Deuteronomy 4
Mosesna Israelgi mishingbu haayba ellu haayna paaoutaak piba
1 Houjikti, he Israel, eina nakhoyda tambikhiba pathap amadi leengaklonshingdu napukning changna khangnanaba hotnaraga kaidana paangthokkadabani. ashoy angaam leitana napaa napushinggi Eeshorna nakhoyda pibikhiba lamduda changduna chaakthung oinaa loushinnaba hotnou.
2 Eina nakhoyda taakpikhibashingsidagi ahenba haapchinba yaaroi. Louthokpasu yaaroi. Nakhoygi napuroi Eeshorna eingonda takpiduna nakhoyna eina haaykhibadu chumna en-gadabani.
3 Nakhoygi namitmakna Baal-peorda Eeshorna toukhiba thabakshingdu urabani. Peorgi Baal kouba laaidu ningkhiba mishingdu nakhoygi naraktagi napuroi Eeshorna tumna manghankhi.
4 Nakhoygi napuroi Eeshorbu chetna ningduna laakkhiba nakhoydi houjik phaaoba ashoy angaam leitana leiribasini.
5 Yeng-u, eina ningjariba epuroi Eeshorna eingonda yaathang pibirakpa matung ennaa nakhoyda eina pathapshing amadi leengaklonshing shugaaina taakpire. Haayribasi nakhoyna chaakthung oinaa phanggadouriba leibaaktu youraba matamda kaidana chatkadabani.
6 Haayribashingsi kaidana chatkadabani maramdi maasi kaidana chatlabadi atoppa Jaatshinggi mamaangda pukning loushing leiba jatni haayna khangnagani. Makhoyna maasi taabada shoydana haaynagani, "tashengnamak, jaat chaaobagi matik pukning loushing kayaada leikhraba."
7 Eikhoygi epuroi Eeshorgumna eikhoyga nakna leinariba marisi leiba karamba Jaatshinggi marakta kari laai leibage? eikhoyna haayjaba matamda Ebungngona thunghanbidaba leibra?
8 Eina nakhoygi namaangda waayenlon oinaa piriba achumba pathapshing amadi leengaklonshingsigumba khangba karamba jaat amaa leiribage?
9 Nakhoyna khanggadabadi: Thamoi shengna thamduna namitmakna uraba potshingdu kaodanaba hotnagadabani. Nakhoyna taaibang chinjaak chaaringeida haayribasi mangkhidanaba hotnagadabani. Pumnamaksi nakhoygi nachaashingda taakpigadabani.
10 Napuroi Eeshorgi maangda Horebta nakhoyna lepkhiba numittuda Eeshorna eingonda taakpikhi, "mishingsi eigi emangda amatta oinaa tilhallu. Makhoyna maalemsida leiringeida Eibu kina chatchanaba eigi ekhonjen tahange. Makhoyna machaashingda mathang mathang tambisanu."
11 Nakhoyna maasida nakna changshinduna chingkhongda leptuna leikhi. Matamduda chingjaaodu meina engang ngangna chakkhatlakkhi. Adubu akoybadadi leichin amadi amaambana leitengkhi
12 Matamduda Eeshorna meiraktagi waa nganglakkhi. Ebungngogi khonjendu nakhoyna taakhi. Mashakti ubaa phangkhide. Matamduda nakhoyna khonjen khakta taakhi.
13 Ebungngona nakhoygi damak kaidana ennanaba yaathang taradu taakpikhi. Ebungngona nakhoygi damak nungpak anida eduna pikhi.
14 Nakhoyna chaakthung oinaa phanggadouriba leibaaktuda changlaba matamda nakhoyna engadouba pathapshing amadi leengaklonshing tambiyu haayna Eeshorna eingonda yaathang toukhi.
