Luke 21

Lukhraabigi senkhaay

( Mark 12.41-44 )

1 Amasung Ebungngona yengkhattuna, enaakkhunba shingna makhoygi katchaba adu lan-geida hunjinba ure.

2 Aduga kanaagumbi laairabi lukhraabi amanaa senkhaay ani maduda hunjinba Ebungngona ure.

3 Maduda Ebungngona haay, eina nakhoyda chumna haayribani, laairabi lukhraabi asina makhoy pumnamaktagi henna hunjille.

4 Maramdi pumnamak asina makhoygi lemthokpathokpadagi potkatshinggi marakta hunjille, touegumsung nupi asina maagi leitbadudagi maagi leijaramba hingnaba pumnamak hunjille.

Jerusalem manglagadaba amasung jugki aroiba Jesusna maangjounana khanghanba

( Matthew 24.1,2; Mark 13.1,2 )

5 Amasung ningthijaba nung amasung potkatna kayaa leitengliba haayduna Ningnashanggi maramda kanaa kanaagumbana ngaangbada, Ebungngona haay,

6 Nakhoyna yengliba potshing asigi maramda, asigumba numit shing laakkani, maduda nung amabu amagi mathakta asida ningkhaay-handana thamlamlaroi. 

7 Aduda makhoyna ebungngoda hanggat-charak-e, oja, maram aduna hiram shing asi keidoungei thokkadage? aduga hiram shing asi thoklamdaaida khudam kari oigadage? 

8 Amasung Ebungngona haay, 

nakhoybu seraannana lamjingdanaba cheksillu; maramdi, ei mahaakni, aduga, matam adu naksillakle, haayduna ayaambana eigi emingda laakkani. Nakhoyna makhoygi tung enganu.

9 Amasung nakhoyna laal amasung maranghouba taarabada thukkatkanu; maramdi hiram shing asi haanna thoklaba taay, adubu aroiba adu khudak adumakta natte,

10 Matam aduda Ebungngona makhoyda haay, jaat amanaa jaat amagi mathakta amasung ningthouleibak amanaa ningthouleibak amagi mathakta hourakkani;

11 Aduga akan akanba yuharaba, tongaan-tongaanba maphamda chaak-tangba amasung laaina makhal makha ayaamba thokkani; aduga aki akhang amasung atiyaadagi achou achouba khudam oiragani. 

12 Touegumsung pumnamak asi thoktringeida, makhoyna nakhoybu khut phangnana phaaduna otneigani; makhoyna nakhoybu loysangda amasung keishumshangda pithoktuna, eigi eeminggi damak ningthoushing amasung leibaak ngaakpashinggi mamaangda nakhoybu pukhatkani.

13 Saakhi pinanabagi damak nakhoyda maasi thoklaragani. 

14 Maram aduna nakhoyna khumgadaba adu ahaanbada waakhal touroi haayduna napukningda lepu. 15 Maramdi nakhoygi yeknaba punmnamakna nakhoygi nathakta leppa nattraga ngaangba ngammoidaba chin amasung loushing eina nakhoyda pibigani.

16 Touegumsung nama napa, nachin nanaao, shaagei-naatei, marup mapaang phaaobanasu nakhoybu pithokkani; aduga nakhoy kanaa kanaagumbabu makhoyna haathan-gani;

17 Amasung mi pumnamakna nakhoybu eigi minggi damak tukkachagani.

18 Adubu nakhoygi kokki shamna amata maangloi.

19 Nakhoygi khangheibana nakhoyna nakhoygi hingba phangjagani.

20 Touegumsung nakhoyna Jerusalembu laanmi shingna koisilliba ubada, matam aduda maagi mangtakkadaba naksillakle haayna khang-u.

21 Adudadi Judeada leiba makhoy chingda chenthoksanu, konung manungda leiba makhoy madudagi thokkhisanu, aduga lawaayda leiba makhoy maduda chaangdasanu;

22 Maramdi ekhiba pumnamak adu thungna-naba, laman khumbagi numit shing adu asini.

23 Masha mirolbishing amasung khom-nouribishing adudi matam aduda awaa-nungshibanida! maramdi prithibida thoidokna mipal thiragani, amasung mishing asida ashaaoba oiragani.

24 Aduga makhoyna kabaak-thaanggi mayada taaragani, makhoybu phaaduna Jaat pumnamakta pukhigani, amasung atoppa Jaatshinggi matam loidriba phaaoba Jerusalembu atoppa Jaatshingna netthagani.

25 Amasung numitta, thada, thawaan-michakshingda khudam thokkani; amasung prithibida samudraga ethakkagi ngaangbana laangtak-naraduna, Jaatshinggi awaa-anaa thokkani;

26 Kibagi amasung taaibang-paanda thokkadaba adu khanbagi maramna, mishingna waanthagani; maramdi atiyagi paanggal khibikpu nikhan-gani.

27 Matam aduda migi machaanupa aduna paanggalga achouba matik mangaanga loynanaa leichin marakta laakpa makhoyna ugani.

28 Touegumsung hiram shing asi thokpa hourakpada yengkhattuna nakok thaanggatlu, maramdi nakhoygi handokpiba naksinbani.

Mitsheng khaangbagi kaannaba

( Matthew 24.32-35; Mark 13.28-31 )

29 Aduga Ebungngona paandam amaa makhoyda haay, 

heiyit paambi amasung u paambi pumnamakpu yeng-u.

30 Pumnamakshing yening hullakpada, houjik olaangtha nakle haayduna nakhoy nashaana uduna khang-e.

31 Adugumduna nakhoynasu hiram shing asi thoklakliba urabada, Eeshorgi leibaak naksillakle haayba khangu.

32 Eina nakhoyda thaanggei shengna haayribani, hiram pumnamak asi paangthoktriba phaaoba miron asi houkhiroi.

33 Atiya amasung prithibidagi mangkhigani, touegumsung eigi waashingdi supmaang maanglaroi.

34 Touegumsung chaak moubana, yu ngaaobana amasung mipal asigi laangtaknabana nakhoygi thamoi lumthahandananaba, amasumg numit adu langgumna nakhoygi nathakta khanghoudana laaktananaba, nakhoy nashaana saajel toujou;

35 Maramdi numit adu Prithibigi mapham khudingda paalliba pumnamakki mathakta laakkani.

36 Adubu thoklagadouriba pumnamak asi naanthokpa, amasung migi machaanupa adugi maangda leppa nakhoyna ngamnanaba matam leiba khibikta nonjaduna mitsheng khaang-u.

37 Amasung Ebungngona Ningnashangda nungthin nungthinda tambirammi, aduga ahing ahingda chatthokkhiduna Mount of Olive kouba chingda Ebungngona yaaireklammi.

38 Amasung mi pumnamakna ebungngogi waa tagadabagi Ningnashangda ayuk nganta ebungngogi maphamda laaklammi.