1 Kings 16
16 Baasada haayrunaba Eesor-na Hananigi machaa-nupaa Jehudada laaibao amaa thaarakkhi, 2 “nahaak micham amaa oirammi adubu eigi mi Israelgi mathakta luchingba amaa oihankhi. Jeroboamgumna touramba pumnamak nahaakna touri. eigi mi oiriba Israelbu nahaakna chingduna araanba kayaa touhalle. maramsina eihaak yaamna saore. 3 Yeng-u, maramsina Baasa amadi mahaakki dhaaraadu tumna maanghan-gani. mahaakki emungdu Nebatki machaa-nupaa Jeroboamgi emunggumna maanghan-gani. 4 Baasagi dhaaraana karigumba saharsida siba thoklabadi huina chaagani. mahaakki dhaaraadagi kanaagumba loubuk lamhaangda siba thoklabadi, langjana chaagani.?
5 Israelgi ningthourongilaairikta Baasana touramba thabaksinggi maramda eduna leiri. 6 Baasana siraba matamda mahaakpu Tirzahda phumbikhi adugaa mahaakki mahutta Elahna ningthou oiduna pankhi.
7 Hananigi machaa-nupaa Jehugi maphamda Eesor-na Baasagi emunggi maramda laaibao thaarakkhibadu Eesor-gi mityengda phattaba thabak kayaa toukhibadugi maramnani. Mahaakna makhutmakna phattaba kayaa touduna Eesor-bu yaamna saohankhi. Mahaakna Jeroboamgi matougumna phattaba thabak toukhi. maramdudagi Jeroboamgi dhaaraabu tumna manghankhi.
Israelgi ningthou Elah
8 Judah-gi ningthou Asana paanba chahi kunmarisuba matamda Baasagi machaa-nupaa Elahna ningthou oiduna Israelda pankhi. Tirzahda konung oiduna chahi ani pankhi. 9 mahaakki dolai laanmigi makok oiriba Zimri kouba nupaaduna mahaakki mathakta laandakhi. Tirzahda leiba Arzagi mayumda yu ngaaoduna leiringeida 10 Zimrina mahaakpu haatkhi. Thoudoksi Judah-gi ningthou Asana paanba chahi kuntaretsubadani Zimrina Elahgi mahutta ninghou oikhi.
11 Mahaakna ningthou hek oibaga Baasagi dhaara pumnamak haatkhi. Mahaakna Baasagi dhaaraada nupaa amaa phaaoba khakkhide. mahaakki marup mapaang phaaoba thiduna haatkhi. 12 Maichou Jehugi machindagi phongdokkhiba waahei-singdugi matung ennaa Eesor-na Baasagi dhaara pumnamak Zimrida hathankhi. 13 Baasa amadi machaa-nupaa Elahna toukhiba phattaba thabaksing, makhoyna Israelbu laanna chingbiduna touhankhiba araanbasingduna Israelgi mapu ebungngo Eesor-bu yaamna saohankhi. makhoyna laai murti latpadudasu ebungngona yaamna saokhi. Elahna toukhiba thabaksingdugi maramda Israelgi ningthourongi eba laairikta eduna leiri.
Israelgi ningthou Zimri
15 Judah-gi ningthou Asana paanba kuntaret subaa chahida Zimrina Tirzahda numit taretni ningthou oikhi. Matamduda Philisti-singgi Gibbethonda laanmising peiduna leirammi. 16 Peiduna leiriba laanmisingduna Zimrina aaronba thousil kharana ningthoubu hatkhre taabada Israelgi tilliba laanmisingduna makhoygi makok oiriba Omribu Israelgi ningthou oire haayna laaothokkhi. 17 Omri amadi mahaakki loynariba laanmisingduna Gibbethon thaadoktuna chatkhraga Tirzah laksinkhi. 18 Zimrina Tirzah lousinkhre haaybasi khanglabada konunggi aaronba laanbanduda lotkhi adugaa konungdu mei thaakhi. Meina chaktuna mahaak sikhi. 19 Haayribasi Eesor-gi mityengda toukhiba phattaba thabaksingdugi mahei oinaa thok-khibani. Mahaakna Israelgi misingbu araanbasi touhankhi. 20 Zimrina toukhiba thabaksing amadi mahaakna lonna toukhiba thabaksingdugi maramda Israelgi ningthouron eba laairiktuda eduna leiri.
