Joel 2
Koujeng taabada Eeshorgi numit laakle khanghanba
1 Zionda bengul khongu. Eigi ashengba chingda nilkhongu. Maalemsida leiriba pumbaa thak thak nikhallu. Maramdi Eeshorgi numittu laakle.
2 Ashengbamak amaamba amadi awaabana thallaba, leichinna kup sanlaba numit mashak udaba oigani. Mashing thingamdaba paanggallaba mi jaat amaa, amaambagi matougum chingshaang sitna sandorakli. Makhoygumba mamaangeida thokkhridri, makhoygi matungda amaa amuk, miron kayaadasu laaklaroi.
3 Meina makhoygi mamaang thaaduna chakthek-e, makhoygi matungda meiri amaa thorak-e. Makhoygi mamaangda maalemsi Eden-gi leikongumlammi, adubu makhoygi matungda leikangla ollaba lamjaao oinaa leihouwi, makhoygi makhuttagi karisu naanthokpa ngamde.
4 Makhoygi shaaktam shagolgi mawong malli, laangi shagolgum makhoy makhong yaangi.
5 Dolai makhol houna thokpagumna, makhoyna chingshaanggi matonda chongkhatli. Charukhok mei chakpa matamda thorakpa makholgumna, laanphamgidamak shem-shaaraba akanba laanmi oinaa laakkani.
6 Makhoygi mamaangda mi pumnamak awaaba nanggani, maaythong makaa langshingani.
7 Laanmigi matougum makhoyna laakshin-gani, khutlai paayba migumna makhoyna phaklang kagani. Maagi maagi mapaa chumna chatli. Makhoy laambel haidoktuna chatte.
8 Makhoy amanaa amabu ennade, maagi maagi laambelda chatli, khutlai maraak phaaoduna chatlabasu, makhoybu thingba ngamde.
9 Saahargi manungda laanjanggani, saahargi phaklang phaaoduna chatlabasu makhoybu thingba ngamde.
10 Makhoygi mamaangda maalemsi nik-e. Ahoinadum koirouthak phaaoba nik-e. Numit thaa animak mamsinli. Thawaan-michakshingsu tagup tarengdre
11 Eeshorna maagi laanmigi mamaangda waa ngangli, maramdi maagi laanmi shanggu mashing yaammi, yaathang touriba nipadu paanggal chaaobani. Eeshorgi numittu akibaa mashakni, kanaana madubu khangba ngamgadge?
Paap haaydoknaba kouba
12 Adubu Eeshorna taakpiri, " houjikmak chara henba, mittagi pi, taaba amadi tengthaaduna nakhoygi thamoi yaaonaeigi ephamda hanjarak-u.
13 Naphi shegaaibagi mahutta nathamoi kaihallu, nanggi Eeshorgi makada hanjarak-u. Maramdi mahaak thoujaan hei aduga minungsi khang-e. Pukchel tappi aduga chetna channa nungshibadu lei. Aduga phattaba toude.
14 Kanaana khangba mahaakna pukning onbiraktuna, bor pibibasu yaai. Maheimarong amadi thakna chaanaba matik chaana nanggi Eeshorda katnaba phangba yaai.
15 Zionda pung thillu. Chara hellu, mayaam tillu,
16 Mishingbu pullap kou, pukchel shengna miyaam tilhallu. Ahanshingbu kou, angaangshingsu yaaohallu khom thakliba angaangshing phaaoba yaaohallu. Luhongbagi bor amadi keina animak phajaraba yumdu thaadoktuna miyaam tinbada yaaohallu.
17 Ningnashanggi thong amadi phaankhong anigi marakta Eeshorgi seba changba purohit shingna mamittagi piraang shinthaduna lepsanu aduga haaysanu "he Eeshor, nanggi mishingbu kanbiyu, makhoybu ekaaiba nanghanbiganu, nattrabadi jaat khudingmakna makhoybu thina ngangnagani.
Aduga "nakhoygi Eeshordu kadaino?" haayna mapham khudingda mishingna hanggani."
Israelbu kokpiba aduga kanbiba
18 Adu oirabadi Eeshorna maagi leibaakpu nungshibigani, aduga maagi mishinggi mathaktasu thoujaanbigani.
19 Eeshorna asumna maagi mishingda chingoibirammi, yeng-u, nakhoygi naphamda eina, maheimarong, angur amadi thaao thum piri, masina nakhoy penba haaybadu oigani. Amuk nakhoybu jaatishinggi marakta namai thihalloi.
20 Awaangda khundaribashingbu nakhoydagi yaamna thaapna puthokkhigani, makhoybu akangba leihao leiba lamda taanthokpigani, makhoygi manglam yaanbashingbu nongpok samudrada, aduga tunginbashingbuna nongchup samudrada thadagani makhoygi napanga loynanaa touba thabakna maram oiduna ashibaa hakchaang pumthabadagi thorakpa namthiba manam makhoygi marakta shaandokkani
21 He maalem, kiganu haraao tayaamjou, maalemdi Eeshorna achouba angakpa thabak toukhre.
22 Loubukta leiba shaashingbu kiganu, maramdi lamhaangda leiba sanjabung napina isang sangkhre. Upaal waapal pumbaa mahei yalle, theibong amadi angur paambishingsu mapaan naaidana mahei yalle.
23 Zion machasa. Haroujou, nakhoygi Eeshorda nungaaijou, nakhoygi laman shingba oinaa nganna nong taahanbire. Maraang kaina nakhoygi damak nong pinabire. Mamaangeigumna angaanba amadi athengba asimak pibire.
24 Lou yeiphamda manaa-mashingna thaallagani. Kharungda angur mahi amadithao pik thanna yaaogani.
25 Houkhiba chahi kayaada koyna paayba koujeng kayaana amadi chongduna chatpa tilna, tumna maanghanba amadi makhong chikthatpadu nakhoygi marakta eina thaakhiba laanmini. Manghankhiba pumnamak nakhoyda hanjinbigani.
26 Napuk penna chaanaba pot phanggani. Aduga nakhoygi naphamda angakpa thabak toubikhiba nakhoygi Eeshorgi minglendu tattana sonjou. Adu oirabadi eina eigi mishingbu ekaaiba amuk haanna nanghalloi
27 Nakhoyna khanggadabadi ei Israelgi marakta lei haaybasini, khangadaba amasu leiri madudi Eeshor eise, nakhoygi mapuni aduga ei nattana kanaa amaa leite haaybasisuni adu oirabadi eina eigi mishingbu ekaaiba amuk haanna nanghallaroi.
Eeshorgi numit
28 Tungda maasi thoklagani madudi eina eigi thawaaydumi khudingda pigani, nakhoygi nachaa-nupaa amadi nupishingna mapugi waa takthokkani, nakhoygi ahanshingna mang maanggani, nahaa paakhangshingna Shangshangna mamitmakna ugani.
29 Haayriba matamdudi minaai nupaa amadi minaainubi phaaobada eina eigi thawaay haappigani.
30 "Koirouthak amadi maalemthakta phattaba khudam, ee mei amadi meikhu pareng pareng kakhatpa chekshinwaa oinaa uhn-gani.
31 Eeshorgi mapaan naaidraba, akibana thallaba numittu laaktringeida numitki mangaan leiroi aduga thaana emuk ngaangani.
32 Eeshorgi minglen sonjaba midutana haayriba numittuda naanthokkani maramdi Eeshorna taakpikhibagum Zion amadi Jerusalemda mathawaay hinghouba mi leigani. Hinghoubashinggi marakta Eeshorna khandokkhraba mi yaaogani.