Acts 3
Makhong tekpa chaakniba amabu phahan-biba; Eesor ningna sang manungda Peter-na tambiba
3 Amasung Peterga John-gana haayjanabagi nungthin-gi pung 3:00 taba aduwaaida Eesor ningna sangda karaklammi. 2 Amasung mamaa puknungdagi makhong teklaba kanaagumba nupaa amabu puraktuna, Eesor ningna sangda changlakpasingdagi chanbiba nijananaba, ningthijaba kouba Eesor ningna sanggi thongda numit khuding thamlammi.
3 Mahaakna Peterga John-gabu Eesor ningna sangda changlamdaaida uduna, chanbiba phangnaba nijare. 4 maaduda Peter-na John-ga loynanaa maangonda sangtrik yengduna haay, eikhoyda yeng-u.
5 adugaa makhoydagi karigumba phangjagani ningduna, mahaakna makhoyda pukning changna yengle. 6 touegumsung Peter-na haay, eigi silver amasung sanaa leijaade, adubu eigi leijaba adu eina nangonda pi; Nazarethki Jesus Christagi mingda koychat chatlu. 7 adugaa mahaakna makhakna makhut yet paayduna chingkhatpire amasung khudak aduda mahaakki khongga khumitka kankhatle. 8 maaduda mahaakna chongkhattuna lepsu leple, koychat chatpasu houre, adugaa mahaakna koychat chat-tuna, chongduna amasung Eesor-bu thaagat-chaaduna makhoyga loynanaa Eesor ningna sangda changle. 9 Amasung mahaakna koychat chat-tuna Eesor-bu thaagatpa adu mi pumnamakna ure; 10 adugaa Eesor ningna sanggi ningthijaba thongda chanbiba phangna-naba phamlamba mahaak asini haayba makhoyna khngladuna, maangonda thok-khiba adu onthokpa amasung angakpana thalle.
11 Amasung mahaakna Peterga John-gabu pairingeida, mi pumnamakna yaamna ngakladuna Solomon-gi haayna kouba manggon aduda makhoy taanna chensillakle. 12 adugaa Peter-na maadu urabada mising aduda khumle, he Israelgi misa, nupaa asida nakhoyna karigi ngakhibage? eikhoyna mahaakpu koychat chathanba asi eikhoymakki paanggalna oirabasu, Eesor chetna ningbana oirabasu, toukhibani haayduna nakhoyna eikhoyda karigi sangtrik yenglibano? 13 Abraham, Isak amasung Jameski Eesor, haaybadi eikhoygi epa epu-singgi Eesor aduna manaai Jesus-bu matik mangaan chaaohanbire; nakhoynadi ebungngobu pithoktuna, Pilatna ebungngobu thaadoknanaba waaroirabada, nakhoyna mahaakki maangda yaakhide.
14 adubu nakhoynadi asingba amasung dharma chenba ebungngo adubu yadaduna mi haatpa nupaa amabu nakhoygi damak thaadokpinaba nijare, 15 adugaa hingbagi mapubu haatle; ebungngodubu Eesor-na asiba-singgi maraktagi hingatpire, asigi maramda eikhoyna sakhini. 16 Amasung ebungngo-gi mingda thaajabana nakhoyna uriba amasung khangliba nupaa asibu ebungngo-gi ming aduna kalhanbire; hoy, ebungngo-dagi oiba thaajaba aduna nakhoy pumnamakki maangda maangonda pumpha phaaba asi pibire.
17 Amasung houjik, he echin-enaaosa, nakhoygi mapusingna toukhibagumna, nakhoynasu khangdaduna maadu toukhibani haayba eina khang-e. 18 touegumsung Eesor-na ebungngo makki Christana awaa-anaang khaangbagi maramna adu waa taakthokpa pumnamakki machinna mamaangeida khanghankhiba adu ebungngo mahaakna asumna thunghanbire. 19 maram aduna nakhoygi paap khibik muthatpinanaba nakhoyna pukning hongduna amuk ollak-u; asum toubada Eesor-gi maangdagi engthabagi matam laaknanabani; 20 adugaa nakhoygi damak khandokpiraba Christa-bu, haaybadi Jesus-bu, ebungngo mahaakna thaabiraknanabani. 21 hiram pumnamak amuk hanjinnabagi matam thungdriba phaaoba ebungngobu swargada leihan-gadabani; asigi maramda Eesor-na thaainadagi ebungngo mahaakki waa taakthokpa asengba-singgi machinna haihn-khre.
22 Moses-na haay, Eesor-na nakhoygi nachin nanaaosinggi maraktagi nakhoygi damak eigumba ebungngo mahaakki waa taakthokpa amaa thok-hanbigani; mahaakna nakhoyda haaygadaba waa pumnamak adu taao. 23 Amasung maasi oigani, haaybadi, Eesor-gi waa taakthokpa adugi waa tadaba mi khudingbu mising asigi maraktagi tumna maanggani.
24 hoy Samueldagina mathang mathang thoklakpa Eesor-gi waa taakthokpa pumnamakna, haaykhiba adupki makheina, makhoynasu matam asigi maram tamthokle. 25 nakhoydi Eesor-gi waa taakthokpa sing adugi amasung Eesor-na nakhoygi napaa napusingga waalepnakhiba adugi machaa-nupaasingni. Waalepnakhiba aduda Eesor-na haay, amasung nahaakki dhaaraada Prithibigi emung pumnamakna yaaiphaba phangjagani. 26 Ahaanbada Eesor-na nakhoyda ebungngo mahaakki manaaibu thok-hanbiduna, nakhoy nakhoygi ayol arandagi mi khundingbu pukning onthokpibada nakhoy yaaiphana-naaba ebungngobu thabire.