Luke 3
Buptized toubiba John amasung mahaakki thabak houba
( Matthew 3.1-12; Mark 1.1-8; John 1.19-28 )
1 Tiberius Caesarna paanba taraamanga shubaa chahigi manungda, Pontius Pilatna Judea leibaak ngaakpa mapu oiba, Herodna Galileegi ningthou oiba, mahaakki manaao Philipna Ituraea amasung Trachonitis lamgi ningthou oiba, Lysaniasna Abilenegi ningthou oiba,
2 Amasung Annasga Caiaphasgana purohitlen oiba matamda lamjaaoda Zachariahgi machaanupa Johnda Eeshorgi waa thunglei.
3 Maduda paaptagi handokpinaba pukning hongbagi buptized touba adu mahaakna shaandoktuna Jordan-gi akoyba lam pumnamakta laakle;
4 Eeshorgi waa taakthokpa Isaiahgi waaheishinggi laairikta ekhiba-gumbani, haaybadi, Lamjaaoda laaoriba amagi khonjendi, nakhoyna Eeshorgi laambel thouraang tou, ebungngogi lambi chumhallu.
5 Akutpa khuding thalhan-gani, chingjaao amasung ching machaa khuding nemthahan-gani, akhoi akhoiba lambi chumhallakkani, amasung akut atong lambi mannahallakkani;
6 Aduga mi pumnamakna Eeshorgi araan khubam ugani.
7 Maram aduna maangonda buptized lounanaba thoklakpa miyaam-shingda mahaakna haayrammi, he lin-gi dhaaraasa, laakkadouriba ashaaoba adudagi chellu haayna kanaana nakhoyda taakpibage?
8 Adunadi nakhoyna napukning hongbagi matik chaaba mahei yaalhallu; amasung, eikhoygi epudhou Abraham lei haayba napukningda haayba houganu, maramdi eina nakhoyda haayri, Eeshorna nung mayaam asidagi Abrahamda machaashing thok-hanba ngam-e.
9 Houjikmaksu upaambishinggi maruda shingjangsu thaaduna lei; maram asina aphaba mahei yaandaba upaambi khudingmakpu yaanthektuna meinungda laangsilli.
10 Maduda miyaam-shingna maangonda hanglak-e, madu oiragadi, eikhoyna kari touba taabage?
11 Amasung mahaakna makhoyda khumlak-e, phurit ani leiba mahaak aduna elei leitba mahaak aduda khaaisanu; aduga chaanaba leiba mahaak adunasu adugumna tousanu.
12 Amasung khaajana thoubaashingnasu laaktuna maangonda haayrei, oja, eikhoyna kari touba taabage?
13 Aduga mahaakna makhoyda haay, akakpa adudagi henna thou-ruganu
14 Amasung laanmi shingnasu maangonda hanglammi, eikhoyna kari touba taabage?
Maduda mahaakna makhoyda haay, namhaduna mi kanaadagisu louganu, kanaabusu araanba theijin-ganu, amasung nanggi nanggi asumal aduna penba oiyu.
15 Amasung mishingna yengduna leiringeida amasung mi pumnamakna Johnbu Christtadu oiramgadra haayduna mahaakki maramda makhoygi pukningda khannaringeida,
16 Johnna makhoy pumnamakta khumlak-e, eidi nakhoybu eeshingda buptized toubi; adubu eingondagi henna matik leiba adu laak-e. Ebungngogi khugraang mari eina louthokpa etik chaade; Ebungngonadi nakhoybu thawaay ashengbada amasung meida buptized toubigani.
17 Ebungngogi lou yeipham changkhonna shengdoklaga gehu adu ebungngogi keida peishinnanaba, ebungngogi humaai makhutta lei; touegumsung mahaam adu mutpa naaidraba meida thaajin-gani.
