Ei apangba oirakle. Nakhoina eibu namduna oihalle; maramdi nakhoina eibu thagatkadabamakni, maramdi ei karisu nattaba oirabasu, eidi thoidok hendokpa pakhonchatpasing adugi tung sothaba khak oijade. 12 Aoibamak khudamsinggi, angak angakpagi amasung toungamdaba thabakki mapanna khangheiba pumnamakta nakhoigi narakta pakhonchatpagi khudam khibik toujare. 13 Maramdi eina isabu nakhoida arumba oihandaba nattana, singlup atei ateidagi nakhoina sothakhiba kari leibage? Aranba asi eibu kokpiyu.
14 Yengu, eina nakhoida laknaba thourang touba asina ahumlak subani, aduga ei nakhoida arumba oiroi, maramdi eina nakhoigi pot thide, adubu nakhoibu thibani; maramdi machasingna mapa mamagi damak peisinpham thokte adubu mapa mamana machasinggi damak peisinpham thok-i. 15 Amasung nakhoigi thawaigi damak eigi leijaba thoina haraona tinggani, aduga isasu pumting tingjagani. Eina nakhoibu thoina henna nungsirabadi, eibu nungsiba watpra? 16 Adubu madu adugumba oisanu, ei isana nakhoibu arumba puhande; Touigumsung eina lousingna marei mara touduna nakhoibu phare. 17 Eina nakhoida thakhiba makhoi kanagumbagi mapanna nakhoidagi eina tongjaba phanglabra? 18 Eina Titusbu thoujinkhi, aduga mahakka loinana manaobu thakhi. Titusna nakhoidagi karigumba tongjaba lourabra? Thawai amatada eikhoina chatminnaba nattra? Khongthang amatada thangminnaba nattra?
19 Eikhoina isabu nakhoida kaithokchabani haina nakhoina asup kuina ningi. Ishorgi mityengda Christagi oina eikhoina ngangbani. Touigumsung, achanbasa, nakhoibu semgatnabagi damak maram pumnamak oire. 20 Maramdi eina ki, haibadi karigumba eina lakpada, eina pambagum nakhoibu eina phangdaba yai, aduga nakhoina pamdabagum eibu nakhoina phangba yai; khatnaba, kallaknaba, meihouna saoba, marannai tanba, mithingaigi thabak, chibon chibon ngangba, napal touba, wathok lanthokpa, karigumba leiba yai; 21 Amukka eina lakpada, eigi Ishorna nakhoigi mangda eibu nollukhanba yai, amasung hanna pap toukhiduna makhoina toukhiba sengdaba, marumbi thamba amasung apaibadagi pukning hongdaba makhoi ayambagi damak eina tengthaba yai.