Acts 16

Lystrada Timothyna Paulga tinnaba

1 Adudagi mahaakna Derbe amasung Lystradasu thunglare; aduga yeng-u, thajabi Jewish nupi amagi machaanupa, Timothy kouba, kanaagumba sebok amaa maduda leirammi; mahaakki mapadi Greek oirammi.

2 Lystra amasung Iconiumda leiba machin manaaoshingna mahaak asigi maramda ningthina saakhi pirammi.

3 Paulna mahaak asibu mahaakka loynanaa chatminnaninglammi; aduna lam aduda leiba Jewish-shinggi maramna mahaakna mahaakpu puduna, un kakpire, maramdi mahaakki mapaa Greekni haayba makhoy pumnamakna khanglammi. 

4 Amasung makhoyna saahar saaharda koyna chatlakpada, Jerusalemda leiba paakhon-chatpashing amasung ahallaman shingna yaanakhiba waa adu ngaaknanaba makhoyda makhoyna pithoklammi.

5 Asum touna shinglupshing aduna thaajabada kankhatlammi, amasung numit khuding mashing hen-gatlammi.

Troasda Paulbu uhanbiba

6 Amasung Asiada waapaao adu haaydokpa thawaay ashengbana khambagi maramna, makhoyna Phrygia amasung Galatiangi lam lallakle.

7 Aduga makhoyna Mysiaga maayoknana laaklabada, makhoyna Bithynia changnaba hotnarammi, aduga Jesusgi thawaayna yabidre.

8 Aduna Mysiagi chidai oinaa chattuna, makhoyna Troas taanna kumthare. 

9 Amasung ahingda uhanbiba amaa Paulda utle: Macedoniagi kanaagumbi nupaa amanaa leptuna maangonda nonjarak-e, Macedoniada lanbiraktuna eikhoybu paangbiyu.

10 Uhanbiba adu urabada, Eeshorna makhoyda aphaba waapaao shaandoknaba eikhoybu koubire haayba khanglaaktuna, khudak aduda eikhoyna Macedoniada chatnanaba thire.

Paulna Macedonia lallaaktuna Philippi taanna laakpa

11 Maram aduna eikhoyna Troasdagi hi tonglaaktuna, lam chumdringna Samothraace taanna amasung matung nongma aduda Neapolis tanna,

12 Amasung mapham adudagi eikhoy Philippi taanna laakle. Mapham asi Macedonia, jilagi athoiba saahar amasung Romanshingna loichallaba lam oirammi; amasung eikhoyna saahar asida numit kayaanirom phairammi.

13 Aduga potthaaba numitta eikhoyna panthonggi mapaanda torbanda haayjanaba mapham lei haayna ningduna, madu taanna chatthokle; aduga eikhoyna phamthaaduna, tillariba nupishingda tambiba houre.

14 Amasung Thyatira saahargi maming Lydia koubi, memaanba phi yonbi amasung Eeshorbu ningbi kanaagumbi nupi amanaa tambibadu taarammi; Paulna ngaang-thokpa waa adu pukning changna taananaba Eeshorna mahaakki thammoi haangdokpire.

15 Aduga mahaaksu mahaakki emungsu buptized lourabada, mahaakna nonjarak-e, ei Eeshorbu thajabini haayna nakhoyna khanbirabadi, eigi yumda laakpiduna leibiyu. Amasung mahaakna eikhoybu kanna mahaaijare.

16 Amasung asum thoklare, eikhoyna haayjaba maphamda chatlingeida, kithum pubi kanaagumbi minaai leishaabi amaa eikhoyga oknare. Manaa laaibao takpagi mapaanna maagi mapushinggi yaamna tongjaba oirammi.

17 Leishaabi asina Paul amasung eikhoygi tung eellaaktuna laaothoklak-e, eikhoyda aran khubaamgi lambi shaandokpiriba mishing asi ehen henba Eeshorgi manaaishingni. 

18 Aduga manaa matam kuina asi tourammi. Adubu Paulna yaamna nungaaitaduna onsillaga, thawaay aduda haay, maangondagi thoknanaba eina Jesus Christagi mingda nangonda yaathang piri. maduda pung adumaktada thawaay adu chatthokkhre.

