Ezekiel 25

Amongi mathakta waa phongdokpa

1 Eeshorna eingonda haaybikhiba waashing:

2 He nupaa, Amonshingna leiriba maaykeida namai onduna makhoygi mayokta waa khara phongdok-u.

3 Amonshingda haayyu, "Eeshorna taakpiriba waasi taro: eigi ningnashangsi mangthokpa matamda Israelda khuntak lansigani. Matamsida Judahda leiriba mishingna loi oinaa chatkani aduga nakhoyna ema haayna laaogani.

4 Maramsina eina nakhoybu Nongpoklomda leiba mishingda pithoknabani. Makhoyna nakhoygi narakta khaangpok shaaduna leigani. Makhoyna nakhoygi lamsida houriba potki mahei marongshingdu chaagani. Makhoyna nakhoygi lamsida phangba shanggomdu thakkani.

5 Rabbahda utshinggi chaktapham amaa shemgani. Amonshinggi saahar-shingdu yaao shanggugi chaktapham oihan-gani. Matamduda nakhoyna eisi Eeshorni haayba khanggani.

6 Eeshorna asumna taakpiri: nakhoyna Israel kouba leibaaksigi mathakta nakhubaak khuduna, nakhong thinduna aduga napukningda ngamjabi thaaduna akhaba mityengna yengduna lennakhrabanina

7 Yeng-u, eina ekhutsi nakhoygi mayokta tingthokhrabani. Jaatshinggi makhutta nakhoybu laanda khomba langumna pithokkani eina nakhoybu Jaatshinggi marakta tumna maanghan-gani. Aduga leibaak leibaak shinba thungna nakhoygi leipham leihalloi. Eina nakhoybu maanghan-gani. Matamduda nakhoyna eisi Eeshorduni haayba phajanaa khanggani.

Moabki mathakta waa phongdokpa

8 Eeshorna asumna taakpiri: yeng-u, Moabna Judahbu jaat ateiga khetnnaba leite haaykhi.

9 Maramsina Moabki saahardagi ngamkhei loiba phaaobadu Beth Jesimoth, Baal Meon, amadi Kiriathaim nachingba lamgi matik mayaaigi ethin phanghan-gani.

10 Jaatshinggi marakta maasibu ningshingdanaba Amonshinga loynanaa Nongpoklomdagi laakpa jattugi makhutta pithokkani. Matamduda makhoyna eisi Eeshorduni haayba khanggani.

Edomgi mathakta waa phongdokpa

12 Eeshorna asumna taakpiri: Judahgi mishinggi mayokta Edomna laman shingge haaybagi matagum aduga makhoygi mathakta tamthina ot-neikhibadugi maramdagi,

13 Eeshorna asumna taakpiri: Edomgi mayokta eigi ekhutsi tingthokkani. Masigi manungda leiriba mi amadi shaashingdu eina ngamnamak loithokkani. Eina maasibu leikangla oihan-gani. Temandagi Dedan phaaobada leiriba mishingdubu eina thanggi mayada taahangani.

14 Edomgi mathakta eigi mi oiriba Israelgi matengna laman shinggani. Eigi ashaaobasigi matung ennaa makhoyna Edomgi mathakta matik chaaba dandi tougani. Eeshorna taakpiri matamduda makhoyna eigi laman mashingdu khanggani.

Philistigi mathakta waa phongdokpa

15 Eeshorna asumna taakpiri: Philistishingna tamthina thamoida akhaba pukchelga loynanaa kaoba leiraroidaba laman khumkhiba maramna

16 Eeshorna taakpiri: yeng-u, Eina ekhutsi Philistishinggi mayokta thamgani. Cherethimshingbu tumna maanghan-gani. Aduga samudra mapaanda taribashingdusu maanghan-gani.

17 Ashaaobagi meirina loynanaa makhoygi mathakta matik chaaba laman shinggani. Eina makhoygi mathakta laman shingba matamduda makhoyna eisi Eeshorduni haayba phajanaa khanggani.