Leviticus 25
Taretshuba chahi
(Anishuba waa 15:1-11)
1 Sinai chingda Eeshorna Mosesda haayrammi,
2 Israelgi mishingda haayyu: Eina nakhoygda pigani haaykhiba leibaaktu youraga lamdu nakhoygi oinaba Eeshorgi khuyaakhaada potthabagi haraaoba paangthokkadabani.
3 Chahi taruk mahei marong thagadabani. Chahi taruk angur engkhondagi mahei lokpa yaai.
4 Taretshuba chahidadi loubukshingdu mahei marong hundaduna haangna thaadokkadabani. Maasi Eeshorgi maphamda ashengba potthaaba amaa oinaa ngakkdabani. Nakhoyna loubukta lou uroidoubani aduga angur maheisu lokpa yaaroi.
5 Nakhoygi loubukta hunkhidaba maruna hourakpa maheishingdu lokloidoubani. Nakhoyna makhong shengdaba angurdu lokpa yaaroi. Lamshingsi chahi amadi karisu hundana haangna thamgadabani.
6 Nakhoyna chahi amaa thaadokpasida nayumda leiriba minaai nupaa amadi nupishing, khutnek suhalliba mishing, amadi shaaidaanglibashingdugi machinjaak pigani.
7 Nakhoyga loynanaa leiriba shaashingdu lamduda houba napishing chaaduna mapuk than-gani.
Hanjinbagi chahi
8 Chahi tarettu taretlak thirabadi niphumapan taay. Maasi kupna mashing thigadabani. Taretshuba thaagi taraani paanba ayon-araangi thou tougadouba numitta leibaak shinba thungna pere khongduna paao thagadabani.
10 Yaangkhei shubaa chahidu nakhoyna ashengba chahini haayna laaothokkadabani. Maasi chahi yaangkhei shubada touba achouba haraaoba amaa oinaa tougadabani. MataMsida nakhoy khudingmak maagi maagi yumda hallakkadabani.
11 Chahi yaangkhei shubaa matamda haayriba haraaobasi. Paangthokkadabani. Yaangkhei shubaa chahisigi haraaobasida mahei marong hunba yaaroi. Matomta houjarakpadusu nakhoyna lokpa yaaroi. Makhong shengdaba angur paambidagi maheidusu lokpa yaaroi.
12 Chahi yaangkhei suraduna paangthokliba haraaobanina ashengba thoudokni khanggadabani. Chahisida loubukta houbashingduda chagadabani.
13 Haayriba chahisida nakhoygi napaa napugi lan thumdu yonthokkhrabasu maagi maagi mapuda hanjingadoubani.
14 Nakhoyna yumlonnabadagi lam leirabasu amanaa amada araanba tounaba yaade.
15 Mamaldi mathanggi hanjinnabagi chahi yaangkheidu paraga chahida maphamduna asuk thokpa yaai haaybasi khannaraga piba taay.
16 Karigumba hanjinnabagi chahidu yaamna thaplabadi, mamal yaamba taay. Aduga hanjinnabagi chahidu naklabadi mamal yaamloi. Maramdi yollibasi chahida thokkadouba maheiduni.
17 Nakhoygi narup Israelgi mishingbu namthaak toubiganu. Nakhoygi napuroi Eeshorbu kina chatchou.
Taretshuba chahida tougadouba
18 Maramsina nakhoyna Eina pikhiba niyamshing amadi, yaathangshingdu kaidana chatkadabani. Adu oirabadi nakhoyna leigadouriba leibaaktuda mara tapna paan-gani.
19 Aduga leibaaktuda potthok maraang kaina phanggani. Maramsina nakhoyna napuk thanna chaaduna mara tapna paan-gani
20 Eikhoyna mahei marong hundrabadi taretshuba chahida kari chaagani haayduna chingnaba leiragadi
21 Eina taruk shubaa chahida mapaan naaidana bor pigani. Tarukshuba chahisida lokpaduna chahi ahum chaaba konnagani.
22 Nipaanshuba chahida nakhoyna mara taaba matamda ariba potshingdu chaakhigani. Masina mapaan shubaa chahigi chanou loktriba phaaoba chanagani.