Lai murti latpa yaadaba
15 Nakhoyna touba thabak khuding pathapshingsi kaidana tougadabani. Meiraktagi Horebta Eeshorna waa haaybiba matamda nakhoyna shaak ukhidaba maramna,
16 Nakhoyna khanggadabadi laai murti shaaduna latpa yaade haaybasini. Nupaa nattraga nupigi mawong maanna laai murti shaaraga latloidoubani.
17 Maalemsida leiriba shaagi mawong nattraga nongmadonda paairiba uchekshinggi mawong,
18 Maalemsida mapukna shittuna chatpa jibaa, laaija eron-nungda leiriba lemleingagi shaaktam louduna laai shaaraga ningloidoubani.
19 Cheksillu nattrabadi nakhoyna nongmadonda namai onkhattuna numit thaa amadi thawaan-michaknachingbashingsi ninglakpa yaai. Haayriba potshingsidi nakhoygi napuroi Eeshorna maalemsida leiriba jibaa khudingda pirabani.
20 Achakpa meigi matougumlaba Egypttagi nakhoybu Eeshorna mahaakki mi oinaba puthoraklabani.
21 Eeshorna nakhoygi nashunglaanggidamak eibu yaamna shaaokhi.
22 Maramsina Ebungngona waashakladuna taakpikhi madudi eihaak Jordan laanba yararoi. Nakhoygi napuroi Eeshorna nakhoygi chaakthung oinaa piraba leihao chellaba lamduda eihaak changba yaaroi haaybikhi. Nakhoydi leihao chellaba lamduda changgani taakpikhi.
23 Nakhoy cheksillu nattrabadi nakhoygi napuroi Eeshorna nakhoyga thamnakhiba areppa waashaktu kaaothokpa yaai. Nakhoygi napuroi Eeshorna nakhoyda touheide haayna thingkhiba laai murti shaaduna latpa yaade.
24 Nakhoygi napuroi Eeshordi kallak chaaoba meigi matougumna tumna maanghanba ngamba ebungngoni.
25 Leibaaktu youraga nakhoygi nachaashingna nunggi laai murti shaaduna nakhoygi napuroi Eeshorna thoina henna shaaoba amadi ebungngogi mityengda phattaba thabakshingdu nakhoyna tourabadi,
26 Ngasi kouba nongsida eina nongmadon amadi maalemsibu kouduna nakhoygi narakta saakhi oihallibasini. Jordan turelgi waangmada nakhoyda chaakthung oinaa pigadouriba lamduda nakhoy tumna maanggani.
27 Jaatshinggi marakta Eeshorna nakhoybu chaaithokpigani. Karigumba chaikhaaikhiba thoklabadi Jaatshinggi marakta nakhoy mashing yaamloi.
28 Makhoygi marakta u amadi nungna shaaba laaishingdu nakhoy ninggani. Mioibagi khutna shemba ubasu ngamdraba, tabasu phangdaba, chaaba amadi manam nambasu ngamdraba, laaidu latloidoubani.
29 Nakhoyna leigadouriba maphamdudagi napuroi Eeshorbu nakhoyna thijaba thoklabadi, nathawaay amadi hakchaang yaaona karigumba thaajaba leirabadi, shoydana ebungngo mahaakpu nakhoyna phangba ngamgani.
30 Mathakta haayriba wasina karigumba thoklaba matamda nakhoy ebungngoda amuk hallakkani. Ebungngona mahaakna nakhoyda taakpikhibashingdu ngaakna chatpa hougani.
31 Nakhoyna ningjariba Mapusi thoujaan heiraba Eeshorduni. Ebungngona nakhoybu shennabidaba nattraga manghantaahanba, nattraga ebungngo mahaakna nakhoygi napaa napushingda areppa waashakpikhibadu laaina kaaothokpiroi.
32 Houkhiba numit shingdu amukta ningshingduna yeng-u. Maalemsida Eeshorna taaibang mi haaybasi shemba numittudagi amadi nongmadonsigi aroiba amadagi aroiba amaa phaaoba koyna yengba matamda asigumba achouba thabaksi karamba maphamda oikhibage?
