Job 16
Jobna khumlak-e:
1-2 Adugumba waadudi hanana eihaak takhre, nahaakki themjin waaheishingsidi khoiraanghanbani.
3 Matam kaktana nahaak ngaangdunata leigadouribra? Aroibada nahaakki haayningngai kari leiribage?
4 Eina nahaak oiramlaba aduga nahaakna eihaak oiramlabadi, nahaakna haayriba pumnamaksi eisu haayba ngammi. Eina ekok nonduna waa amagi mathangda amaa ngaangduna mahaakpusu taothahanba ngammi.
5 Paaoutaak piduna nahaakpu napaanggal happiba ngammi aduga nahaakpu themjillibani haayduna waa ngaangbasu ngammi.
6 Adubu eina ngangkhriba waashingsina thoina kaannade asini, aduga tumin leithokpana engthabadusu natte.
7 He epuroi, Ebungngona nanaaibu laaknabiri, Ebungngona nanaaigi emung manung pumbaa manghanbikhre.
8 Ebungngona nanaaibu phaare maramsina ebungngodi nanaaigi yeknabani. Eihaak saruda mihul teiba mi oire maramsina miyaamna maasi eigi eranni haayna louri.
9 Shaaoraduna epuroina eibu machet machet taahanbiri, Ebungngona eingonda tukkachaba mityengna yengbikhi.
10 Miyaamnasu eingonda hanthana yengbikhi, makhoyna koishinduna eigi ekhajaaida khutpakna thabikhi.
11 Eeshorna nanaaibu phattaba mishinggi makhutta taahanbire.
12 Ingthana panjarammi nanaaidi, madubu epuroina eibu khouri metpagumna maaythihanbire aduga manghanbire. Epuroina eibu nisan thapham oihalle.
13 Maikei khudingdagi epurina eingonda ten kapsillak-e, ten-shingduna eihaak shokle aduga cheinahon piri. Adu oiraba phaaobada eingonda minungsi utpidri.
14 Ebungngona eibu tattana laakthubi, angaaoba laanmigi matougumna tukkachagaga loynanaa eibu laakshinbi.
15 Tengtha nao-oiduna eina shegaairaba phi shetli, maaythiba amaa oinaa uphulthakta phamduna leiri.
16 Imaisi ngangdriba phaaoba eihaak kaptuna lenkhi, eigi emit pomkhatkhi aduga masen maraang urammi.
17 Adubu eingonda tamthiba pukcheldi leijade, aduga eina ebungngogi maphamda haayjaribasi pukchel shengnani.
18 He maalem, Eingonda araanba toukhibashingdu lotsinbiganu, Achumbagidamak eina laaojaribasi tuminna mi tadana leihanbiganu.
19 Koirouthakta eigidamak leppinaba kanaagumba amaa leiri.
20 Irupshingna eibu cheiri, adubu epuroigi maphamda eigi mittagi piraang shinthari.
21 Epuroigi maphamda eigi waathoksi pukhatpinaba kanaagumba amaa changba tari. Adugumba nupaaduna marup amagidamak haayjaba adugumna eigi waathoksi pukhatpigani
22 Eigi punsi asum houjinkhibana naksillakle aroiba matamgi lambidu.