Lan-thum handokpagi chatnabi
23 Hanjinllaroi khanduna lam yonba yaade. Maramdi maalemsi Eigini. Nakhoydi eigi ephamda Shaaidaangba langphei chatpa mishinggumbani.
24 Napaa napushinggi chaakthung oinaa pikhraba leibaaksida lam handokpagi chatnabisi thamgadoubani.
25 Nachin nanaaoshinggi marakta kanaagumba amanaa lairaraktuna lam yonba thoklabadi, mahaakna ee naknaba amanaa yonthokliba lamdu handokpigadabani.
26 Mari mata kanaasu leijadaba adubu matamgi matung ennaa mahaak nungaairaklabadi, aduga matomtana handokchaba ngamlabdi,
27 Nahaakna yonkhiba chahidu kayaa surabage haaybadu mashing thiraga leikhiba nupaaduda mamal matik chaana thiraga hunjinhan-gadabani.
28 Mahaakna handoknaba matik chaana peisa leitrabadi, mahaakna yonkhiba nupaaduda chahi yaangkhei sudriba phaaoba thamgadabani. Chahi yaangkhei shubagi haraaobasida leikhiba nupaaduna mapududa lamdu amuk hanjinbigadabani. Aduga nupaaduna lamdugi mapu oigani.
29 Kanaagumba nupaa amanaa leinanaba yum amaa chekpan khajinba saahar amada kanaagumba amagi maphamda yonkhrabadi, yonkhiba numittudagi louraga chahi amagi manungda yumdu mahaakna handokpa yaai.
30 Karigumba chahi amagi manungda handokhoudrabadi, lairiba nupaadugi makhutta chekpan khagatlaba saaharduda leiriba yumdu miron khuding lengba yadana matam pumnamakki oinaa yolle haayna lougadabani. Maasidi chahi yaangkhei shubagi haraaobadudasu handokpa yaaroi. 31 Khunggangda leiba yumshinggidi loubukki matangda chatnaribadugi matung ennaa chatnagani. Khungganggi yumshingdi handokpa yaai aduga mamal yaaodana handokpikhigadabani.
32 Adubu Levishinggi yum oirabadi, makhoyna handokningba matamda handokpa yaai.
33 Kanaagumba Levina karigumba handokpa ngamjadrabadi chahi yaangkhei shubagi haraaobaduda handokpikhigadabani. Maramdi Israelgi mishinggi marakta Levishinggi mayumshing makhoygi maranni.
34 Mayaamgi oiriba lamda makhoygi sharuk oinaa leiriba shaaruktu loubukni aduga maasi yonba yaade maramdi haayriba lamsi makhoygi oinaba haayduna lengba naaidana pikhrabani.
35 Nahaakka pokminnaba nachin nanaao amanaa matomta hingjanaba pambei thiba ngamjadrabadi, nahaakki naphamda mahaak shaaidaangba nattraga langphei chatpa mi amagumna leihangadabani.
36 Maangondagi sendoi nattraga mahaak henna waanaba lambi thibiroidoubani. Matamduda nahaakna Eeshorbu kina chatkadabani. Adu oirabadi nahaakka pokminnaba nachin nanaaodu matam kuina nahaakkida leiba yagani.
37 Maangonda peisa shaandokpa matamda sendoi louroidoubani. Nattraga nahaakna maangonda pigadouba chinjaaktu mamal henjinna louroidoubani.
38 Nakhoybu pubiraktuna Canaan kouba lamdu nakhoyda pigani haaykhiba amadi nakhoygi napuroi oige haayna shinba Eidu Eeshorduni haayba kaoganu.