33 Eeshorgi khaonjen meiraktagi taaba phanglaba phaaoba asida nakhoy sidana leiribasi angakpa amaa nattra?
34 Karigumbada kanaagumba laai amanaa atoppa jaat amagi maraktagi jaat amabu khandoktuna chaang kayaamarum touduna, khudam, angakpa amadi laannachingba touduna mapambom tingthokttuna angakpa akibaa uttuna nakhoygi napuroi Eeshorna nakhoybu Egypttagi puthokpiba matamda toukhibadu karamba laaina touba ngambage?
35 Eeshorbu shaak khangjaba yaanaba nakhoyda haayriba pumnamaksi uhanbirabani. Ebungngo mahaak nattana atei amaa leitrabani.
36 Nongmadondagi ebungngo mahaakki khonjen taahanbikhi. Masina nakhoyda cheirak oihankhi. Maalemsida ebungngo mahaakna meidu uhanbikhi. Nakhoyna ebungngo mahaakki waashingdu meinungdagi taakhi.
37 Ebungngo mahaakna nakhoygi napaa napushingbu nungshibiduna khandoklaga makhoygi matungda makhoygi chaaron-shurondu khandokpiduna ebungngo mahaakna nakhoyga loinabiduna Egypttagi nakhoybu pubirakkhi.
38 Nakhoygi namaangda nakhoydagi henna mapaanggal kanba amadi mathouna leiba jattu taanthoktuna ngasi oiribasigumna nakhoybu lamduda pubiraktuna chaakthung oinaa leibaaktu phanghanbikhi.
39 Maramsina ngasi nakhoyna nathamoida khanggadabdi Eeshorna koirou maalem anisida Eeshordu oiribani haaybasini. Maasi nattana atoppa amaa leitrabani.
40 Maramsina Ebungngona pibikhiba pathapshing amadi yaathangshingdu ngaakna chatkadabani. Nungaai yaaiphana pannanaba eina nakhoyda haayriba waashingsi ngaakna chatkadabani. Nakhoygi chaaron-shuronda mara tana pannanaba aduga maalemsida nakhoy punsi toloina nakhoygi napuroi Eeshorna pikhiba lamduda pannanaba ngaakna chatkadabani.
Michenna leinanaba Jordangi nongpokta leiba saaharshing
41 Jordan waangmada Mosesna saahar ahumkhak khaaidokhi.
42 Yeknabadagi touba nattaba soikhiduna kanaagumba yumlonnaba amaa haatkhiba taarabadi mihat-luriba nupaaduna haayriba saaharshingsida chenba yaai aduga mathawaay kanjaba yaai.
43 Reubengi machaashinggidamak lamjaao lamhaangda leiriba Bazer, gadki machaashinggina Galeadta leiriba Ramoth amadi Manassesshinggina Basanda leiriba Golaanda oihankhi.
Mosesna mapugi puya takpa
44 Mosesna Israelgi mishinggi mamaangda taakpikhiba puyadu asini.
45 Israelgi mishingna Egypt thaadoktuna laakpa matamda Mosesna taakpikhiba matik mayaai leiraba khudam, pathapshing, amadi leengaklonshingni.
46 Haayribasi Hesbonda leiba Amorishinggi ningthou Sihon-gi lam Jordan lallaga leiba Bethpeorgi maayoknaba maphamdu youraga Moses amadi Israelgi mishingna Sihonbu maaythiba piba matangdudani.
47 Makhoyna Jordan waangmada leiriba Amorishinggi ningthou Sihon amadi Basangi ningthou Ogpu maaythiba piduna makhoygi leibaakshingdu loushinkhi.
48 Makhoyna Arnon-gi tampaak mayada leiba Aroer kouba maphamdudagi Sirion haaybadi Hermon kouba chingdu yaaona
49 Jordangi Nongpoklomda Arabah loina laaksillaga Pisgahgi leitem mannaba lam Arabahgi epaaktu youna loushinkhi.