1 Samuel 26

Davidna Saulgi mathawaay Amukka haanna kanbiba

1 Ziphta leiba mi kharana Saulda laaklaga haayrammi, "JeSimon-gi nongpokta leiba Hakilahgi chingda Davidtu lottuna leire."

2 Maramsina Saulna mi 3,000 Israelgi manungdagi khandoklaga Ziphki lamhaangda Davidpu thiba chathallammi.

3 Jesimonni nongpokta leiriba lambidugi nakanda Saulna laanban shaaduna Hakilah chinggi mayokta leikhi. Aduga Saulna mahaakpu thiba laakle taabada,

4 Davidna aronba dut thaaduna ashengbamak Saulna mahaakpu thiba laak-e laakte khangnanaba yenghankhi.

5 Saulna laanban shaaduna leiriba maphamdu phaaoba David laakkhi. Laanmigi makok Nergi machaanupa Abnerga loynanaa tumduna leiribadu urammi. Saulna tumduna leiringeida mahaakki laanmi shingna tumphamdu koisillammi.

6 Hittigi Ahimelek amadi Joabki mayaamba Abisai (Makhoygi mamadi Zeruiah oirammi) anisida Davidna hanglammi, "nakhoy anigi manungda karambana Saulgi laanbanda eigaa loynanaa chatkani?

Abisaina haayrammi, "eihak chatchage."

7 Abisai amadi David ani mannaduna ahingduda Saulgi laanbandu phaaoduna chatlammi amasung makhoyna Saul tumduna leiribadu thengnarammi. Mahaakna tumba matamduda mahaakki tadu lukhumda yungduna leirammi. Abner amadi laanmishingna Saulgi akoybada tumlammi.

8 Matamduda Abisaina Davidta haayrammi, "Eeshorna ngasi kouba nongsida nahaakki yeknababu nahaakki nakhutta pinabire. Maramsina tasina thinduna mahaakpu hatlasi. Eina mahaakpu anirak halloi. Eihaakna paijariba tasina amukta loithokke.

9 Davidna Abisaida haayrammi, "mahaakpu haatpa yaade. Eeshorna khandoklaba midubu kanaana hatkahi? haatlabadi naran leigani

10 Davidna makha taana haayrammi, "Eeshordi shinaaidba Mapu oiba maramna ebungngo mahaakna Saulgi mathakta laman khumbigani. Nattrabasu mahaak nongmadi shiba haaybasi shoidrabani. Nattraga mahaak laanphamda shoydana shiba yaai.

11 Eeshorna thaao noiraba nupaa asigi mathakta khut thaaba yagani haayba yaathang pide. Adubu mahaakki ta amadi eeshing khujaisi puraga chatlasi."

12 Saulgi lukhumda leiriba ta amadi eeshing khujaidu puraduna makhoy ani chatkhi. Kanaagumba mi amaa phaaobana haayribasi ukhide. Makhoy yaamna nungaaina tumduna leiba maramna kanaagumba mi amattasu hougatkhide. Haayriba numitsida makhoybu Eeshorna mitkap thok-hankhide.

13 Davidna atoppa nakan amaromda chatkhiduna chingdon-gi awaangba matonda lepladuna yaamna thaapna leiraga

14 Laanmishing amadi Nergi machaanupa Abnerbu kouduna haayrammi, "Abner nahaak eina kouribasi tabra?" Abnerna haayrammi, "yaamna kanna laaoraduna potthaaduna leiriba eningthoubu houdokliba nupaasi kanaano?"

15 Davidna Abnerda haaykhi, "Abner nahaak Israelgi manungda hhwaaidagi chaaoraba nupaa amaa nattra? adu oirabadi nabungngo ningthoubu ningthijana ngaksendriba karigino? houjik houjikmak kanaagumba mi amanaa laanbanda changduna ningthoubu haatke toukhi.

16 Abner, nahaak nathou mashak khangna paangthokte. shinaaidba Eeshorna saakhi oisanu, nakhoy loina shibana pharabani. Maramdi Eeshorna thaao noiraba aduga nakhoygi ningthousu oiribadubu nakhoyna ningthijana ngaksende. Houjikti ningthougi ta amadi khujainachingba lukhumda thambadu kadaayda leibage thiyu."

17 Saulna Davidki khonjendu taabada khangba ngamlammi amasung haayrak-e, "icha nupaa David nattra?"

Davidna khumlammi, "he eningthou, eibu loiba ebungngo, nanaaini."

18 Davidna makha taana haayrammi, “Eningthouna nanaaibu karigidamak thiribano? nanaaina karamba araanba toukhrabage?

19 Maramsina eningthou nanaaina haayjariba waaphamsi pukning tapna taabigani ningjei. Karigumba Eeshorna eningthoubu eigi ethakta laandanaba yaathang pibiba oirabadi, ebungngogi maphamda thou amaa katlaga phaaba yaai. Adubu karigumba mina enshinbiba oirabadi, ensilliba mishingdugi mathakta Eeshorna siraap pibiba oisanu. Makhoyna eibu Eeshorgi leibaaktagi taanthokpiduna lamlaanbashinggi lamsida koyna chattuna laimangshing khurumhalle. 20 Eeshorgi leibaaktu thaapna tungoihouraga lamlaanbashinggi lamda eibu sihanbidaba oisanu. Kanaagumba sadanba nupaa amanaa urenbi tannabagi matougumna Israelgi ningthouna eigi epunsisi lounanaba haayduna koitan tannari."

21 Saulna haayrammi, "eina nahaakki naphamda araanba toure. Echaa oiriba David nahaak eigi ephamda amuk hallaklo. Eina nahaakpu haatna-naba amuk haanna thouraang touraroi. Ngasi ahingsidasu nahaakna eigi epunsisi kanbirabani. Eihaak onthokna panglaba nupaa amaa oirure. Nahaakki naphamda eina haayningngai leitana araanba thabak toukhre."

22 Maasida Davidna paaoukhum pirammi, "he eningthou, maphamsida ebungngogi tadu leire. Kanaagumba mi amaa thaaraktuna maasibu louhallaba yagani.

23 Eeshorna achumba touba mi khudingbu manaa pibigani. Eeshorna ebungngo nahaakpu ningthou oinaa hapkhiba maramna eigi ekhutta ebungngo taaraba phaaobada eina thoidokpa araanba thabak ebungngogi maphamda toukhide.

24 Ngasi kouba nongsida ebungngogi punsidu nanaaina kanjakhibasigumna Eeshorna nanaaigi punsisisu ngaakpiba oisanu aduga khudong thiba tagadouba hiram kayaadagi ebungngo mahaakna nanaaibu kokpiba oisanu.

25 Saulna Davidta haayrammi, "icha ebungngo, nahaakpu Eeshorna kubiba oisanu nahaakna touruba thabak khudingda maay paakpa oijou.

 asumna haaynaraga Davidsu atoppa lambi amada chatkhi aduga Saulsu konungda hankhi.