Jeremiah 34
Zedekiahda piba paaojel
1 Babylongi ningthou Nebuchadnezzarna mahaakki makhaada leiba leibaakshingga tinnaduna Jerusalem amadi masigi saaharshinggi mayokta laandarakpa matamda Eeshorna Jeremiahda waa haaybirammi:
2 Israelgi Eeshorna asumna taakpikhi: Judahgi ningthou Zedekiahda chatlaga waapham-si haayyu, " Eeshorna asumna taakpiri: yeng-u, saaharsibu eina Babylongi ningthou makhutta pithoklabani manaakna maasibu meida thaagani.
3 Nahaak mahaakki makhuttagi naanthokpa ngamloi. Nahaakpu shoydana phaaduna mahaakki makhutta shinnagani. Babylongi ningthoudu nahaakna namitna ubaa phang-gani aduga mahaakka chilloknana waa ngangnagani. Nahaak shoydana Babylonda loi oinaa chatkani."
4 Judahgi ningthou Zedekiah Eeshorgi waashingsi taro, Eeshorna nahaakki naramda asumna taakpiri: thanggi mayada nahaak shiroi.
5 Nahaak shaabaao laanbaao nangdana nungaaina shigani. Nahaakki namaangda pallamba napaa ebungngo ningthouna nonggaba matamda maru maraang meida thabagumna nahaak nonggaba matamda mishingna maru maraang meida thaagani. Aduga makhoyna nahaakki naming kouduna tengthaagani. Makhoyna onthokpani eningthou ebungngo haayna tengthaagani. Eeshorna taakpiri waaphamsi eigi echinmakna phongdokkhibani.
6 Masigi matungda waa taakthokpa Jeremiahna Jerusalem taanna chattuna Judahgi ningthou Zedekiahda waaphamsi tamkhi.
7 Matamsida Babylongi ningthougi laanmi shingna Jerusalem amadi Lachish aduga Azekah sara anisigi mathakta laandaduna leiringeida thokkhibani. Matamduda Judahgi manungda mikha pondaba saahar haaybabu anisidani.
Minaaibu thina touba
8 Jerusalemda leiriba mishingda ningtamba laaothokpa oinaa ningthou Zedekiahna areppa waashak amaa mishinga yaanaduna lounarba matungda Eeshorna Jeremiahda amuk haanna waa haaybirammi,
9 Mahaakna laaothokhi, mi "Khudingna maagi maagi Hebrew jaatki minaaishingdu nupaa oirabasu nupi oirabasu thaadokpigadabani haaykhi. Mi khudingmak machin manaao oiriba Jewish jaatki minaai thamba yaaroi haayna laaothoklammi.
10 Makhoyna ningthouna haayba waadu enkhi. Ningthou machaa pumnamakna, amadi mi pumnamakna haayriba areppa waashaksi lounaduna nupaa amadi nupibu minaai oinaa thamlambadu amuk haanna minaai oihallaroi haayna yaanakhi. Makhoyna haayriba waadu enba oinaa makoibu thaadokpikhi.
11 Adubu mameithangda makhoyna thaadokkhiba minaai nupaa amadi nupishingdu amuk haanna loushinduna minaai oinakhi.
12 Eeshorna Jeremiahda waa haaybirak-e:
13 " Israelgi Eeshorna asumna taakpirammi: bandi oinaa leiramba mapham Egypt leibaaktagi nakhoygi napaa napushingdu puduna eina laakpa matamda makhoyga eigaa yaanaduna areppa waashak amaa tounakhi. maduda asumna haaynakhi,
14 Chahi taruk mapung hek phaabaga nakhoyna nachin nanaao Hebrewshing minaai oinaa leiribasi thaadokkadabani. Makhoyna nakhoybu chahi taruk minaai oiduna seba tougadabani. Matamdu yourabada nahaakna mahaakpu minaai naaithaang kokpigadabani. Adubunakhoygi napaa napushingduna eina haayba waashingsi manaada hapkhide,
15 Ekui kuidana nakhoyna napaap haaydoktuna makhoybu naaithaang kokpige haayna yaakhi. Yumlonnabashingda haayriba waaphamsi laaothokkhi. Eigi eming louduna kounariba ningnashangsigi mamaangda leptuna nakhoyna areppa waashak amaa lounakhiba natra?
16 Adubu nakhoyna haaynakhiba waaphamdu ngaakna chattaduna pamjaba matung ennaa nakhoyna naaithaang kokpikhraba minaai nupaa amadi nupishingdu amuk haanna minaai oinaba phaaduna purakle.
17 Maramsina Eeshorna taakpiri: Ningtamba ngasidagi oire. Ngasidagi ningtamle haayna nakhoyna laaothokkhibadu endre. Khudingmakna maagi maagi yumlo-nnaba amadi machin manaaoshingda phongdokkhiba natra? Yeng-u, nakhoygi ningtambadu houjikti thanggi mayada chaak tangbada, amadi laaichat thok-hanbaduda shaknahallage. Masimak Eeshorna taakpiriba waaphamni. Maalemsida leiriba leibaakshinggi mamaangda nakhoy akibaa phanglaba jaat amaa oihan-gani.
18 Eigi areppa waashak ngaakna chattaba aduga eigi emangda areppa waashaktugi maron-shingdu engani haayna waashaklamlaga shoybashingdu eina saren chanbada matup ani thaokna kakpa sannaogi matougumna kakkani.
19 Matup ani thoklaba sannaodugi marakta chatlibashingdu Judah amadi Jerusalemgi phamnaaibashing, napungsang amadi purohit shing aduga leibaaksida leiriba mishingni.
20 Makhoygi mathwaai louge haayduna thiduna leiriba yeknabashingdugi makhutta eina makhoybu pithokkani machinjaak thiriba uchekshing amadi lamlakta leiba shaashingna makhoygi mashaadu chaathokkani.
21 Judahgi ningthou Zedekiah amadi mahaakki ningthou machaashingbu makhoygi mathwaai louge haayna tannaribashing, makhoygi yeknabashinggi makhutta amadi Babylongi ningthougi laanmishinggi makhutta pithokkani.
22 Eeshorna taakpiri, yeng-u, eina yaathang thaaduna makhoyna saaharsigi mathakta laandaraknaba amuk haanna purakkani. Makhoyna maasi lousallaga meida thaadokkani. Judahgi saaharshingsi leibinaba kanaa leihandana khutak lansihan-gani."