18 Asumna ayaamba atei thoujinba waanasu mahaakna mishingda aphaba waapaao shaandoklammi.
19 Touegumsung Herod ningthoubu manaaogi nupi Herodiagi maramna amasung phattaba toukhiba pumnamak adugi maramna mahaakna waarakpada,
20 Herodna pumnamak adugi mathakta asisu haapchille, haaybadi, Johnbu keishumshangda thamjille.
Jesusbu buptized touba
( Matthew 3.13-17; Mark 1.9-11 )
21 Asum thoklare, mi pumnamakpu buptized toubiba matamda, Jesusnasu buptized louraga haayja-ringeida swarga haangdokkhre,
22 Thawaay ashengbana khunugi mawonggumna ebungngogi mathakta kumtharakle, amasung, nang eigi nungshiraba echaa-nupaani, nangonda eina yaamna pelle, haayba khonjen swargadagi laakle.
Jesusgi paari puri
( Matthew 1.1-17 )
23 Amasung Jesusna mahakki thabak houba matamda mashagi chahi
30 shurammi. Ebungngodi (mina ningnabagum) Josephki machaanupani, Josephna Heligi machaanupani.
24 Helina Matthatki machaanupani, Matthatna Leibigi machaanupani, Lebina Melkhigi machaanupani, Melkhina Jannagi mahcha nupaani, Jannana Josephki machaanupani,
25 Josephna Mattathiasgi machaanupani, Mattathiasna Amoski machaanupani, Amosna Nahumgi machaanupani, Nahumna Esligi machaanupani, Eslina Naggagigi machaanupani,
26 Naggagina Maathki machaanupani, Maathna Mattathiasgi machaanupani, Mattathiasna Semeyingi machaanupani, Semeyinna Josekki machaanupani, Josekhna Jodagi machaanupani,
27 Jodana Jouanangi machaanupani, Jouananna Risagi machaanupani, Risana Sarubbabelgimachaanupani, Sarubbabelna Sealtielgi machaanupani, Sealtielna Nerigi machaanupani,
28 Nerina Melchigi machaanupani, Melchina Addagi machaanupani, Addina Cosamgi machaanupani, Cosamna Elmadamgi machaanupani, Elmadamna Ergi machaanupani,
29 Erna Joshuagi machaanupani, Joshuana Eliezergi machaanupani, Eliezerna Jorimgi machaanupani, Jourimna Matthatki machaanupani, Matthatna Levigi machaanupani,
30 Levina Simeongi machaanupani, Simeonna Judagi machaanupani, Judana Josephkhi machaanupani, Josephna Jonamgi machaanupani, Jonamna Eliakimgi machaanupani,
31 Eliakimna Maleyagi machaanupani, Maleyana Mennagi machaanupani, Mennana Mattathagi machaanupani, Mattathana Nathangi machaanupani, Nathanna Davidki machaanupani,
32 Davidna Jeshigi machaanupani, Jeshina Obedki machaanupani, Obedna Boazki machaanupani, Boazna Salmongi machaanupani, Salmonna Nasongi machaanupani,
33 Nasonna Amminadabki machaanupani, Amminadabna Aramgi machaanupani, Aramna Hezrongemachaanupani, Hezronna Perezki machaanupani, Perezna Judahgi machaanupani,
34 Judahna Jacobki machaanupani, Jacobna Issacki machaanupani, Issacna Abrahamgi machaanupani, Abrahamna Terahgi machaanupani, Terahna Nahorgi machaanupani,
35 Nahorna Serugki machaanupani, Serugna Reugi machaanupani, Reuna Pelegki machaanupani, Pelegna Ebergi machaanupani, Eberna Selahgi machaanupani,
36 Selahna Cainangi machaanupani, Cainanna Arphaxadki machaanupani, Arphaxadna Semgi machaanupani, Semna Noahgi machaanupani, Noahna Lamechki machaanupani,
37 Lamechna Methuselahgi machaanupani, Methuselahna Enochki machaanupani, Enochna Jaredki machaanupani, Jaredna Mahalalelgi machaanupani, Mahalalelna Kenangi machaanupani,
38 Kenanna Enoski machaanupani, Enosna Sethki machaanupani, Sethna Adam-gi machaanupani, Adamna Eeshorgi machaanupani.