Israelgi ningthou Omri
21 Matamsida Israelgi misingsi kaanglup ani thokna khaaydokkhi. tangkhay amanaa Pinatki machaa-nupaa Tibninabu ningthou oihallaga panningammi, adugaa atoppa tangkhay amanaa Omrigi tung enninglammi. 22 Omrigi tung enabasingduna Pinatki machaa-nupaa Tibnigi tung enbasingdubu khudum chansinkhi. maramsidagi Tibnibu haatkhi. maramsina Israel punnamakki oinaa Omrina ningthou oikhi. 23 Judah-gi ningthou Asana paanba kunthraamathoi subaa chahida Omrina Israelgi ningthou oinaa phambaal tongkhi. Mahaakna chahi taraanithoi ningthou oiduna pankhi. Chahi taruk Tirzahda konung oikhi. 24 mahaakki matamda Samariagi chingdu Semer kouba nupaa amadagi mamal silver shekels 6,000 piduna leiraga chekpan khagattuna sahar amaa saagatkhi. sahardugi maming Semer dagi louduna Samaria haayna thonkhi. Chingdu Semergi haanna oirambani.
25 Mamaangda paankhiba ningthou-singdagi henna Omrina araanba kayaa toukhi. 26 mahaakki mamaangda paankhiba Jeroboamgi matougumna Israelgi mapu ebungngo Eesor-bu araanba kayaa touduna saohankhi. Mahaakna Israelgi misingbusu araanba lambida chingkhi. 27 Omrina toukhiba thabaksing amadi mahaakki mathounagi maramda Israelgi ningthouron eba lairaikta yaaori. 28 Omri nonggaraba matamda mapaa mapusinggi mongphamda mahaakpu Samariada phumbikhi. mahaakki machaa-nupaa Ahabna mahut sinduna ningthou oikhi.
Israelgi ningthou Ahab
29 Judah-gi ningthou Asana paanba kunthraanithoisuba chahida Omrigi machaa-nupaa Ahabna Israelgi ningthou oinaa phambaal tongkhi. Omrigi machaa-nupaa Ahabna Israelgi ningthou oinaa Samariada konung semduna chahi kunnithoi pankhi. 30 Omrigi machaa-nupaa Ahabna mahaakki mamaangda pallamba ningthou-singdagi henna phattaba thabak kayaa toukhi. maramsina mahaak Eesor-gi mityengda yaamna leikha taakhi. 31 Nebatki machaa-nupaa Jeroboamna chatlamba laambeldu mahaakna karisu leitbagum louduna Sidon-gi ningthou Ethbaalgi machaanupi Jezreelbu luhongduna loukhi. Mahaakna Baal kouba laaidu ningkhi. 32 Mahaakna Samariada Baal ningnaba laisang amaa saaraga phaankhong amaa katkhi 33 ahaanba Asherahgi murti amaa sarammi. Israelda pallamba ningthou-singna toukhiba phattaba thabaksingdudagi Ahabna touba phattaba thabaksina henna yaamlammi. masina Eesor-bu saohankhi. 34 mahaakki matamda Bethelgi Hielna Jericho saagatkhi. Mahaakna Jericho saagatpa matamda mahaakki machaa-nupaa ehan hanbadu yollaga mamalduna semgatkhi. saharsigi thonggal saagatpa matamda machaa-nupaa eton tonbadugi mamalna saakhibani. Nun-gi machaa-nupaa Josiahda Eesor-na taakpikhiba waasingdu amatta kaidana thunghanbikhi.