Minaai kokpiba
39 Nahaakka pokminnaba nachin nanaao amanaa yaamna lairaraktuna mashaamak nahaakki naphamda yonthokpa taarabadi, mahaakpu nahaakna minaaigumna thamba yaaroi.
40 Nahaakki naphamda mahaak khunek shubaa nattraga Shaaidaangba amagumna leihangadabani. Mahaakna nahaakki damak chahi yaangkheigi haraaobadu youdriba phaaoba thabak shuduna leigadabani.
41 Masigi matungda mahaakka loynanaa matu amadi machaashingdu chathankhiba yaai. Mapaa mapugi khubhamda hanjilhankho.
42 Eina Egypttagi purakpa eigi enaaishingni. Makhoybu minaaigumna yonba yaaroi.
43 Nakhoyna makhoygi mathakta tamthina waayenbiba yaaroi. Nakhoyna mataangsida napuroibu kina chatkadabani.
44 Nakhoyna loiriba minaai nupaa nattraga nupigi matangda nakhoyna khanggadoubadi: nakhoygi akoybada leiriba Jaatshinggi maraktagi minaai nupaa nattraga nupi leiba yaai.
45 Shaaidaangliba mishinggi maraktagi minaai nupaa nattraga nupi leiba yaai. Nakhoygi lamda pokpaa shaaidaangbashinggi maraktagi leibasu yaai. Haayribashingsi nakhoygi naranni haayna lougani. Matam leibada minaaisi nachaa nasushing phaaobada laangi mawongda pithokpa yaai. Makhoygi maraktagi nakhoyna minaai naaithaang thok-hanba yaai. Adubu nakhoygi shalaai tinnaba nachin nanaaoshinggi maraktagidi minaai ateida toubagumna waayenbiba yaaroi. Israelgi mishinggi maraktagidi amanaa amagi mathakta tamthina tounaroidoubani.
47 Kanaagumba langphei chatpa nattraga shaaidaangduna leiba amanaa enaak yaamna khullaklabadi, aduga adugumba shaaidaangba nupaaduda nahaakki nachin nanaao kanaagumba amaa mashaamak minaai oinaa yonkhrabadi, nattraga langphei chatpadugi emung manunggi kanaagumba mida mashaamakpu yonthoklabadi.
48 Mahaakpu handokkadabani. Machin manaaoshinggi maraktagi amanaa mahaakpu handokpigadabani.
49 Nupaadugi makhura nattraga mapaa tinnaba machin manaao amanaa mahaakpu handoka yaai. Karigumba mameithangda mahaak enaak khunba nupaa amaa oiraklabadi mashaana mashaabu handokchaba yaai.
50 Mahaak mashaana mashaabu yonthokkhiba chahidudagi chahi yaangkheigi haraaobadu phaaoba chahi mashing thigadabani. Mahaakpu handokpagi chatnabidi chahida chatkani. Mahaakpu leiriba nupaadugi maphamda leiringei matamdu khutnek shubani haayna lougani.
51 Karigumba chahidu yaamlabadi chahishingdugi matung ennaa mamaldu pigadabani.
52 Chahi yaamdabasu phipham thokpadu mahaakna pidaba yaade. Mahaak mashaana handokchaba matamda karigumba thabak tougadouba matam khara waatpa leirabadi, mamal oinaa pigadabani.
53 Chahi chahigi oinaa waaiba khutnek shubaa mi amaa oinaa mahaakpu leiriba nupaaduga leiminnagadabani. Mahaakna nupaadubu tamthina waayenbibadi yaaroi.
54 Haayriba pambeishingsina mahaakpu handokpinaba kanaasu leitrabadi, chahi yaangkhei shubagi haraaobasida mahaakpu thaadokpigadabani.
55 Maramdi eigi ephamdadi Israelgi mishingsi enaishingni. Eisi nakhoygi Eeshorni.