Paulga Silasgabu keishumshangda phaaba amasung kanbiba

19 Touegumsung maagi mapushingna makhoygi tongjabagi khudong chaaba adu chatkhiba urabada, makhoyna Paulga Silasgabu phaaduna , keithen manungda mamaangda chinglakle;

20 Aduga makhoyna makhoybu waayel mapushinggi maphamda puraklabada haay, mishing asi Jewishni, makhoyna eikhoygi saahar elang langhalli;

21 Amasung Romegi oiba eikhoyna louba amasung ngaakpada waayel kaayba hounabi shaandok-e. 

22 Aduga miyaamna makhoyga yeknaduna hougatle; amasung waayel mapushingna makhoygi maphi chingthokpiduna, makhoybu cheina phunaba yaathang pirammi.

23 Aduga makhoyna makhoygi mathakta cheipham yaamna naaina phuraga, makhoybu keishumshangda phajinduna, chekshinna ngaaknanaba keishumshang sangbada yaathang pire. 24 Mahaakna asup kanba yaathang phanglabada, makhoybu keishumshanggi manung chanba shaarukta thamjindduna, makhoygi makhong ugi hang chanshinbire. 

25 Touegumsung ahing nongyaai aduwaaida Paulga Silasgana haayjaduna Eeshorbu thaagatchaba eshei shaklammi, aduga phaadokshingna madu taarammi;

26 Maduda khanghoudana kanna yuhararaktuna keishumshanggi yumpham ani nikle; aduga khudak aduda thong pumnamaksu haangdokle, mi khudinggi punba adusu thokle. 

27 Aduga keishumshang sangba aduna tumba khanghou hougattuna keishumshanggi thong pumbaa haangdokpa urabada, phaadokshing chenthokkhre ningduna, mahaakki kabaak-thaang shatlaga mathantabu hatchagadoure.

28 Touegumsung Paulna khonjen waangna laaorak-e, nashaa nathantabu mangjanaba khak touganu, maramdi eikhoy pumnamak asida leiri. 

29 Maduda keishumshang sangba aduna thaaoumei niraga chongsillakle, aduga kibana thak thak nikladuna Paulga Silasgagi maangda tuthare;

30 Amasung mahaakna makhoybu puthoktuna haay, ebungngoshing, araan khubam phangnanaba eina kari toujaba taabage? 

31 Maduda makhoyna haay, ebungngo Jesusbu thaajou, aduga nahaaksu nahaakki emungsu araan khubam phanggani. 

32 Aduga makhoyna maangondasu mahaakki yumda leimin-naba pumnamaktasu Eeshorgi waapaao taakpire.

33 Amasung ahing adugi pung adumaktada mahaakna makhoybu puduna makoigi cheipham adu chamthokpire, aduga khudak adumaktada mahaaksu mahaakki mi pumnamaksu buptized loure. 34 Adudagi mahaakna makhoybu mahaakki yum manungda pukhatpiraga, makhoygi maangda chaanaba pot khinbire, aduga Eeshorda thajaraduna mahaakki emung pumnamakka loynanaa yaamna haraaorammi.

35 Touegumsung nonggallabada, waayel mapushingna dolaipabashingbu thaaraktuna haay, mishing adubu thaadoku.

36 Aduga keishumshang sangbana Paulda paao adu tamlak-e, waayel mapushingna nakhoybu thaadoknanaba thaarakle; maram aduna houjikti thokpiraktuna engthana chatpikhro. 

37 Touegumsung Paulna makhoyda haay, waayel etou toudana Romegi oiba eikhoybu mishinggi maangda makhoyna phuduna, keishumshangda phajinbire, aduga houjikti makhoyna eikhoybu lonna taanthokkadra? Khak yaaningde; adubu makhoy mashaamakna laaktuna eikhoybu puthoksanu. 

38 Maduda dolaipabashing aduna waayel mapushingda waapaao asi tamlabada, makhoy Romegi mini haayba taaraga makhoyna kire; amasung makhoyna laaktuna makhoyda nonjare. 39 Aduga makhoyna makhoybu puthokpiraga, saahar adudagi chatthoknanaba haayjarammi.

40 Adudagi makhoyna keishumshangdagi thokkhiduna, Lydiagida changle; aduga makhoyna machin manaaoshingbu unarabada, makhoybu thoujinbiduna chatthokkhre.