Deuteronomy 7
Eshor-gi mishing
(Khong 34:11-16)
7 Nakhoina leigadouriba leibaktu nakhoigi napuroi Ishor-na lamjingbigani aduga Ibungo mahakna maphamduda leiriba jat kayabu tanthokkhigani. Nakhoina asum changsinkhibada Ibungo mahakna nakhoidagisu henna chaoraba amadi mapangal leiraba jat taretpu tanthokkani. Makhoidi Hitti, Perizzi, Hivi, Girgasi Amori, Cannansing, amadi Jebusisingni. 2 Nakhoigi napuroi Ishor-na hairiba mishing si nakhoigi nakhut chalhanba matamda makhoibu nakhoina hatkani. Hairiba mishingsiga nakhoina mari leinaba yade aduga makhoida thoujan utpasu yade. 3 Makhoigi machanupising nakhoina luhongduna louba yade. Asigumna nakhoigi nachanupisingsu makhoida luhongduna piba yade 4 Karigu-mba hairibasi hek toukhibada nakhoigi nachasingdu makhoina atoppa laisingbu khurumjanaba lanna lamjingkhigani. Karigumba masi thokpa tarabadi Ishor-na nakhoigi nathakta saorakkani aduga nakhoibu khudaktumaktada tumna manghan-gani. 5 Adunadi nakhoina makhoigi phankhongsingdu thugaigadabani, makhoigi asengba nunggi ukhongsingdu machet machet tana thugaigadabani, makhoigi leirembi Asherahgi murtidu kakthattuna manghan-gadabani. Masiga loinana makhoina ningliba laisinggi murtisingdu tumna manghan-gadabani. Nakhoigi Napuroi Ishor-gini nakhoisi maramsina hairibasi tougadabani. Malemsida leiriba mishinggi maraktagi Ibungo mahakna nakhoikhaktabu Ibunggogi athoiba mishing oinanaba kandokkhrabani.
7 Ishor-na nakhoibu mashing yami haiduna nakhoibu nungsikhiba amadi khandokkhiba natte. Achumbamakti malemsida nakhoidi khwaidagi henna apikpa jat amani. 8 Adubu Ishor-na nakhoibu nungsibire aduga nakhoigi napa napusingda wasakpikhibadugi matung inna Ibungona nakhoibu lousinbikhibani. Maramsinani Ibungo mahakna mapanggal phuduktuna nakhoibu kanbikhibasi aduga maramsidagini Egyptki ningthougi minai oiduna leirambadagi nakhoibu mahakna thadokpikhi. 9 Nakhoigi napuroi Ishor-si amatta ngairaba mapuduni haibasi kaoganu aduga Ibungo mahakti hongba naidabani haibasisu ningsingu. Ibungo mahakna lengdraba wasaktu ngakna chatpigani aduga Ibungo mahakki yathangsingbu ngakna chatchaba amadi Ibungo mahakpu nungsijaba mi lishing lishingda lengba naidraba nungsibadu utpiribani. 10 Adubu Ibungobu tukkachana toubasingduda cheirak piba haibasi soidrabani. 11 Maramsina houjikti nakhoida takpikhibasingsi ngakna chatlu aduga Eina nakhoida pikhraba wayelsingsi ngakna chatlu.
Haiba inbagi mahei
(Ani wa 28:1-14)
12 Nakhoina yathangsingsi pukning thingjinna chatcharabadi aduga kaidana injarabadi, nakhoigi napuroi Ishor-na leingdraba wasaktu nakhoigi naphamda kaihanbiroi. Nakhoigi napa napusingda Ibungona wasakpikhibadugi matung inna Ibungogi hongba naidaba nungsibadu utpigani. 13 Ibungo mahakna nakhoibu nungsibigani aduga kubigani. Asumna nakhoi mashing hen-gatnaba nacha nasu yamna pokhanggani. Nakhoigidamak marang kaina mahei marong, drakha mahi amadi Chorphon-gi thao phangnanaba nakhoigi loubuktu Ibungo mahakna kubigani. Sha-shal amadi hameng yaonachingba yamna pinabiduna Ibungo mahakna nakhoibu kubigani. Nakhoigi napa napusingda Ibungo mahakna nakhoigi haktakta pibigani haiduna wasakkhiba leibaktuda hairibasingsi pibigadouribani. 14 Malemsida leiriba mi kanadasu nakhoida piriba bor asigumna pibiroi. Nakhoigi narakta amadi shasingda macha poktaba haibasi leiroi. 15 Ishor-na nakhoibu laina khudingdagi kanthokpigani. Nakhoina Egyptta leiringeida khangkhiba lainasingdu amuk hanna nakhoida Ibungo mahakna tahallaroi. Hairibasingdu nakhoigi yeknabasingda tahan-gani. 16 Nakhoigi napuroi Ishor-na nakhoigi nakhutta pinabikhraba jat khudingmak tumna manghallu. Makhoida thoujan utpa yaroi. Makhoigi laisingdu nakhoina ningba yade maramdi madu tourabadi naraibak thigani.
17 "Mishingsigi mashing eikhoidagi henna yami aduga eikhoina makhoibu tanthokpa ngamloi haina nakhoi nasen hainaganu. 18 Makhoibu kiganu, Egyptki ningthou amadi mahakki mishinggi maphamda nakhoigi napuroi Ishor-na toukhibasingdu ningsingu. 19 Nakhoigi namitna ukhiba akiba phanglaba laichat thok-hankhiba, angakpa khudam kaya toukhiba, matik mayai phudoktuna mapanggaltana napuroi Ishor-na nakhoibu kanbikhi. Egyptta leiriba mishingbu Ibungona tumna manghankhibagumna nakhoina ngasi kiriba mishingsibusu manghanbigani. 20 Ibungo mahakna makhoigi marakta marai tahan-gani aduga nanthokchanaba chenkhibasing amadi lottuna leiribasinggi mathaktasu Ibungona manghan takhanggani. 21 Maramsina mishingsibu nakhoina kiroidoubani. Nakhoigi napuroi Ishor-na nakhoiga loinabiri. Ibungo mahakti thoidokna matik mayai leiba Mapu Ibungoni maramsina kina chatchagadoubadu Ibungotani. 22 Nakhoina khumang chaosillakpagi matung inna Ibungo mahakna makhoibu khara khara tanthokpikhigani. Nakhoina makhoibu amuktada manghanbadi ngamloi. Karigumba nakhoina makhoibu amuktada manghankhrabadi lamlakta leiba shasinggi mashing hen-gatlakkani aduga nakhoigi awaba oigani. 23 Nakhoigi yeknabadu Ishor-na nakhut chalhan-gani aduga makhoi tumna mangdriba phaoba laichat thok-han-gani. 24 Makhoigi ningthousingdu nakhoigi nakhut chalhan-gani. Nakhoina makhoibu hatkani aduga matamgi matung inna makhoibu kaonakhigani. Kananasu nakhoibu thatpa ngamloi. Thoinahennadum nakhoina makhoibu tumna manghan-gani. 25 Makhoigi lai murtisingdu tumna manghallu. Makhoida napliba lupa nattraga sanadu kallakuganu hairiba potsi nakhoigini haiduna lousinba yade. Karigumba nakhoina masi touba tarabadi naraibak phattaba thokkani. Ishor-na lai murti latpabu tukkutchei. 26 Nakhoina leiriba nayumda lai murtisingsi pusillakpa yaroi. Karigumba touba thoklabadi makhoigi mathakta tariba sapsi nakhoidasu tagani. Ishor-na sap touba maramna lai murtisingsi nakhoina tukkachana amadi hangoina yengadabani.